देव संस्कृति विश्वविद्यालय मा सीएम धामी: मुख्यमंत्री पुष्कर सिंह धामी (CM Pushkar Singh Dhami) आज हरिद्वार दौरे पर रैन. यख सीएम धामी न देव संस्कृति विश्वविद्यालय शांतिकुंज (Dev Sanskriti Vishwavidyalaya haridwar) मा नया सत्र 2022-23 का नव प्रवेशी छात्र-छात्राऊं का ज्ञान दीक्षा समारोह मा भाग(gyan deeksha ceremony 2022) लिनी. ये दौरान सीएम धामी न छात्रूं थै संबोधित भी करी. सीएम धामी न छात्राऊं थै नया भारत कु निर्माता बथै, दगड़ा मा ही ऊंन श्री राम शर्मा का जीवन पर भी प्रकाश डाली.
विधानसभा बैक डोर भर्ती मामला मा कमेटी गठित:उत्तराखंड विधानसभा बैक डोर भर्ती (Uttarakhand assembly backdoor recruitment case) मामला थै लेकी आज विधानसभा अध्यक्ष ऋतु खंडूड़ी न प्रेस कॉन्फ्रेंस करी. ये दौरान विधानसभा अध्यक्ष ऋतु खंडूड़ी न द्वी बड़ा फैसला लिनीन. विधानसभा अध्यक्ष न भर्तियूं मा गड़बड़ियूं की जांच थै एक्सपर्ट कमेटी गठित करेली. या कमेटी एक मैना मा अपनी जांच रिपोर्ट द्याली. या का बाद अगनै की कार्रवाई होली. दगड़ा मा ही विधानसभा सचिव थै एक मैने छुट्टी पर भेजे गी. सचिव मुकेश सिंघल का ऑफिस भी सील करे गी.
कांग्रेसै भारत जोड़ो यात्रा की तैयारी तेज : 7 सितंबर बटी कांग्रेसै भारत जोड़ो यात्रा शुरू होंण वाली च. ज्या की तैयारी जोरों-शोरों से चन्नी छन. भारत जोड़ो यात्रा मा उत्तराखंड का पूर्व विधानसभा अध्यक्ष गोविंद सिंह कुंजवाल थै यात्रा कु आयोजक बणये गी. उत्तराखंड कांग्रेस का 6 नेता ईं यात्रा मा स्थाई तौर पर शामिल होला. ज्या का कारण पार्टी ई यात्रा थै लेकी खासी एक्टिव नजर औंणी च.
फिर खुलली कर्मकार कल्याण बोर्डै फाइल: धामी सरकार एक बार फिर से कर्मकार कल्याण बोर्डै फाइल खोन्न वाली च. अबरी बोर्ड मा खरीद मामलै दोबारा जांच किये जाली. मामला मा राज्य सरकार 2017 से 2022 तकै सभी खरीदूं की ऑडिट करौणै तैयारी कन्नी च. ये दौरान हरक सिंह रावत ये विभाग की मंत्री छा. जानकारी का अनुसार ईं जांच से पूर्व कैबिनेट मंत्री हरक सिंह रावतै घेराबंदी की तैयारी किये जांणी च
धामी कैबिनेट विस्तारै चर्चा शुरू: उत्तराखंड भाजपा मा प्रदेश अध्यक्ष बदलना बाद अब मंत्रिमंडल विस्तारै चर्चा शुरू ह्वे गीन. फिलहाल धामी मंत्रिमंडल मा मंत्रियूं का तीन पद खाली छन. प्रदेश मा नई सरकार का गठन का बाद से मणै जांणू छौ कि मदन कौशिक थै संगठनै जिम्मेदारी से मुक्त करी उंथै सरकार मा जगह दिये जै सकदी, अब उंका संगठन से मुक्त होंणा बाद या चर्चा फिर से तेज ह्वे गी.
हरिद्वार का पंचायत चुनाव कु ऐलान:हरिद्वार का पंचायत चुनाव कु ऐलान ह्वे गी. हरिद्वार पंचायत चुनाव 26 सितंबरौ होला. 28 सितंबरौ पंचायत चुनाव की मतगणना होली. हरिद्वार जिला मा एक चरण मा ही पंचायत चुनाव संपन्न करये जाला. जिलाधिकारी विनय शंकर पांडे (Haridwar DM Vinay Shankar Pandey)न बथै 6 से 8 सितंबर तक पंचायत चुनाव का नामांकन होला. 9 से 11 सितंबर तक नामांकन पत्रों की जांच होली. 12 सितंबर नामांकन वापस लेणौ तिथि होली. 13 सितंबरौ प्रतीकों कु आवंटन होलू.
गढ़वाल विवि न बदली सीट घटौणै फैसला: हेमवती नंदन बहुगुणा गढ़वाल विवि (Hemvati Nandan Bahuguna Garhwal University) मा सीटे कम कन्नौ विवाद आज खत्म ह्वे गी. मामला मा आज विवि न सबी विभागूं का डीनू दगड़ी बैठक करी. ज्या मा विभिन्न विषयूं मा घटई गयी सीटूं थै पैली जन्न रखणौ फैसला लिये गी. ये संबंध मा विवि प्रशासन न आदेश भी जारी करेली. विवि का डीएसडब्ल्यू एमएस नेगी न ये संबंध मा छात्रूं थै जानकारी दिनी.
UKSSSC पेपर लीक मामला मा 33वीं गिरफ्तारी: UKSSSC पेपर लीक मामला मा एसटीएफ लगातार कार्रवाई कन्नी च. ये मामला मा आज एसटीएफ न 33वीं गिरफ्तारी करी. एसटीएफ न UKSSSC मा तैनात तत्कालीन पीआरडी जवान संजय राणा थै गिरफ्तार करी. संजय राणा न पेपर लीक करै की अपणी पत्नी कु नौकरी मा सलेक्शन करै छौ. पीआरडी जवान संजय राणा थै चमोली बटी गिरफ्तार करे गी.
पांच सितंबर बटी केदारनाथै तीसरा चरणै यात्रा शुरू: प्रदेश मा केदारनाथ यात्रा कु पैलू और दूसरू चरण पूरू ह्वे गी. पैला चरणै यात्रा मई और जून मैना मा ह्वे. या मा लगभग नौ लाख तीर्थ यात्री केदारनाथ धाम पौंछिन. जबकि, दूसरा चरणै यात्रा जुलाई और अगस्त मैना मा ह्वे. या मा अब तक एक लाख से ज्यादा भक्त केदारनाथ पौंछिन. अब प्रशासन केदारनाथ यात्रा का तीसरा चरणै तैयारियूं मा जुट गी. पांच सितंबर से केदारनाथै तीसरा चरणै यात्रा शुरू होली. मौसम खुन्ना बाद केदारनाथ थै हेली सेवाऊं कु संचालन भी पांच सितंबर बटी दोबारा शुरू किये जालू.
