कॉमनवेल्थ गेम्स मा भाग लेला उत्तराखंड का प्लेयर्स: इंग्लैंड मा शुरू होंण वाला कॉमनवेल्थ गेम्स मा उत्तराखंड का कई खिलाड़ी भी हिस्सा लेंणा छन. यू खिलाड़्यू मा एथलीट नितेंद्र सिंह रावत, हॉकी हैट्रिक गर्ल वंदना कटारिया, शटलर लक्ष्य सेन, स्विमर कुशाग्र रावत और क्रिकेटर स्नेह राणा शामिल छन. यू सभी खिलाड़ी इंग्लैंड पौंछ गीन. सीएम धामी न यू सबी खिलाड़ियूं थै शुभकामना दिनीन.
CM धामी न 5 इलेक्ट्रिक बसूं थै दिखै हरी झंडी: देहरादून का रौंण वालौ थै खुशखबरी च. राजधानी दून मा स्मार्ट सिटी कु काम जोरों-शोरुं से चन्नू च. ई कड़ी मा राजधानी देहरादून मा स्मार्ट इलेक्ट्रिक बसूं कु संचालन किये जांण च. आज मुख्यमंत्री पुष्कर सिंह धामी न दून कनेक्ट स्मार्ट सिटी का तहत पांच इलेक्ट्रिक बसूं थै हरी झंडी दिखै. यां का दगड़ा ही अब राजधानी देहरादून मा दून कनेक्ट स्मार्ट सिटी का तहत कुल 15 बस संचालित होंणी छन. रही हैं.औंण वाला दिनूं मा यां की संख्या और बढली.
आंगनबाड़ी कार्यक्रत्री पुरस्कार शुरू करली धामी सरकार: धामी सरकार तीलू रौतेली पुरस्कार का दगड़ि ही आंगनबाड़ी कार्यक्रत्री पुरस्कार भी शुरू कन्न वाली च. कैबिनेट मंत्री रेखा आर्य न बथै सभी जिलों बटी यां कु थै आंगनबाड़ी वर्करुं की लिस्ट मंगै गी. 8 अगस्तौ तीलू रौतेली पुरस्कार का दगड़ि ही आंगनबाड़ी वर्करुं थै भी सम्मानित किये जाली, ज्या कु थै लेकी कार्य योजना भी तैयार ह्वे गी. यां मा ऊं महिलाऊं थै सम्मानित किये जालू जौन शिक्षा, समाज, पर्यावरण सहित अन्य क्षेत्रूं मा उत्कृष्ट कार्य करी हो.
जीएसटी छापेमारी की कार्रवाई कु विरोध: प्रदेशभर मा सर्वे का नौ पर जीएसटी छापेमारी की कार्रवाई का विरोध मा व्यापारी सड़कूं पर ए गीन. या का विरोध मा आज रुद्रपर मा व्यापारियूं न 100 फीट का काले झंडा थै लेकी विरोध प्रदर्शन करी. हल्द्वानी मा भी व्यापारियूं न जीएसटी विभाग कु पुतला दहन करी. चमोली का थराली मा भी दुकानदारुं न रैली निकाली जीएसटी छापेमारी की कार्रवाई कु विरोध करी. ये दौरान राज्य भर में कई व्यापार संघू न अपणी दुकान भी बंद रखीन.
यूरोपीय देशूं का दौरा पर जाला 6 विधायक: उत्तराखंड का कृषि मंत्री गणेश जोशी दगड़ि सत्ता और विपक्ष का 6 विधायक और अधिकारियूं कु दल यूरोपीय देशूं का दौरा पर जाला. सत्ताधारी दल का चार विधायकूं मा राम सिंह कैड़ा, सुरेश गड़िया, प्रदीप बत्रा और रेनू बिष्ट शामिल छन. यां का अलावा द्वी कांग्रेस का विधायकूं मा मनोज तिवारी व हरीश धामी शामिल छन. यू सबी यूरोपीय देशूं मा कृषि मा इस्तेमाल होंण वाली टेक्नोलॉजी की गहन जानकारी ल्याला. गणेश जोशी न बोली न या से प्रदेशै इकोनॉमी थै मजबूती मिलली.
AIIMS ऋषिकेश मा बच्चों थै एक्सीलेंट सेंटर: प्रदेश मा शिशु मृत्यु दर मा कमी लौणौ ऋषिकेश एम्स निदेशक न तैयारी शुरू करेन. अब जल्द ही एम्स ऋषिकेश मा बीमार बच्चों थै एक्सीलेंट सेंटर तैयार किये जालू. या का तहत अब एम्स ऋषिकेश मा आउटरीच बच्चों थै भी इलाज दिये जालू. यां का अलावा भविष्य मा दुर्गम क्षेत्रूं तक बीमार बच्चौं थै ड्रोन का माध्यम से दवै पौछये जाली. बथै द्या उत्तराखंड मा बच्चों की मृत्यु दर राष्ट्रीय अनुपात से भौत ज्यादा च, ज्या का कारण अब यू प्रयास तेज ह्वे गीन.
ऋषिकेश-शिवपुरी मार्ग पर सड़क दुर्घटना:ऋषिकेश-शिवपुरी मार्ग पर खारा श्रोत का समणि आज एक बड़ू सड़क हादसा ह्वे. यख यात्रियूं से भरी एक डबल डेकर बस मुनि की रेती पीडब्ल्यूडी तिराहा का समणि पलट गी. ये हादसा मा 15 लोग घायल ह्वे गीन. घायलूं थै एंबुलेंसै मदद से अस्पताल पौछये गी. घटना का टैम बस मा 60 से 65 लोग सवार छा. बथये जांणू च कि या बस उत्तर प्रदेश का बलिया बटी औंणी छै, तबी रस्ता मा यां का ब्रेक फेल ह्वे गीन, ज्या का कारण या दुर्घटना घटी.
किच्छा मा कैदियूं थै हाईटेक जेल:उत्तराखंडै जेलूं मा अत्यधिक कैदियूं की संख्या थै देखी उधमसिंह नगर मा अत्याधुनिक जेल कु निर्माण किये जांणू च. ई जेल का निर्माण द्वी फेज मा पूरु किये जालू. पैलू फेज का निर्माण कार्य शुरू ह्ले गी. पैला फेज मा 480 कैदियूं थै कारागार बणये जांणू च. या जेल किच्छा का रजपुरा गौ मा 40 एकड़ मा बणये जांणी च. ई जेल मा करीब 2,580 कैदी राला. ई जेल कु काम जुलाई 2023 तक पूरू ह्वे जालू.
मानसूनै दस्तक दगड़ि डेंगू कु खतरा: मानसूनै दस्तक का दगड़ि ही नगर निगम और स्वास्थ्य विभाग का अधिकारियूं थै डेंगू फैन्नै चिंता सतौण लग गी. नगर आयुक्त न अफसरुं थै हिदायत दिनी कि नगर निगम का सभी सुपरवाइजरुं की अगुवाई मा वार्डवार डोर-टू-डोर सघन अभियान चलये जौ. अभियान मा सुपरवाइजरुं का अलावा आशा कार्यकर्ताऊं और एएनएमै भी मदद लिये जौ. या का तहत नगर निगम की टीम हर रोज 100 घौरुं मा जाली.
