कोरोना संक्रमण कु लिहाज से आज प्रदेश मा कोरोना कु कुल 981 नया मामला संमणि ऐनी, अर 36 लोगूं न अपणि जान गवैंई. प्रदेश मां कोरोना संक्रमितुं की कुल संख्या 3,30, 475 ह्ववे गी, जबकि यां से मन्न वालौ की कुल संख्या 6479 (उनासी)) पैंची ग्यै च.
दिनभरै की खास खबर, एक नजर मा - 12 जून तै ह्वाली आईएमए परेड
भारतीय सैन्य अकादमी की पासिंग आउट परेड आण वाली 12 जून कु ही आयोजित किए जाली. कोरोना गाइडलाइन कु हिसाब से यैका बार पासिंग आउट परेड मां अफसर बनण वाल कैडेट्स का परिजन अर ऊंका मेहमान शामिल नी ह्वै सकदा. बतै द्यां कि 12 जून 2021 को होणि वाली परेड मा 341(इकतालिस) भारतीय कैडेट्स पास आउट ह्वै कन बतौर देश की सेना मां अफसर बणल जबकि मित्र देशों क 84 (चौरासी) कैडेट्स भी पास आउट ह्वालु.
- वाइस एडमिरल संदीप नैथानी कु मीली जिम्मेदारी
पौड़ी जनपद क कल्जीखाल ब्लॉक का नैथाणा गांव का रहण वाल वाइस एडमिरल संदीप नैथानी तैं नौसेना मा बड़ी जिम्मेदारी मीली च. नैथानी कु नौसेना मा मैटेरियल प्रमुख का तौर पर नई जिम्मेदारी द्यै गै च. वाइस एडमिरल संदीप नैथानी 1 जनवरी 1985 (पचासी) कु भारतीय नौसेना मां कमीशन ह्वै छै. सीएम तीरथ सिंह रावत न ऊं तैं नई जिम्मेदारी क शुभकामनाएं द्यै च.
- दिल्ली एम्स मा भर्ती निशंक
केंद्रीय शिक्षा मंत्री डॉ रमेश पोखरियाल निशंक तैं दिल्ली एम्स मा भर्ती कौरी ग्यै च. कोरोना संक्रमण से ऊं की हालत बिगड़ ग्यै छै, जैका बाद ऊं तै अस्पताल मा भर्ती कौरी ग्यै च. बतै द्यां कि हाल ही मा केंद्रीय शिक्षा मंत्री रमेश पोखरियाल निशंक कोरोना वायरस संक्रमित ह्वै ग्यै छै, ऊं न ट्वीट कर यै बात की जानकारी द्यै छै.
- मेयर समेत 27 लोगूं की पुलिस सुरक्षा वापस
उत्तराखंड की राजधानी देहरादून क मेयर सुनिल उनियाल गामा, ऋषिकेश क मेयर अनिता ममगाईं समेत राज्य का कुछ दर्जाधारी और अल्पसंख्यक आयोग क अध्यक्ष सहित कुल 27 लोगों कु मीली पुलिस सुरक्षा सरकार द्वारा वापस ल्यै गै च. दरअसल, शासन की समीक्षा बैठक मा समणि ऐ छै कि कोरोना कु दौरान सुरक्षा पाण वालु ई लोगूं तैं सुरक्षा की आवश्यकता नी च. पुलिस फोर्स की कमी का चलते भी सुरक्षा हटै द्यै ग्यै च.
- रामदेव क खिलाफ डॉक्टरों कु ब्लैक डे
इंडियन मेडिकल एसोसिएशन से जुड़ा चिकित्सक अर प्रांतीय चिकित्सा स्वास्थ्य सेवा संघ कु डॉक्टरों न एलोपैथी अर चिकित्सकों कु बारे में बाबा रामदेव की टिप्पणियों क खिलाफ विरोध स्वरूप आज राज्य भर मा काली पट्टी बांधी कर काम कौरी. सभी डॉक्टर रामदेव क एलोपैथी चिकित्सकों पर द्यै गै बयान से बिजां नाराज छन, अर बाबा रामदेव कु गिरफ्तार कन्न की मांग करणा छन.
- वात्सल्य योजना कु दायरा बढ़ाण क तैयारी
कोरोना काल मा अनाथ ह्वै ग्याई बच्चों का भविष्य सुधारने कु खातिर अब राज्य सरकार वात्सल्य योजना का दायरा बढ़ाण की तैयारी कन्न लगीं च. बच्चा जैंका मां या बाप मा से क्वी भी अगर पैली गुजर चुकी च, और ऊं का क्वी और परिजन बी कोरोना कु कारण गुजर ग्यैन, ई स्थिति मा पूरी तरह अनाथ ह्वै गैन बच्चों तैं इ योजना कु लाभ दी जालु. बच्चा कु खाता मां 3 हजार रुपया भी डाली जालु अर बच्चे की शिक्षा की जिम्मेदारी भी सरकार उठाली. बतै द्यां कि अबी इ तैयारी बस शुरुआती दौर मा च.
- परंपरा क मुताबिक नी खुली बदरीधाम क कपाट
उत्तराखंड मा स्थित चारों धामों मा से एक बदरीनाथ धाम क कपाट 18 मई सुबेर साढ़े 4 बजी खोली ग्यै छे. जैका बाद 19 मई से 29 मई तक कपाट तैं सुबेर 7 बजी खोली ग्याई जबकि पूजा-पद्धति के मुताबिक कपाट खुलन क समय सुबेर 4 से 4.30 बजी तक ही ह्वांदू. इ मामला पर बदरीनाथ धाम क धर्माधिकारी भुवन उनियाल क कहणा च कि ऊ कुछ नी बोल सकदा नी त ऊं की नौकरी पर बात ऐ जाली. वखी देवस्थानम बोर्ड क मीडिया प्रभारी हरीश गौड़ न कैही कि एसओपी क मुताबिक ही कपाट खोली ग्यैन पर गलती त ह्वी च जैं मां सुधार कौर लियाली.
- मौनी बाबा का समर्थन मा शिवानंद
गंगा मां की अविरलता अर निर्मलता कु लेकी पिछला द्वी दशक बिटीं लड़ाई लड़ण वालु मातृ सदन क परमाध्यक्ष स्वामी शिवानंद न बदरीनाथ धाम मा अनशन करण्या मौनी बाबा कु समर्थन कियाली. ऊन कैही कि जब पुजारी अर रावल वख पूजा कर सकदन अर कई सौ मजदूर वख कार्य कर सकदन तब संतों तैं भगवान बदरीनाथ कु दर्शन किलै नी करणा दिये जाण छन. बतै द्यां कि बता दें, मौनी बाबा पिछला 9 दिनों बिटीं बदरीनाथ धाम मा अनशन करणा छन, अब ऊन जल भी त्याग द्यै च, लेकिन सरकार बिटीं क्वी मंत्री- अधिकारी ऊं की सुध नी लेणि च.
2018 मा वर्ल्ड रिकॉर्ड ऑफ इंडिया मा नाम दर्ज कराण वालु पिथौरागढ़ क मनीष कसनियाल न विश्व की सबसे ऊंची चोटी माउंट एवरेस्ट तैं फतह कौर लियाली. भारतीय पर्वतारोहण संस्थान क साथ मनीष न एवरेस्ट पर तिरंगा फहरायी. ई अभियान मा देश भर क कुल 12 पर्वतारोही शामिल छै. येक दगड़ी नेहरू पर्वतारोहण संस्थान क प्रधानाचार्य कर्नल अमित बिष्ट सहित तीन लोगूं न जवाहर पर्वतारोहण संस्थान क तीन अन्य पर्वतारोही कु साथ एवरेस्ट आरोहण कौरी.
