1. मुख्यमंत्री धामी ना पुस्तक कू करि विमोचन:मुख्यमंत्री पुष्कर सिंह धामी ना पूर्व IAS आराधना जौहरी द्वारा उत्तराखंड का मंदिरों पर लिखीं पुस्तक 'BEYOND THE MISTY VEIL'कू करि विमोचन, ये मौका पर मुख्यमंत्री धामी ना पुस्तक की लेखिका सुश्री आराधना जौहरी थै देनि बधै, और बोली- यिं पुस्तक से देश-विदेश से उत्तराखंड घूमण आण वला सैलानियों थै मिललि महत्वपूर्ण जानकारी.
2. कांग्रेसियों ना करि सचिवालय कूच:सरकरी नौकरियों मा गड़बड़ी का आरोप लगेकि आज कांग्रेसियों ना करि सचिवालय कूच, सरकार पर विभिन्न विभागों मा भर्तियों का नाम पर भ्रष्टाचार और अनियमितता कू लगाई आरोप, सचिवालय घेराव का दौरान नेता प्रतिपक्ष यशपाल आर्य, उप नेता प्रतिपक्ष भुवन कापड़ी समेत कांग्रेस प्रदेश अध्यक्ष करन माहरा रेनि मौजूद.
अपणुं उत्तराखंडः दिनभरै खास खबर, एक नजर मा 3. हाईकोर्ट ना विजिलेंस और सरकार से मांगी जवाब:नैनीताल हाईकोर्ट ना आज आय से अधिक संपत्ति मामला मा गिरफ्तार आईएएस रामविलास यादव की गिरफ्तारी पर रोक याचिका की करि सुनवै, जैका बाद ये मामला मा कोर्ट की खंडपीठ ना शिकायतकर्ता हेमंत कुमार मिश्रा थै जारी करि नोटिस, वखि विजिलेंस और सरकार से तीन सप्ताह मा मांगी जवाब.
4. विधानसभा अध्यक्ष ना करि समीक्षा बैठक:विधानसभा अध्यक्ष ऋतु खंडूड़ी ने आज अपणा विधानसभा क्षेत्र कोटद्वार की स्वास्थ्य सेवाओं का संबंध मा अधिकारियों दगणि करि समीक्षा बैठक, ये मौका पर विधानसभा अध्यक्ष ना सभी स्वास्थ्य इकाइयों मा व्यवस्था बनाणा खुण अधिकारियों थै देनि निर्देश, वखि बेस हॉस्पिटल कोटद्वार मा स्पेस्लिस्ट डॉक्टरों की तैनाती का भी देनि आदेश.
5. धनगढ़ी नाला मा फंसी यात्रियों से भरी बस:उत्तराखंड मा बरखा का चलदा उफान पर छिन नदि नाला, चेतावनी का बावजूद अपणि जान जोखिम मा डालकर सफर कना छिन लोग, वखि रामनगर मा ड्राइवर की बेवकूफी से हलक मा अटकी यात्रियों की जान, धनगढ़ी नाला मा फंसी यात्रियों से भरी बस, जेसीबी की मदद से बस थै निकाले ग्या भैर.
6. जल पुलिस ना पांच कांवड़ियों की बचै जान:कांवड़ मेला मा भारी संख्या मा हरिद्वार पौंचणा छिन यात्री, वखि एक बार फिर कांवड़ यात्रियों खुण उत्तराखंड पुलिस बणि देवदूत, नहेण का दौरान गंगा मा डूबदा पांच कांवड़ियों थै जल पुलिस ना सकुशल करि रेस्क्यू, कांवड़ यात्रा का दौरान अलग-अलग घाटों मा तैनात च जल पुलिस, गोताखोरों थै प्रशासन करलु सम्मानित.
7. रुद्रप्रयाग मा 200 मीटर गहरी खाई मा गिरी शख्स:बदरीनाथ हाईवे पर पहाड़ी से 200 मीटर गहरी खाई मा गिरी एक शख्स, सूचना पर पुलिस और एसडीआरएफ की टीम ना घायल व्यक्ति थै करि रेस्क्यू, डॉक्टरों ना घायल व्यक्ति की हालत बताई खतरा से भैर, जलस्रोत मा पाणि लेणा खुण जांद दफे ह्वे छाई हादसा.
8. कांग्रेस ना धामी सरकार पर साधी निशाना:पीपलकोटी विष्णुगाड़ जल विद्युत परियोजना का डंपिंग जोन से घास लाणी महिलाओं से पुलिस की अभद्रता का मामला ना पकड़ी तूल, कांग्रेस ना ये मामला मा धामी सरकार पर साधी निशाना, वखि सरकार की मंशा और घस्यारी योजना पर भी उठैन सवाल. भौल कांग्रेस ये मामला मा सरकार का खिलाफ करलि प्रदर्शन.
9. गुलदार की धमक से खौफजदा लोग:उत्तराखंड का रिहायशी इलाकों मा गुलदार की धमक से खौफजदा लोग, हरिद्वार और कोटद्वार मा रिहायशी इलाको मा घुमदा दिखेन गुलदार, हरिद्वार मा कुत्ता थै गुलदार ना बड़ाई निवाला, वखि कोटद्वार मा स्कूल का मुख्य मार्ग मा गुलदार दिखेण से लौखु मा डेर.
