प्रधानमंत्री मोदीन करि न्यायपालिका कू अभिनंदन
अयोध्या राम मंदिर फैसला का बाद प्रधानमंत्री मोदीन देश तै करि संबोधित, बोली- ई फैसला मां न्यायपालिका कू अभिनंदन, सब्यून एक मत से दै फैसला
हर दां औवेशीन बयानूं मां रैंदि हिंदू विरोधी बात
अयोध्या राम मंदिर फैसला का बाद असदुद्दीन औवेसी का बयाना बाद बवाल शुरू, हरिद्वार मां भारतीय अखाड़ा परिषद का अध्यक्ष महंत नरेंद्र गिरि ह्वैंन नाराज, ऊन बोली- हर दां औवेशीन बयानूं मां रैंदि हिंदू विरोधी बात.
अपणुं उत्तराखंडः दिनभरै 10 खबर, एक नजर मां फेसबुक पर अभद्र टिप्पणी पड़ी भारी
अयोध्या राम मंदिर फैसला का बाद सोशल मीडिया मां अफवाह का खिलाफ पुलिस अलर्ट, काशीपुर मां एक युवकन फेसबुक मां करि छै अभद्र टिप्पणी, तैका बाद पुलिसन वैते करि गिरफ्तार
उत्तराखंड राज्य मां निवेश तै चीन तैयार
उत्तराखंड राज्य मां निवेश तै चीन तैयार, तिरबेंदर सरकार पर्यटन क्षेत्र मां चीन दगड़ी करलि समझौता, उत्तराखंड मां चीनी निवेशकों तै दिनी आमंत्रण, राज्य सरकारा हिसाब सै यन हौंण से राज्यै अर्थव्यवस्था होली मजबूत
गढ़वाल सांसद तीरथ सिंह रावत घायल
गढ़वाल सांसद तीरथ सिंह रावतै गाड़ी हरिद्वार रोड़ मां दुर्घटनाग्रस्त, यू हादसा सप्त ऋषि रोड़ मां ह्वै, हादसा मां तीरथ सिंह रावत, ऊंका गनर, पीआरओ और ड्राइवर भी ह्वैंन घायल
वन विभाग और हरक मां अभी भी लड़ै
उत्तराखंड वन विभाग और वन मंत्री हरक सिंह रावत मां अभी भी खत्म नी ह्वै लड़ै, किलैकि वन विभागै एक कार्यक्रम मां हरक तै नी मिली आमंत्रण, तैका बाद मुख्यमंत्री तिरबेंदर सिंह रावतन करि कार्यक्रम कू शुभारंभ
सीएमन करि आंदोलनकारियूं कू अपमान
राज्य आंदोलनकारी मुख्यमंत्री तिरबेंदर सिंह से ह्वयां नाराज, आंदोलनकारियूं कू आरोप च कि राज्य स्थापना दिवसे मौका पर सीएम नि पौंछ्या शहीद स्मारक, ऊन शहीद आंदोलनकारियूं तै श्रद्धांजलि न देकर करि अपमान
आदमखोर बाघै शिकार कनौ लखपत पौछिन भरदार गौं
रुद्रप्रयाग मां आदमखोर बाघा शिकार कनौं शिकारी लखपत सिंह पौंछिन भरदार गौं, वन विभागै आदेशा बाद लखपत सिंह करला वै बाघा शिकार, आपतै मालूम व्है चेंदू कि बीता कुछ दिनौं मां ई बाघन द्वी लौगूं कू कर्यूं च शिकार
16 नंवंबर बटिं शुरू होली हिंडन-देहरादून हवै सेवा
हिंडन और देहरादून का बीच 16 नवंबर बटिं शुरू होली हवै सेवा, दरअसल, ई सेवा हेरिटेज एविएशन कंपनीन 11 अक्टूबर बटिं कर्यिं छै शुरू, लेकिन फिर कुछ गड़बड़ी का बाद 2 नवंबर बटिं यू सेवा बंद छै
मुस्लिम समुदाया लौग्यूं धूमधाम से मनै ईद मिलान उननबी
प्रदेश भर मां आज मुस्लिम समुदाया लौग्यूं धूमधाम से मनै ईद मिलान उननबी पर्व, एक दूसरा तै दिनी बधै
