गंगोत्री धाम मा सीएम पुष्कर सिंह धामी: मुख्यमंत्री पुष्कर सिंह धामी न आज गंगोत्री धाम मा पतंजलि आयुर्वेद, नेहरू पर्वतारोहण संस्थान का संयुक्त अभियान दल का कार्यक्रम मा हिस्सा लिनी. ये दौरान सीएम धामी न देवभूमि उत्तराखंड थै विश्व की आध्यात्मिक और सांस्कृतिक राजधानी बणौणा संकल्प थै एक बार फिर से दोहरै. सीएम धामी न बोली हमारी सरकार ई दिशा मा लगातार काम कन्नी च. ऊंन बोली ये साल अब तक 31 लाख से ज्यादा श्रद्धालु चार धाम पौंछिन, जु की अपणा आप मा एक बड़ू रिकॉर्ड च.
पीएम मोदी का जन्मदिन बटी शुरू होलू भाजपा कु सेवा पखवाड़ा: 17 सितंबरौ पीएम मोदी कु जन्मदिन च. पीएम मोदी का ये दिन थै खास बणौणौ भाजपा कार्यकर्ताऊं न तैयारी शुरू करेन. पीएम मोदी का जन्मदिन बटी 2 अक्टूबर तक भाजपा कार्यकर्ता सेवा पखवाड़ा मनाला. इस दौरान प्रदेश मा कई तरह का कार्यक्रम आयोजित किये जाला. भाजपा संगठन न यां कु थै बूथ स्तर तक सेवा व अन्य कार्यक्रम तय कर्यां छन. यां मा ‘रक्तदान महादान‘, निःशुल्क स्वास्थ्य परीक्षण शिविर, कोविड बूस्टर डोज लगौण जन कार्य शामिल छन.
अपणुं उत्तराखंडः दिनभरै खास खबर, एक नजर मा. दिल्ली दौरा पर कैबिनेट मंत्री गणेश जोशी : उत्तराखंड का कैबिनेट मंत्री गणेश जोशी (Uttarakhand cabinet minister Ganesh Joshi) आजकल दिल्ली दौरा पर छन. दिल्ली दौरा पर गणेश जोशी न कई केंद्रीय नेताऊं दगड़ि मुलाकात करी. ई कड़ी मा आज गणेश जोशी न केंद्रीय ग्रामीण विकास एवं पंचायती राज मंत्री गिरिराज सिंह (Rural Development Minister Giriraj Singh) दगड़ि मुलाकात करी. गणेश जोशी न गिरिराज सिंह थै प्रधानमंत्री ग्रामीण सड़क योजना (Pradhan Mantri Gramin Sadak Yojana) का प्रथम और द्वितीय चरण का कार्यों थै लेकी जानकारी दिनी.
प्रभा शंकर मिश्रा हरिद्वार का नया आबकारी अधिकारी नियुक्त: हरिद्वार जहरीली शराब कांड (Haridwar poisonous liquor case) मामला मा जिला आबकारी अधिकारी अशोक कुमार मिश्रा थै पद स हटये गी. ऊंकी जगह अब प्रभा शंकर मिश्रा थै हरिद्वारौ नयू जिला आबकारी अधिकारी (District Excise Officer Haridwar) नियुक्त करे गी. आबकारी सचिव हरिचंद्र सेमवाल न यां का आदेश जारी करीन. बथै द्या हरिद्वार जहरीली शराब कांड मा अभीतक 9 लोखूं की मौत ह्वे गी, ये मामला मा अब तक तीन लोग गिरफ्तारी ह्वे गीन, ज्या मा एक प्रधान पति भी शामिल च.
जितेंद्र नारायण त्यागी जमानत पर रिहा: हरिद्वार धर्म संसद हेट स्पीच मामला (Dharma Sansad Hate Speech Case) मा हरिद्वार जिला कारागार मा बंद जितेंद्र नारायण त्यागी (Jitendra Narayan Tyagi) उर्फ वसीम रिजवी थै अंतरिम जमानत मिल गी. आज जितेंद्र नारायण त्यागी थै जमानत पर रिहा करे गी. ये दौरान ऊंथै लेणौ अखाड़ा परिषद अध्यक्ष महंत रवींद्र पुरी (Akhara Prishad president Mahant Ravindra Puri) भी हरिद्वार जेल पौंछिन.
बाथरूमै छत गिन्न से एक छात्रै मौत: चंपावत मा आज एक दर्दनाक हादसा ह्ववे. चंपावत का पाटी ब्लॉक का एक प्राथमिक विद्यालय का बाथरूमौ छत गिन्न से एक छात्रै मौत ह्वे गी. ई घटना मा तीन छात्र घायल ह्वे गीन. घटना का तुरंत बाद उपजिलाधिकारी रिंकू बिष्ट (Deputy Collector Rinku Bisht) मौका पर पौंछि. वखी सीएम धामी न भी ये हादसा पर दुख जतै. दगड़ा मा ही सीएम धामी पीड़ित परिवार थै 2 लाखै सहायता राशि दैणौ घोषणा भी करी. सीएम धामी न घटना की मजिस्ट्रियल जांच का निर्देश भी दियेन.
देहरादून क्रिकेट महाकुंभ थै लेकी प्रशासन अनजान: 21 सितंबर बटी देहरादून का राजीव गांधी इंटरनेशनल स्टेडियम मा Road Safety World Series 2022 का मैच खेले जाला. ईं सीरीज मा भाग लेणौ दुनियाभर का दिग्गज खिलाड़ी देहरादून पौंछला. Road Safety World Series का 6 मैच देहरादून का राजीव गांधी इंटरनेशनल स्टेडियम मा खेले जाला. मगर यां की जानकारी देहरादून का पुलिस प्रशासन थै नी च. एसएसपी देहरादून न बड़ा आयोजन का नौ पर लोखूं से ठगी कु अंदेशा जतै.
देहरादून मा आयोजित होली मैराथन: सरदार वल्लभ भाई पटेलै जंयती पर उत्तराखंड पुलिस रन फॉर यूनिटी कु आयोजन करली. यां का तहत देहरादून मा मैराथन कु आयोजन किये जालू. ई मैराथन मा 21 किलोमीटर और 10 किलोमीटरै दौड़ करये जाली. यां मा विजेता प्रतिभागियूं थै ₹10 लाख रुप्या की राशि दिये जाली. 30 अक्टूबरौ उत्तराखंड पुलिस देहरादून मैराथन कु चौथूं संस्करण आयोजित करली.
उत्तराखंड मा कोरोना का मामला:उत्तराखंड मां धीरे-धीरे कोरोना का मामलौ मा कमी औंणी च. सरकार और स्वास्थ्य विभाग यां कु थै लेकी लगातार प्रयास कन्ना छन. आज प्रदेश मा कोरोना का 59 नया मामला समणि ऐनी, ज्या का बाद प्रदेश मा कोरोना संक्रमितू की संख्या 103,813 ह्वे गी, जबकि यां से मन्न वालौ की संख्या 325 च.
