फतेहपुर बैंड का पास बस दुर्घटनाग्रस्त
पौड़ी राष्ट्रीय राजमार्ग-534 पर फतेपुर बैंड का पास एक बस कू ब्रेक फेल हुण से ह्वे हादसा, बस मा 25 यात्री छाई सवार, ये हादसा मा तीन यात्रियों थै लगि चोट, गुमखाल बटि कोटद्वारा खुण आणि छाई बस. बाकि सभी यात्री सुरक्षित.
मानसिक रूप से विक्षिप्त नौनी दगणि दुष्कर्म
रुड़की का पिरान कलियर मा एक मानसिक रूप से विक्षिप्त नाबालिग दगणि पड़ोस का रैणा वला एक युवक न करि दुष्कर्म, पीड़िता का परिजनों ना पुलिस मा करि रिपोर्ट, जैका बाद आरोपी का खिलाफ पोक्सो एक्ट मा मुकदमा दर्ज, युवक की तलाश मा जुटी पुलिस
भालू ना 40 वर्षीय व्यक्ति पर करि हमला
चमोली का घाट विकासखंड मा भालू कू आतंक थमणा कू नाम नि लिणु च, रविवार दिन वादुक गौं मा 40 वर्षीय खीम सिंह पर भालू ना अचानक बोली हमला, हमला मा खीम सिंह गंभीर रूप से घायल, डॉक्टरों ना प्राथमिक उपचार का बाद पीड़ित थै हायर सेंटर करि रेफर
एक ही रंग मा रंगे ग्या छौलछीना बाजार
जिला मा पर्यटन गतिविधियों थै बढ़वा दिणा कू स्थानीय प्रशासन ना करि अनोखी पहल, छौलछीना बाजार अब एक ही रंग मा रंगयू आणु च नजर, सभी दुकानों और मकानों मा लगै एक ही रंग, सांसद और स्थानीय प्रतिनिधियों ना जिला प्रशासन की पहल की करि सराहना
सोशल मीडिया मा धूम मचाणू च रमझमा गीत
उत्तराखंड लोकगीतों थै देश-विदेश का मंच तक पौचण वलि लोकगायिका संगीता ढौंडियाल कू 'रमझमा' गीत इनदिनों सोशल मीडिया पर धूम मचाणू च, एक सप्ताह मा ही ये गीत थै मिलिन 35000 से अधिक व्यू, 2000 से अधिक लौखु न करि पसंद.
