1. उत्तराखंड मा कोरोना की रफ्तार मा आई कमी:उत्तराखंड मा अब कोरोना की रफ्तार मा कमी दिखेणी च, आज मंगलवार का दिन प्रदेश मा कोरोना का 47 नया मरीज मिलिन, वखि पिछला 24 घंटा मा कै भी मरीज ना अपणि जान नि ग्वे. जैका बाद उत्तराखंड मा कुल 928 एक्टिव केस छिन, वखि जनवरी बटि अब तक कुल 91,397 लोग कोरोना से संक्रमित ह्वेनि.
2. महाशिवरात्रि पर शिवालयों मा उमड़ी भक्तों की भीड़: देवभूमि मा महाशिवरात्रि का पर्व पर शिवालयों मा हर-हर महादेव का जयकारा सुनैणा छिन, आज सुबेर बटि ही गढ़ीकैंट स्थित टपकेश्वर मंदिर मा जलाभिषेका खुण श्रद्धालु पौंचया छ्या. वखि देररात ही शुभ संयोग का बीच मंदिर मा शिवलिंग कू विशेष श्रृंगार किये ग्ये छ्या, जैका बाद श्रद्धालुओं ना भोलेबाबा कू जलाभिषेक करि.
अपणुं उत्तराखंड: दिनभरै खास खबर, एक नजर मा 3. बनखंडी महादेव मंदिर मा सीएम धामी ना करि जलाभिषेक:महाशिवरात्रि का मौका पर सीएम धामी ना खटीमा का चकरपुर स्थित पौराणिक बनखंडी महादेव शिव मंदिर मा जलाभिषेक करि और देश व राज्य की खुशहाली कामना करि. जैका बाद सीएम धामी ना फीता कटाकि यख सात दिवसीय शिवरात्रि मेला कू शुभारंभ भी करि.
4. CM धामी ना यूक्रेन मा फंसया छात्रों से वीडियो कॉल पर करि बात: सीएम धामी ना यूक्रेन मा फंसया छात्रों से वीडियो कॉल मा करि बात, वखि बच्चों का परिजनों से भी करि मुलाकात. ये मौका पर सीएम धामी न बोली- यूक्रेन मा फंसया उत्तराखंडी छात्र जल्द से जल्द लौटला घार, विदेश मंत्रालय और केंद्र से लगातार संपर्क मा छिन अधिकारी.
5. यूक्रेन बटि लौटी आकांक्षा ना ईटीवी भारत से साझा करिन अपणा अनुभव:यूक्रेन रुस की जंग का बीच यूक्रेन से श्रीनगर सुरक्षित वापस लौटी आकांक्षा, ईटीवी भारत से अपणा यूक्रेन क अनुभव करिन साझा, आकांक्षा ना बोली- अभी भी कीव और खरकीव मा फंसाया छिन कई भारतीय छात्र, बमबारी का बीच डर का साया मा जीणा खुण मजबूर छिन स्टूडेंट्स. दिनोंदिन खराब हुणा छिन हालात.
6. हरिद्वार पुलिस ना चोरी कू करि खुलासा, द्वि आरोपी गिरफ्तार:हरिद्वार ज्वालापुर कि पॉल कॉलोनी नक्षत्र वाटिका मा ह्वे चोरी कु पुलिस ना खुलासा कयालि, चोरों ना मकान कू ताला तोड़िकि लाखों का जेवरात और नकदी पर करि छाई हाथ साफ, पुलिस ना कड़ी मशक्कत का बाद ये मामला मा द्वि आरोपियों थै करि गिरफ्तार, आरोपियों का पास से चोरी का जेवरात औऱ नकदी बरामद.
7. कांग्रेसियों ना श्रीनगर मेडिकल कॉलेज प्रबंधन पर लगैन गंभीर आरोप:श्रीनगर मेडिकल कॉलेज प्रबंधन पर लगिन गंभीर आरोपी, आचार संहिता का दौरान लौखु थै बैकडोर से नौकरी पर रखणा कू आरोप, कांग्रेस उपाध्यक्ष रामेश्वरी रावत ना मेडिकल कॉलेज परिसर मा जमकर करि हंगामा, ऊन बोली- द्वेष भावना से प्रेरित ह्वेकी कॉलेज प्रबंधन ना चार कर्मियों थै नौकरी से करि छ्या भैर.
8. शिवरात्रि पर आईटीबीपी का जवान पहुंचिन बदरीनाथ धाम: महाशिवरात्रि का मौका पर बदरीनाथ धाम पहुंचिन आईटीबीपी का जवान, मंदिर का अगनै खड़ा ह्वेकि लगैन भारत माता की जय का नारा, अजकाल बदरीनाथ धाम मा बिछी च बर्फ की मोटी चार, 8 मई का दिन खुलला भगवान बदरी विशाल का कपाट.
9. केदारनाथ धाम का कपाट खुलणा की तिथि घोषित:शिवरात्रि का मौका पर बारह ज्योतिर्लिगों मा एक भगवान केदारनाथ का कपाट खुलणा की तिथि ह्वे घोषित, 6 मई का दिन खुले जाला बाबा केदार का कपाट, ओंकारेश्वर मंदिर ऊखीमठ मा पंचांग की गणना का अनुसार तीर्थ पुरोहितों ना केदारधाम का कपाट खुलणा की तिथि करि घोषित.
10. बर्फबारी का बाद गुलाबी कांठा मा लौटी रौनक:उत्तराखंड मा बीता दिन पहाड़ी इलाकों मा ह्वेई जमकर बर्फबारी, उत्तरकाशी कि यमुना घाटी मा बर्फबारी से लौटी रौनक, जैका बाद गुलाबी कांठा मा भारी संख्या मा पौंचणा छिन पर्यटक, पर्यटकों की आमद से व्यापारियों का खिलिन चेहरा, स्कीइंग कना खुण कई राज्यों से पौंचणा छिन पर्यटक.
