PM मोदी का ड्रीम प्रोजेक्टूं की हर मैना समीक्षा: सीएम पुष्कर सिंह धामी न पीएम मोदी द्वारा शुरू 13 प्रमुख कल्याणकारी योजनाऊं कु हर मैना मा द्वी बार समीक्षा कन्नौ फैसला करेली. या कु थै लेकी ऊंन अधिकारियूं थै निर्देश जारी करेन. यूं योजनाऊं मा आयुष्मान भारत योजना और स्वनिधि योजना शामिल छन. राज्य स्वास्थ्य प्राधिकरण का अध्यक्ष डीके कोटिया न बथै अब तक प्रदेश मा 47 लाख 44 हजार से अधिक आयुष्मान कार्ड बंण गीन.
आंगनबाड़ी कार्यक्रत्री पुरस्कार शुरू करली धामी सरकार: धामी सरकार तीलू रौतेली पुरस्कार का दगड़ि ही आंगनबाड़ी कार्यक्रत्री पुरस्कार भी शुरू कन्न वाली च. कैबिनेट मंत्री रेखा आर्य न बथै सभी जिलों बटी यां कु थै आंगनबाड़ी वर्करुं की लिस्ट मंगै गी. 8 अगस्तौ तीलू रौतेली पुरस्कार का दगड़ि ही आंगनबाड़ी वर्करुं थै भी सम्मानित किये जाली, ज्या कु थै लेकी कार्य योजना भी तैयार ह्वे गी. यां मा ऊं महिलाऊं थै सम्मानित किये जालू जौन शिक्षा, समाज, पर्यावरण सहित अन्य क्षेत्रूं मा उत्कृष्ट कार्य करी हो.
UKSSSC पेपर लीक मामला मा एक और गिरफ्तारी: UKSSSC पेपर लीक मामला मा उत्तराखंड एसटीएफ थै बड़ी कामयाबी मिली. एसटीएफ न ये मामला मा लखनऊ बटी एक आरोपी थै गिरफ्तार करी. ये आरोपी कु नौ अभिषेक वर्मा च. एसटीएफ का अनुसार UKSSSC पेपर लीक मामले का तार लखनऊ प्रिंटिंग प्रेस से जुड्या छन. UKSSSC परीक्षा का गोपनीय कार्य लखनऊ स्थित आरएमएस टेक्नो सॉल्यूशन इंडिया प्राइवेट लिमिटेड करदी, ज्या का कारण ये मामला मा कार्रवाई और तेज ह्वे गी.
UKSSSC Paper Leak मामला मा हमलावर कांग्रेस: UKSSSC Paper Leak मामला मा कांग्रेस लगातार हमलावर मोड मा च. आज कांग्रेस ने ये मामला थै लेकी प्रदेशव्यापी प्रदर्शन करी. ये दौरान कांग्रेस नेताऊं और कार्यकर्ताऊं न राज्य सरकार का खिलाफ जमकर नारेबाजी करी. हल्द्वानी, कोटद्वार और रामनगर सबी जगहों पर कांग्रेस न राज्य सरकार पर हमला बोली सीएम धामी का पुतला कु दहन करी. दगड़ा मा ही कांग्रेस न ये मामला मा सीएम धामी कु इस्तीफा भी मांगी
यूरोपीय देशूं का दौरा पर जाला 6 विधायक: उत्तराखंड का कृषि मंत्री गणेश जोशी दगड़ि सत्ता और विपक्ष का 6 विधायक और अधिकारियूं कु दल यूरोपीय देशूं का दौरा पर जाला. सत्ताधारी दल का चार विधायकूं मा राम सिंह कैड़ा, सुरेश गड़िया, प्रदीप बत्रा और रेनू बिष्ट शामिल छन. यां का अलावा द्वी कांग्रेस का विधायकूं मा मनोज तिवारी व हरीश धामी शामिल छन. यू सबी यूरोपीय देशूं मा कृषि मा इस्तेमाल होंण वाली टेक्नोलॉजी की गहन जानकारी ल्याला. गणेश जोशी न बोली न या से प्रदेशै इकोनॉमी थै मजबूती मिलली.
एक और फर्जी कॉल सेंटर कु पर्दाफाश:एसटीएफ न राजधानी देहरादून मा एक और बड़ा फर्जी कॉल सेंटर कु पर्दाफाश करी. बसंत विहार बटी संचालित होंण वाला ये फर्जी कॉल सेंटर मा उत्तराखंड एसटीएफ न आज छापेमारी करी. ये मामला मा एसटीएफ न द्वी लोखूं थै गिरफ्तार करी. जबकि द्वी लोग ये मामला मा फरार छन. प्रारंभिक जानकारी का मुताबिक, प्रधानमंत्री योजना सहित मोबाइल टावर लगौण जन लोक लुभावनी योजनाऊं कु झांसा देकी यू फर्जी कॉल सेंटर लोखूं से धोखाधड़ी करदू छौ. यू फर्जी कॉल सेंटर दिल्ली का लोखूं द्वारा संचालित किये जांणू छौ.
किच्छा मा कैदियूं थै हाईटेक जेल: उत्तराखंडै जेलूं मा अत्यधिक कैदियूं की संख्या थै देखी उधमसिंह नगर मा अत्याधुनिक जेल कु निर्माण किये जांणू च. ई जेल का निर्माण द्वी फेज मा पूरु किये जालू. पैलू फेज का निर्माण कार्य शुरू ह्ले गी. पैला फेज मा 480 कैदियूं थै कारागार बणये जांणू च. या जेल किच्छा का रजपुरा गौ मा 40 एकड़ मा बणये जांणी च. ई जेल मा करीब 2,580 कैदी राला. ई जेल कु काम जुलाई 2023 तक पूरू ह्वे जालू.
मानसूनै दस्तक दगड़ि डेंगू कु खतरा: मानसूनै दस्तक का दगड़ि ही नगर निगम और स्वास्थ्य विभाग का अधिकारियूं थै डेंगू फैन्नै चिंता सतौण लग गी. नगर आयुक्त न अफसरुं थै हिदायत दिनी कि नगर निगम का सभी सुपरवाइजरुं की अगुवाई मा वार्डवार डोर-टू-डोर सघन अभियान चलये जौ. अभियान मा सुपरवाइजरुं का अलावा आशा कार्यकर्ताऊं और एएनएमै भी मदद लिये जौ. या का तहत नगर निगम की टीम हर रोज 100 घौरुं मा जाली.
उत्तराखंड मा फिर बढ़ी कोरोना : उत्तराखंड मां एक बार फिर से कोरोना का मामलौ मा बढौतरी होंणी च. ज्या का कारण सरकार और स्वास्थ्य विभाग चिंतित छन. आज प्रदेश मा कोरोना का 284 नया मामला समणि ऐनी, ज्या का बाद प्रदेश मा कोरोना संक्रमितू की संख्या 96,696 ह्वे गी, जबकि यां से मन्न वालौ की संख्या 287 च. प्रदेश मा कोरोना संक्रमित मरीजुं की रिकवरी रेट 96.10% च.
