अपणुं उत्तराखंडः दिनभरै खास खबर, एक नजर मा

स्वास्थ्य और स्वच्छता विषय थै उत्तराखंड बोर्ड पाठ्यक्रम मा किये ग्या शामिल, 26 सितंबर का दिन एनआईटी उत्तराखंड कू होल तीसरू दीक्षांत समोराह, सीएम धामी का दगणि धारचूला से कांग्रेस विधायक हरीश धामी की मौजूदगी बणि चर्चा कू विषय, मुख्यमंत्री पुष्कर सिंह धामी का दिल्ली दौरा से एक बार फिर कैबिनेट विस्तार की चर्चाओं थै मिली बल. पैढ़ा यनि दिनभरै खास खबर बस एक नजर मा...

1. स्वास्थ्य और स्वच्छता विषय बोर्ड पाठयक्रम मा शामिल: स्वास्थ्य और स्वच्छता विषय थै उत्तराखंड बोर्ड पाठ्यक्रम मा किये ग्या शामिल, कक्षा 1 से 12वीं तक का बच्चों थै अब पढ़ै जालु नयु विषय, राज्यपाल से स्वीकृति मिना का बाद शिक्षा सचिव रविनाथ रमन ना जारी करिन आदेश, बीता दिनों कैबिनेट मीटिंग मा स्वास्थ्य एवं स्वच्छता विषय थै उत्तराखंड बोर्ड पाठ्यक्रम मा शामिल कना का प्रस्ताव पर बणि छाई सहमति.

2. एनआईटी दीक्षांत समारोह मा धर्मेंद्र प्रधान करला शिरकत: 26 सितंबर का दिन एनआईटी उत्तराखंड कू होल तीसरू दीक्षांत समोराह, केंद्रीय शिक्षा मंत्री धर्मेंद्र प्रधान मुख्य अतिथि का तौर पर दीक्षांत समारोह मा करला शिरकत, दीक्षांत समारोह मा 23 मेधावी छात्र-छात्राओं थै गोल्ड मेडल से किये जालु सम्मानित.

3. सीएम और हरीश धामी की नजदीकी की चर्चा:सीएम पुष्कर सिंह धामी ना भारत और नेपाल से जुड़ वला मोटरपुल कू करि शिलान्यास, ये कार्यक्रम मा सीएम धामी का दगणि धारचूला से कांग्रेस विधायक हरीश धामी की मौजूदगी बणि चर्चा कू विषय, सीएम से हरीश धामी की नजदीकी का बाद लगे जाणा छिन कयास, कांग्रेस छोड़ जल्द बीजेपी मा ह्वे सकदि शामिल.

4. दिल्ली दौरा से कैबिनेट विस्तार की चर्चा थै मिली बल: मुख्यमंत्री पुष्कर सिंह धामी का दिल्ली दौरा से एक बार फिर कैबिनेट विस्तार की चर्चाओं थै मिली बल, धामी कैबिनेट मा अभी भी मंत्रियों का तीन पद खाली, वखि दिल्ली मा मौजूद सीएम धामी से कैबिनेट विस्तार थै लेकि पत्राकारों ना पूछी सवाल, त एक बार फिर हंसकर सवाल थै टलदा नजर ऐनि सीएम धामी.

5. अधिकारियों ना केदारनाथ पुनर्निर्माण कार्यों कू ल्याई जायजा: बदरीनाथ केदारनाथ पुनर्निर्माण कार्यों की ओएसडी भास्कर खुल्बे और उप सचिव पीएमओ मंगेश घिल्डियाल ना केदारनाथ पौंचि निर्माण कार्यों कू ल्याई जायजा, जैका बाद अधिकारियों ना निर्माणदायी संस्थाओं थै अक्टूबर तक कार्यों थै पूरू कना कू दैनि आदेश, वखि यात्रा व्यवस्थाओं कू भी अधिकारियों ना ल्याई जायजा.

6. अभिषेक सिंह ना पीसीसी पद से द्याई इस्तीफा: उत्तराखंड कांग्रेस ना पीसीसी सदस्यों की लिस्ट करि जारी, वखि लिस्ट जारी हुणा का तीन दिन बाद चकराता से कांग्रेस विधायक प्रीतम सिंह का बेटा अभिषेक सिंह ना पीसीसी पद से द्याई इस्तीफा, ये इस्तीफा का पिछने पीसीसी सदस्यों का चयन मा वरिष्ठ और जनाधार वला नेताओं की अनदेखी थै बताई कारण.

7. रुद्रप्रयाग मा बारिश से बणिन भूस्खलन की घटनाएं: केदारघाटी मा लगातार हुणी बारिश से बणिन लौखु की मुश्किलें, वखि केदारनाथ यात्रा पर जाणा वला यात्रियों थै भी कन पुड़नु च परेशानियों कू सामना, बारिश की वजह से जगह-जगह हुणु च लैंडस्लाइड, जैका वजह से हाईवे पर घंटों तक लगणु च जाम, वखि कई बार बिना बरखा का भी हुणु च भूस्खलन

8. बीरोंखाल का पास सड़क हादसा मा द्वि लौखु की मौत: कोटद्वार बैजरो मोटरमार्ग पर ह्वाई दर्दनाक हादसा, बीरोंखाल का पास अनियंत्रित ह्वेकि खाई में गिरी कार, ये हादासा मा कार द्वि लौखु भी मौका पर ही दर्दनाक मौत, जबकि, एक युवक गंभीर रूप से घायल, बींरोखाल प्राथमिक स्वास्थ्य केंद्र मा चनु च घायक युवक कू इलाज.

9. रुड़की मा चोरों ना बंद मकान पर करि हाथ साफ: रुड़की सिविल लाइन कोतवाली क्षेत्र का खंजरपुर गौं मा चोरों ना एक बंद मकान थै बणाई निशाना, तालु तोड़कि चोरों ना घौर मा रख्या जेवरात और 15 लाख रुपये की नकदी पर करि हाथ साफ, पीड़ित परिवार की शिकायत पर पुलिस ना अज्ञात चोरों का खिलाफ दर्ज करि मुकदमा और मामला की कनि च जांच पड़ताल.

10. मैदान मा वेस्टइंडीज की टीम ना करि प्रैक्टिस: राजीव गांधी अंतरराष्ट्रीय क्रिकेट स्टेडियम देहरादून मा रोड सेफ्टी वर्ल्ड सीरीज 2022 का आठ मैच हुणा प्रस्तावित छिन, भौल शाम सात बजि वेस्टइंडीज और ऑस्ट्रेलिया का बीच मैच खेले जालु, ज्यांखुण आज मैदान मा वेस्टइंडीज की टीम प्रैक्टिस कना खुण उतरीं च. वखि, वेस्टइंडीज का खिलाड़ियु थै देहरादून खूब रास आणु च.