1. उत्तराखंड मा धीमी ह्वे कोरोना की रफ्तार: उत्तराखंड मा कोरोना संक्रमण की रफ्तार मा पिछला 24 घंटा मा कमी दिखेणी च लेकिन अबि भी मुन्न वलौ की संख्या नि थमणि च. आज प्रदेश मा छह मरीजों ना कोरोना का चलदा अपणि जान गवे, वखि आज रविवार का दिन 286 कोरोना का नया मामला मिलिन. जैका बाद प्रदेश मा जनवरी का मैना बटि संक्रमितों की कुल संख्या 88,520 पौंचि गे.
2. पेलि बार चुनौ मा 50 प्रतिशत से ज्यादा बूथों की ह्वेलि वेबकास्टिंग:उत्तराखंड मा भौल यानि 14 फरवरी खुण पांचवीं विधान सभा का चुनाव वास्ता होलु. मतदान से पेलि मुख्य निर्वाचन अधिकारी सौजन्या मीडिया से ह्वे मुखातिब, बोली- प्रदेश मा शांतिपूर्ण और निष्पक्ष चुनौ संपन्न कराणा खुण निर्वाचन आयोग तैयार, इबर दा प्रदेश का 50 प्रतिशत से ज्यादा पोलिंग बूथों बटि ह्वेलि वेबकास्टिंग.
अपणुं उत्तराखंडः दिनभरै खास खबर, एक नजर मा. 3. मतदान खुण निर्वाचन आयोग की सबि तैयरी पूरी:प्रदेश मा भौल मतदान खुण निर्वाचन आयोग की सबि तैयरी पूरी, 11, 697 पोलिंग बूथों पर सुबेर 8 बजि शाम 6 बजि तक चललु मतदान, इबर दा महिला मतदाताओं की सुविधा खातिर प्रदेश मा बणै गिन 101 सखी पोलिंग बूथ, 632 प्रत्याशियों की किस्मत भौल ईवीएम मा होलि कैद.
4. सबि पोलिंग पार्टी गंतव्य खुण रवाना:उत्तराखंड की 70 विधानसभाओं मा शांतिपूर्ण और निष्पक्ष चुनाव संपन्न कराणा वास्ता आज सबि पोलिंग पार्टी अपणा-अपणा बूथों खुण रवाना ह्वेगि. भौल या सोमवार का दिन प्रदेश का 82,66,644 मतदाता कराला 632 प्रत्याशियों कू भाग्या कू फैसला, सबि बूथों पर सुरक्षा व्यवस्था का पुख्ता इंतजाम.
5. गणेश गोदियाल कू नौ गलत लिण पर प्रियंका गांधी ट्रोल:मतदान से एक दिन पेलि बीजेपी की आईटी सेल कांग्रेस महासचिव प्रियंका गांधी थै कनि च ट्रोल, श्रीनगर विधानसभा मा आयोजित जनसभा थै संबोधित कना का दौरान रिबिड़ ग्ये छाई प्रियंका गांधी की जुबान, कांग्रेस प्रत्याशी गणेश गोदियाल थै दिनेश कौड़ियाल बोलिकि कै छाई संबोधित.. जैका बाद सोशल मीडिया मा खूब वायरल हुणु च वीडियो.
6. रुद्रप्रयाग मा यूकेडी प्रत्याशी पर जानलेवा हमला:रुद्रप्रयाग से उत्तराखंड क्रांति दल का प्रत्याशी मोहित डिमरी पर शनिवार रात अज्ञात लौगु न करि जानलेवा हमला, जवाड़ी बाइपास का बीच बदमाशों ना मोहित डिमरी की गाड़ी पर लाठी, डंडों और पत्थरों से करि हमला, ये हमला मा मोहित डिमरी और ऊकूं एक साथी गंभीर रूप से घायल, अस्पताल मा द्वियो कू चनु च इलाज.
7. बीजेपी प्रत्याशी समेत 200 लौखु पर केस दर्ज:धारचूला विधानसभा क्षेत्र में आचार संहिता और कोविड गाइडलाइन उल्लंघन का मामला मा बीजेपी प्रत्याशी धन सिंह धामी समेत 200 लौखु का खिलाफ पुलिस ना दर्ज करि मुकदमा, बीजेपी प्रत्याशी ना प्रचार की समयसीमा खत्म हुणा बाद क्षेत्र मा करि जनसभा और रैली. जैका बाद पुलिस ना बीजेपी प्रत्याशी समेत 200 लौखु का खिलाफ केस करि दर्ज.
8. अमित शाह की टिप्पणी पर हरदा कू पलटवार:हरिद्वार मा आयोजित जनसभा का दौरान गृहमंत्री अमित शाह ना हरीश रावत की धोबी का कुत्ता से कै छाई तुलना, जैका बाद हरीश रावत ना अमित शाह का टिप्पणी कू सोशल मीडिया मा दे जवाब, हरदा ना बोलि- उत्तराखंड खुण बुललु भी, उत्तराखंड खुण भौंकुल भी, अगर देवभूमि मा कुई गड़बड़ कना कि सोचलु त वैथे काट भि सकदु.
9. हल्द्वानी मा बीजेपी पर शराब और पैसा बंटणा कू आरोप: हल्द्वानी विधानसभा सीट से कांग्रेस प्रत्याशी सुमित हृदयेश ना कोतवाली परिसर मा अपणा समर्थकों दगणि दे धरना, बीजेपी पर सुमित हृदयेश ना चुनौ मा लगे शराब और पैसा बंटणा कू आरोप, कोतवाली परिसर मा कांग्रसियों ना पुलिस प्रशासन का खिलाफ जमकर लगैन नारा. प्रदर्शनकारियों ना बोलि- सत्ता का दवाब मा काम कनि च पुलिस.
10. बैंक प्रबंधक पर 48.5 लाख रुपये गबन कू आरोप: थाना पटेलनगर देहरादून मा यूनियन बैंक ऑफ इंडिया का पूर्व प्रबंधक अमित सिंह पर 48 लाख से ज्यादा रुपयौ कि हेराफेरी कू आरोप, निरंजनपुर शाखा प्रबंधक अभिषेक राणा ना ऑडिट का दौरान पकड़ी घपला, आरोपी का खिलाफ पुलिस ना तहरीर का आधार पर गबन कू केस करि दर्ज.
