अपणुं उत्तराखंडः दिनभरै खास खबर, एक नजर मा

सीएम धामी उपचुनाव खुण चंपावत मा करि रोड शो, अबतक वनाग्नि से प्रदेश मा 2432 हेक्टेयर जंगल खाक, आम आदमी पार्टी की सबि प्रदेश कार्यकारिणी भंग, 4 जुलाई का दिन खाली हुणी च उत्तराखंड की राज्यसभा सीट, डीएलएड प्रशिक्षितों थै नैनीताल हाईकोर्ट न दे राहत, स्कूलों मा भोजनमाता की जगह कुई ओर बनाणु मीड-डे मील... पैढ़ा यनि दिनभरै खास खबर बस एक क्लिक मा.

1. सीएम धामी उपचुनाव खुण चंपावत मा करि रोड शो: मुख्यमंत्री पुष्कर सिंह धामी ना आज चंपावत उपचुनाव खुण बनबसा से टनकपुर तक करि शोड शो, जैका बाद सीएम धामी ना टनकपुर का गांधी मैदान मा जनसभा थै संबोधित भी करि, सीएम धामी ना बोली- मां पूर्णागिरि और शारदा मैया ना मिथे बुला च, ऐली मि चंपावत बटि उपचुनौ लड़नू छौ.

2. अबतक वनाग्नि से प्रदेश मा 2432 हेक्टेयर जंगल खाक:इनदिनों उत्तराखंड का जंगल आगल धधकणा छिन, वखि वनाग्नि थै बुझाण का मामला मा वन विभाग बेबस नजर आणु च, 15 फरवरी से अब प्रदेश मा वनाग्नि की करीब 1443 घटना समणि ऐनी, जबकि, 2432 हेक्टेयर जंगल आग से राख ह्वे गेनि. वखि हर साल लगण वलि वनों की आग मा काबू पाण मा वन विभाग नाकाम नजर आणु च.

3. आम आदमी पार्टी की सबि प्रदेश कार्यकारिणी भंग: उत्तराखंड विधानसभा चुनौ मा आम आदमी पार्टी ना सबि 70 विधानसभा सीटों पर चुनौ लड़ी लेकिन पार्टी थै एक भी सीट पर जीत हासिल नि ह्वे, जैका बाद आज आम आदमी पार्टी ने अपणी प्रदेश कार्यकारिणी थै भंग कयालि, आम आदमी पार्टी का प्रदेश प्रभारी दिनेश मोहनिया का निर्देश पर पार्टी की सभी इकाइयों और कार्यकारिणी थै तत्काल प्रभाव से भंग किये ग्या.

4. 4 जुलाई का दिन खाली हुणी च उत्तराखंड की राज्यसभा सीट: उत्तराखंड मा आगामी 4 जुलाई खुण खाली हुणी च एक राज्यसभा सीट, यन मा प्रत्याशी कू चयन खुण उत्तराखंड बीजेपी ना अपणी तैयरी करिन तेज, बीजेपी प्रदेश अध्यक्ष मदन कौशिक ना बोली- ये हफ्ता ही केंद्रीय पार्लियामेंट बोर्ड थै भिजे जाली पैनल रिपोर्ट, राज्यसभा सासंद प्रदीप टम्टा कू 4 जुलाई खुण खत्म हुणु च कार्यकाल.

5. डीएलएड प्रशिक्षितों थै नैनीताल हाईकोर्ट न दे राहत: उत्तराखंड हाईकोर्ट ना NIOS बटि डीएलएड प्रशिक्षण प्राप्त अभ्यर्थियों की राजकीय प्राथमिक विद्यालयों मा सहायक अध्यापक का पद पर नियुक्ति की प्रक्रिया कू रस्ता साफ कयालि. ये मामला की सुनवै का बाद हाईकोर्ट की खंडपीठ ना सरकार थै यूं अभ्यर्थियों थै काउंसलिंग प्रक्रिया मा शामिल कना कू आदेश द्याई, ये फैसला से प्रदेश का करीब 37 हजार डीएलएड प्रशिक्षितों थै राहत मिली.

6. स्कूलों मा भोजनमाता की जगह कुई ओर बनाणु मीड-डे मील:उत्तराखंड का सरकारी स्कूलों मा तैनात भोजनमाताओं की जगह कुई ओर बनाणु च मिड-डे मिल, एक बैठक मा स्वयं शिक्षा मंत्री ना उठाई यू मामला, वखि शिकायत का बाद हरकत मा आई शिक्षा विभाग, महानिदेशक शिक्षा बंसीधर भगत ना ये मामला मा बैठाई जांच, जिला शिक्षा अधिकारियों थै देनि निर्देश.

7. हरिद्वार मा टेक्नीशियन ना हुण से आरटी पीसीआर जांच बंद: उत्तराखंड मा फिर से बढ़न लगी कोरोना की रफ्तार, चारधाम यात्रा खुण आण वला यात्रियों थै करणा पड़लि कोरोना जांच, वखि हरिद्वार का मेला अस्पताल मा करोड़ों रुपया की आरटी पीसीआर (RT PCR) मशीन टेक्नीशियन ना हुण से फकड़ी च धूल, कोरोना सैंपलों थै जांचा खुण भेजे जाणु च देहरादून और हल्द्वानी.

8. 1100 नशीला इंजेक्शनों का दगड़ि द्वि आरोपी गिरफ्तार: हल्द्वानी पुलिस थै नशा का खिलाफ चलया अभियान मा मिली सफलता, वनभूलपुरा और एसओजी पुलिस टीम ना नशीला इंजेक्शन का कारोबार कू करि भंडाफोड़, द्वि आरोपियों का पास से करीब 1100 नशीला इंजेक्शन बरामद, एसएसपी नैनीताल पंकज भट्ट ना मामला कू करि खुलासा, द्विया आरोपियों थै भेजि जेल.

9. कॉर्बेट मा बायोडायवर्सिटी पार्क कू उद्घाटन:विश्व प्रसिद्ध कॉर्बेट नेशनल पार्क मा टाइगर रिजर्व मा बायोडायवर्सिटी पार्क कू ह्वे उद्घाटन, अब बाघों का दगणि पार्क आणा वला पर्यटक कैर सकदिन तितलियों कू भी दीदार, पार्क मा 50 से ज्यादा तितलियों की प्रजातियों मौजूद, वखि पार्क मा लगेगिन 58 प्रजाति का पेड़ पौधा.

10. क्रिकेटर दीपक चाहर सपत्नीक पौंचिन ऋषिकेश:भारतीय क्रिकेट टीम का तेज गेंदबाज दीपक चाहर अपणी पत्नी जया दगणि पौंचिन तीर्थनगरी ऋषिकेश, द्वियों न यख गंगा जी मा राफ्टिंग कू भी उठाई लुत्फ, वखि दीपक चाहर दगणि सेल्फी लिणा खूण भी फैंस का खूब मचि राई होड़.