1. उत्तराखंड मा कोरोना का मामलों मा कमी:उत्तराखंड मा अब कोरोना कू प्रकोप कम हुंदु देखेणु च, रविवार का दिन प्रदेश मा कोरोना का 30 नया मरीज मिलिन, वखि आज 32 कोरोना संक्रमित रिकवर भी ह्वेनि, जैका बाद अब प्रदेश मा कुल 535 ही एक्टिव केस रयां छिन. वखि ये साल जनवरी बटि अब तक कुल 91 हजार 621 लोग कोरोना संक्रमित ह्वेनि.
2. यूक्रेन मा फंसया उत्तराखंडी छात्र सुरक्षित लौटिन घौर:यूक्रेन मा फंसया भारतीय छात्रों थै सुरक्षित स्वदेश लाणा खुण भारत सरकार कू ऑपरेशन गंगा जारी, रुद्रप्रयाग, टिहरी, रामनगर और लक्सर का रैण वला छात्र यूक्रेन बटि सकुशल पौंचिन घार, अगस्त्यमुनि का रौण वला अंकित चंद्र न सुनाई आपबीती, बोलि- भारतीय छात्रों थै ट्रेन मा नि चढ़ दिणा छाई यूक्रेनियन सैनिक, करि बदसलूकी.
अपणुं उत्तराखंडः दिनभरै खास खबर, एक नजर मा 3. जिताऊ प्रत्याशियों का संपर्क मा च बीजेपी- महेंद्र भट्ट: उत्तराखंड विधानसभा चुनौ का परिणाम जल्द ही घोषित हुण वला छिन, यन मा बदरीनाथ से बीजेपी विधायक महेंद्र भट्ट ना एक बड़ू बयान देयालि, ऊन बोली- जिताऊ प्रत्याशियों का संपर्क मा च पार्टी, जरुरत पड़लि त ऊथे भि किये जालु बीजेपी मा शामिल.
4. गणेश गोदियाल बोलिन- बीजेपी थै ह्वे गाई हार कू आभास:बीजेपी नेताओं की बयानबाजियों पर गणेश गोदियाल ना करि पलटवार, ऊन बोलि- चुनाव परिणाम से पेली बीजेपी थै ह्वे गाई हार कू आभास, 2016 का जन प्रयास मा बीजेपी नि ह्वेलि सफल, बार-बार काठ की हांडी, चूल्हा पर नि चढ़दी. कांग्रेस बढ़ाणि बहुमत से सरकार.
5. उत्तराखंड मा नमामि गंगे का नाम पर करोड़ों खर्च:उत्तराखंड मा नमामि गंगे का नाम पर पिछला छह सालों मा करीब 483 करोड़ रुपये खर्च किये गिन, लेकिन आज भी गंगा का हालात तस की तस बणयां छिन, आरटीआई कार्यकर्ता हेमंत गोनियाल ना य जानकारी सार्वजनिक करि, ऊन बोली- स्वच्छ गंगा का नौ पर अबि कुई काम धरातल पर नि दिखेणु च, गंगा मा डॉयरेक्ट गिनु च सीवरेज कू पाणि.
6. उत्तरकाशी-छेनागाड़ मोटरमार्ग मा मैक्स दुर्घटनाग्रस्त: उत्तरकाशी-छेनागाड़ मोटरमार्ग पर आज सुबेर ह्वाई दर्दनाक सड़क हादसा, डेढ़ सौ मीटर गहरी खाई मा गिरी मैक्स, ये हादसा मा मैक्स चालक की मौका पर ही मौत, सुंदर सिंह रौथाण का रूप मा ह्वे मुन वला की पहचान, डीडीआरएफ और पुलिस ना शव थै करि रेस्क्यू, हादसा की जांच मा जुटी पुलिस.
7. चकराता मा जाली नोटों का दगणि महिला-पुरुष गिरफ्तार:चकराता पुलिस ना जाली नोटों का दगणि महिला-पुरुष थै करि गिरफ्तार, चेकिंग का दौरान आरोपियों का पास से करीब 6 लाख से ज्यादा का जाली नोट बरामद, पुलिस ना द्वियों का खिलाफ संबंधित धाराओं मा मुकदमा करि दर्ज, आरोपियों से पुलिस कनि च पूछताछ.
8. खटीमा मा गुलदार ना मासूम पर करि हमला: खटीमा की जौलासाल फॉरेस्ट रेंज मा जंगली जानवरों कू आतंक, लंकापुरी गिद्धौर गौ मा घौर का आंगन मा खिलदा पांच साल का बच्चा पर करि गुलदार ना हमला, नौना की ददी का चिलौण पर जंगल का मा वापस भागी गुलदार, घायल बच्चा की हालत नाजुक, डॉक्टरों ना हायर सेंटर करि रेफर.
9. जिम कॉर्बेट म्यूजियम ना खुलण से स्थानीय लोगों मा आक्रोश:रुद्रप्रयाग का गुलाबराय मा पहाड़ी शैली बणयु च जिम कॉर्बेट म्यूजियम, पर्यटन विभाग की हीलाहवाली से बनणा का एक साल बाद भि नि खुलु जिम कॉर्बेट म्यूजियम, एक करोड़ की लागत से प्रसिद्ध शिकारी जिम कॉर्बेट की याद मा गुलाबराय मा बणयु च म्यूजियम, 436 लौखु थै मन वलि बाघिन कू जिम कॉर्बेट ना गुलाबराय मा करि छाई शिकार.
10. महिला सहायता समूह बनाणा छिन फूलों से हर्बल कलर: उत्तराखंड का कुमौ मंडल मा बैठकी होली कू दौर जारी. लौखु पर छाई होली कू खुमार, वखि होली का चलदा हर्बल रंगों की बाजार मा भारी डिमांड, हल्द्वानी मा महिला सहायता समूह इनदिनों बुरांश का फूलों से हर्बल कलर कनि छिन करि तैयार, सबि प्रकार से सुरक्षित छिन यि हर्बल उत्पाद.
