1. चंपावत मा गहरी खाई मा गिरी मैक्स, 14 लौखुं की मौत
उत्तराखंड का चंपावत मा आज सुबेर ह्वाई भीषण सड़क हादसा, सूखीढ़ांग-डांडामीनार रोड पर गहरी खाई मा गिरी मैक्स, बरात बटि लौटणा सबि लोग. ये हादसा मा 14 लौखु की दर्दनाक मौत, राष्ट्रपति रामनाथ कोविंद, पीएम मोदी और सीएम धामी ना घटना पर जताई शोक, राहत और बचाव कार्य मा जुट्यु पुलिस प्रशासन.
2. चंपावत हादसा मा मृतकों थै 2-2 लाख रुपये मुआवजा कू ऐलान
पीएम मोदी ना चंपावत हादसा मा मृतक आश्रितों थै प्रधानमंत्री राहत कोष बटि 2-2 लाख रुपये और घायलों थै 50 हजार रुपये मुआवजा कू करि ऐलान, मोदी ने सड़क दुर्घटना थै बताई हृदयविदारक, पीएम ने बोलीं- जौ लौखुं की मौत ये हादसा मा ह्वेई, ऊंका परिजनों का प्रति वु अपणि शोक संवेदना व्यक्त करदिन.
अपणुं उत्तराखंडः दिनभरै खास खबर, एक नजर मा. 3. पौड़ी का दुगड्डा मा सड़क हादसा, तीन लौखु की मौत
उत्तराखंड मा मंगलवार कू दिन राई सड़क हादसों का नाम, जख चंपावत मा मैक्स खाईम गिन से 14 लौखु की दर्दनाक मौत, वखि पौड़ी का दुगड्डा मा भि ह्वे आज एक कार दुर्घटना, यिं कार मा पांच लोग छाई सवार, मौका पर तीन लौखु की दर्दनाक मौत, वखि द्वि घायलों थै इलाजा खुण ल्ये ग्या बेस हॉस्पिटल कोटद्वार, डॉक्टरों की देखरेख मा चनु च इलाज.
4. ऋषिकेश:सड़क हादसा मा द्वि की मौत, द्वि घायल
थाना मुनि की रेती क्षेत्र मा भि ह्वे भीषण सड़क हादसा, ब्रह्मपुरी का पास अचानक बेकाबू ह्वेकि डेढ़ सौ मीटर गहरी खाई मा गिरी कार, वाहन मा चार लोग छाई सवार, द्वि लौखु की मौका पर दर्दनाक मौत, घटनास्थल पौंचि पुलिस ना द्वि घायलों थै करि रेस्क्यू, अस्पताल मा चनु च घायलों कू इलाज.
5. सीएम धामी ना हरीश रावत थै बताई अस्थिर
सीएम पुष्कर सिंह धामी ना हरीश रावत कि बयानबाजियों पर दै अपणि प्रतिक्रिया, सीएम धामी न बोली- हरीश रावत कब क्या बुलदिन ये पर कुछ नि बुले सकदु, वु मिथै विनम्र बुना छिन त अच्छी बात च, वु इलकि कि हरीश रावत अपणा बयान बार-बार बदलणा रैंदिन, कबि वु बुलदिन कि मि मुख्यमंत्री बण चांदु, कभी बुलदिन कि दलित मुख्यमंत्री बण चैंद, वुका बयान देखि लगुद कि वुमा स्थिरता नी.
6. उत्तराखंड चुनौ थै लेकि कांग्रेस की अहम बैठक भौल
उत्तराखंड मा चुनावी परिदृश्य थै लेकि भौल होलि कांग्रेस की अहम बैठक, कांग्रेस प्रदेश कार्यालय मा चुनाव अभियान समिति और सदस्यता अभियान समिति का लोग बैठक मा होला शामिल, ये बैठक मा शामिल हुणा खुण दिल्ली बटि कांग्रेस का रिटर्निंग अफसर और सांसद जीसी चंद्रशेखर भी पौंचणा छिन देहरादून.
7. कांग्रेसियों ना स्ट्रांग रूम का भैर लगैन तंबू
उत्तराखंड चुनौ खुण बीती 14 फरवरी का दिन मतदान प्रक्रिया संपन्न ह्वे गाई, वखि चुनावी सरगर्मी का बीच कांग्रेस ना ईवीएम से छेड़छाड़ की आशंका भी जतई च, जैका बाद लालकुआं और हल्द्वानी सीट मा स्ट्रांग रूम की निगरानी कना खुण वैका भैर कांग्रेसियों ना तंबू भी लगै दिन, जैमा बैठी कार्यकर्ता दिन रात स्ट्रांग रूम की निगरानी कना छिन.
8. उत्तराखंड वन विभाग ना फायर सीजन खुण कसी कमर
उत्तराखंड मा 15 फरवरी बटि फायर सीजन शुरू ह्वे ग्याई, वखि वनों की आग से रक्षा कना खुण वन महकमा भि अपणि तैयरी मा जुट्यु च, कुमौ मंडल का पांच डिविजनों मा वनाग्नि पर काबू पाणा खुण 183 क्रू स्टेशन बणै गिन. वखि, जंगलों की आग पर निगरानी कना खुण 782 कर्मचारी भी तैनात कियां छिन. ताकि जंगलों थै आग से बचै जै साक.
9. 590 नशीला इंजेक्शनों दगणि युवक गिरफ्तार
उधमसिंह नगर मा थमणा कू नाम नि लिणु नशा कू कारोबार, एसओजी और टॉस्क फोर्स ना 500 से ज्यादा नशीला इंजेक्शनों दगणि एक युवक थै करि गिरफ्तार, तलाशी मा पुलिस थै 11 हजार रुपये की नकदी भी बरामद, आरोपी यूपी का बिलारी बटि थोक का भाव मा लादुं छाई नशीला इंजेक्शन, जैका बाद उधम सिंह नगर मा करदु छाई सप्लाई.
10. कांवड़ियों का आण से हरिद्वार का बाजारों मा लौटी रौनक
कोरोना संक्रमण की घटदी रफ्तार का बाद प्रदेश सरकारन कांवड़ यात्रा की अनुमति दियाल, जैका बाद धर्मनगरी का व्यापारियों ना अपणि खुशी जाहिर करि, वखि कांवड़ियों का हरिद्वार पौचण से द्वि साल बाद बाजारों मा भी रौनक दिखणी च, सड़कियों पर कांवड़ियां बम भोले कू जयघोष करदा नजर आणा छिन.
