देश मा 24 घंटा मा 41 हजार केस ऐनि समणि
देश मा थमणा कू नाम नि लिणु च कोरोना कू कहर, पिछला 24 घंटा में 41 हजार नया केस ऐनि समणि, वखि 447 लौखु की मौत, उत्तराखंड मा भि मरीजों संख्या 68 हजार का पार, अबतक 1102 लौखु न कोरोना से ग्वे जान.
दिनभरै खास खबर, एक नजर मा. नीतिश कुमार भोल करला सरकार बनाणा कू दावा पेश
बिहार में नै सरकार बणाणि की कवायद तेज ह्वेगी, आज एनडीए विधायक दल की बैठक में नीतीश कुमार चुनै गिन विधायक दल का नेता. भोल राज्यपाल से मिलिकि नीतीश कुमार पेश करला सरकार बणाणा कू दावा.
देशभर मा गोवर्धन पूजा की धूम
देशभर मा गोवर्धन पूजा की धूम, प्रधानमंत्री नरेंद्र मोदी न दैनि देशवासियों थै गोवर्धन पूजा की शुभकामना, सीएम त्रिवेंद्र ना भी प्रदेश वासियों थे देई गोवर्धन पूजा की बधै.
सीएम योगी न करि बाबा केदार का दर्शन
उत्तरप्रदेश का मुख्यमंत्री योगी आदित्यनाथ कू द्वि दिवसीय उत्तराखंड दौरा, रुद्रप्रयाग पहुंचीं की सीएम योगी न करिन बाबा केदार का दर्शन, योगी दगणि मुख्यमंत्री त्रिवेंद्र भी मौजूद, आज केदारधाम मा ही करला सीएम योगी रात्रि विश्राम.
गंगोत्री धाम का कपाट शीतकाल खुण बंद
आज दोपहर 12 बजकि 15 मिनट पर विधि विधान से शीतकाल खुण बंद किये गिन गंगोत्री धाम का कपाट, ढोल दमौ और आर्मी बैंड का साल मां गंगा की डोली शीतकालीन प्रवास मुखबा गांव खुण ह्वे रवाना.
पर्यटकों खुण खोले ग्या राजाजी टाइगर रिजर्व
पर्यटकों खुण आज खोले ग्या राजाजी टाइगर रिजर्व, अब पर्यटक रिजर्व की चीला, मोतीचूर और रानीपुर रेंज में वन्यजीवों कू कर सकदिन दीदार, विधिवत रूप से पूजा अर्चना का बाद पार्क थै पर्यटकों खुण खोले ग्या.
राज्य सरकार का आदेश की उड़िन धज्जियां
राज्य सरकार ना दिवाली का दिन देहरादून, ऋषिकेश, हरिद्वार, हल्द्वानी, रुद्रपुर और काशीपुर मा सिर्फ द्वि घंटा ही आतिशबाजी कना कू आदेश दे छ्या. लेकिन राति 10 बजि बाद भी जमकर ह्वे आतिशबाजी, लौखु न आदेश की करि अवेहना.
महिला पर हमला कन वलु आरोपी पति गिरफ्तार
रुद्रपुर पुलिस न पत्नी पर धारदार हथियार से हमला कना वाला आरोपी पति थै करि गिरफ्तार, आरोपी कि निशानदेही पर पुलिसन घटना मा प्रयुक्त हथियार थै भी करि बरामद.
पुलिस जवान कि इलाज का दौरान मौत़
मंगलौर सिलेंडर विस्फोट की घटना मा घायल पुलिस जवान पंकज कश्यप कि इलाज का दौरान मौत, देहरादून एसपी क्राइम कार्यालय मा हमराह का पद पर छाई तैनात, दिल्ली मा चनु छ्या इलाज.
गुलदार कू आतंक
उधमसिंह नगर का काशीपुर और आसपास का क्षेत्र में गुलदार कू आतंक, कुंडा थाना क्षेत्र का करनपुर गांमा एक बार फिर देखि ग्या गुलदार, वन विभाग की टीम इलाका मा कनि गश्त.
