अपणुं उत्तराखंडः दिनभरै खास खबर, एक नजर मा

भर्ती धांधली मा राहुल गांधी कु धामी सरकार पर हमला,हरिद्वार दौरा पर सीएम धामी, CM धामी न की फूड प्रोसेसिंग एवं पैकेजिंग प्लांट का शुभारंभ,सचिवालय रक्षक दल भर्ती घोटाला मा पैली गिरफ्तारी, ईनी बड़ी दिनभरै खास खबर, एक नजर

भर्ती धांधली मा राहुल गांधी कु धामी सरकार पर हमला:उत्तराखंड मा सरकारी नौकरयूं मा धांधली का मामला मा कांग्रेस का वरिष्ठ नेता राहुल गांधी न धाामी सरकार पर हमला बोली. राहुल गांधी न यां कु थै लेकी एक सोशल मीडिया पोस्ट करी. ज्या मा राहुल गांधीन बोली उत्तराखंड मा नौकरी माफिया कु बोलबाला च. ऊंन बोली नौकरियूं मा भ्रष्टाचार का कारण उत्तराखंड मा भर्ती परीक्षा रद्द होंणी छन, ज्या का बाद मुख्यमंत्री पुष्कर सिंह धामी सिर्फ जांच का आदेश देकी अपणु पल्ला झड़ना छन.

हरिद्वार दौरा पर सीएम धामी: मुख्यमंत्री पुष्कर सिंह धामी आज हरिद्वार दौरा पर रैन. ये दौरान ऊंन अपणा गुरु जगतगुरु राज राजेश्वरानंद दगड़ी मुलाकात करी. ये दौरान सीएम धामी न हरिद्वार पंचायत चुनाव थै लेकी भी बयान दिनी. सीएम धामी न बोली हरिद्वार पंचायत चुनाव अपमा टैम पर होला. यां कु थै लेकी सबी तैयारी ह्वे गीन. यां का दगड़ा ही ऊंन सरकारी नौकरयूं मा धांधली मामला पर भी सख्त रुख दिखै.

CM धामी न की फूड प्रोसेसिंग एवं पैकेजिंग प्लांट का शुभारंभ: मुख्यमंत्री पुष्कर सिंह धामी न आज हरिद्वार दौरा पर बुग्गावाला मा एमबी फूड्स द्वारा स्थापित फूड प्रोसेसिंग एवं पैकेजिंग प्लांट कु शुभारंभ करी. ये मौका पर सीएम धामी न फल, सब्जी एवं मशरूम आदि का प्रोसेसिंग एवं पैकेजिंग प्लांट कु भी निरीक्षण करी. ये दौरान सीएम धामी न बोली ये प्लांट से आसपास का लोखूं थै रोजगार मिललू. दगड़ा मा ही प्लांट का माध्यम से क्षेत्र थै नई पछ्यांण मिलली. सीएम धामी न बथै नेचर बेस्टो एवं एमबी फूड्स 150 से 200 परिवारुं थै रोजगार देकी भरण-पोषण कु काम कन्नू च.

सचिवालय रक्षक दल भर्ती घोटाला मा पैली गिरफ्तारी:UKSSSC पेपर लीक मामला का बाद उत्तराखंड एसटीएफ न अब उत्तराखंड सचिवालय रक्षक दल भर्ती घोटाला मा भी कार्रवाई शुरू करेली. रक्षक दल भर्ती घोटाला मा Uttarakhand STF न पहली गिरफ्तारी करेली. एसटीएफ न ये मामला मा उत्तर प्रदेश बाराबंकी निवासी प्रदीप पाल थै गिरफ्तार करी. Uttarakhand STF गिरफ्त मा अयूं प्रदीप पाल पैली लखनऊ स्थित RIMS प्रिंटिंग प्रेस मा कर्मचारी छौ. बाद मा वु आयोग मा लंबे समय तक कार्यरत रै. प्रदीप न ही पेन ड्राइव का माध्यम से प्रश्न पत्र चुरै छै.

UKSSSC भर्ती परीक्षा पास छात्रूं न करी प्रदर्शन: यूकेएसएसएससी पेपर लीक मामला मा धारी सरकार घिरती नजर औंणी च. ये मामला मा आज यूकेएसएसएससी परीक्षा पास अभ्यर्थियूं न नियुक्ति की मांग थै लेकी भाजपा कार्यालय का भैर धरना प्रदर्शन करी. ये दौरान अभ्यर्थियूं न अपणु आक्रोश व्यक्त सरकार का खिलाफ जमी नारेबाजी करी.

फिर खुलली कर्मकार कल्याण बोर्डै फाइल: धामी सरकार एक बार फिर से कर्मकार कल्याण बोर्डै फाइल खोन्न वाली च. अबरी बोर्ड मा खरीद मामलै दोबारा जांच किये जाली. मामला मा राज्य सरकार 2017 से 2022 तकै सभी खरीदूं की ऑडिट करौणै तैयारी कन्नी च. ये दौरान हरक सिंह रावत ये विभाग की मंत्री छा. जानकारी का अनुसार ईं जांच से पूर्व कैबिनेट मंत्री हरक सिंह रावतै घेराबंदी की तैयारी किये जांणी च

धामी कैबिनेट विस्तारै चर्चा शुरू:उत्तराखंड भाजपा मा प्रदेश अध्यक्ष बदलना बाद अब मंत्रिमंडल विस्तारै चर्चा शुरू ह्वे गीन. फिलहाल धामी मंत्रिमंडल मा मंत्रियूं का तीन पद खाली छन. प्रदेश मा नई सरकार का गठन का बाद से मणै जांणू छौ कि मदन कौशिक थै संगठनै जिम्मेदारी से मुक्त करी उंथै सरकार मा जगह दिये जै सकदी, अब उंका संगठन से मुक्त होंणा बाद या चर्चा फिर से तेज ह्वे गी.

जल्द होलू खिलाड़ी उद्यमान योजना कु शुभारंभ: खेल मंत्री रेखा आर्य न आगामी 29 अगस्त राष्ट्रीय खेल दिवस की तैयारियूं थै लेकी खेल विभाग का अधिकारियूं दगड़ि समीक्षा बैठक करी. या बैठक रेखा आर्य का यमुना कॉलोनी स्थित शासकीय आवास पर ह्वे. बैठक मा खेल मंत्री रेखा आर्य न बथै की 29 अगस्तौ राष्ट्रीय खेल दिवस का मौके पर 8 से 14 वर्ष तक का बच्चों थै मुख्यमंत्री खिलाड़ी उदयमान योजना कु शुभारंभ करला. या का तहत बच्चों थै 1500 रुप्या की खेल छात्रवृत्ति प्रदान किये जाली.

पांच सितंबर बटी केदारनाथै तीसरा चरणै यात्रा शुरू:प्रदेश मा केदारनाथ यात्रा कु पैलू और दूसरू चरण पूरू ह्वे गी. पैला चरणै यात्रा मई और जून मैना मा ह्वे. या मा लगभग नौ लाख तीर्थ यात्री केदारनाथ धाम पौंछिन. जबकि, दूसरा चरणै यात्रा जुलाई और अगस्त मैना मा ह्वे. या मा अब तक एक लाख से ज्यादा भक्त केदारनाथ पौंछिन. अब प्रशासन केदारनाथ यात्रा का तीसरा चरणै तैयारियूं मा जुट गी. पांच सितंबर से केदारनाथै तीसरा चरणै यात्रा शुरू होली. मौसम खुन्ना बाद केदारनाथ थै हेली सेवाऊं कु संचालन भी पांच सितंबर बटी दोबारा शुरू किये जालू.

उत्तराखंड मा फिर बढ़ी कोरोना : उत्तराखंड मां एक बार फिर से कोरोना का मामलौ मा बढौतरी होंणी च. ज्या का कारण सरकार और स्वास्थ्य विभाग चिंतित छन. आज प्रदेश मा कोरोना का 92 नया मामला समणि ऐनी, ज्या का बाद प्रदेश मा कोरोना संक्रमितू की संख्या 102, 935 ह्वे गी, जबकि यां से मन्न वालौ की संख्या 318 च.