1. उत्तराखंड मा धीमी ह्वे कोरोना की रफ्तार: उत्तराखंड मा कोरोना संक्रमण की रफ्तार मा पिछला 24 घंटा मा कमी दिखेणी च लेकिन अबि भी मुन्न वलौ की संख्या नि थमणि च. आज प्रदेश मा द्वि मरीजों ना कोरोना का चलदा अपणि जान गवे, वखि आज शनिवार का दिन 447 कोरोना का नया मामला मिलिन और 624 लोग ठीक भि ह्वेनि.
2. उत्तराखंड मा बीजेपी स्टार प्रचारकों की ताबड़तोड़ रैली:उत्तराखंड मा चुनावी प्रचार प्रसार कू शोर आखिरकार थम ग्या, प्रचार का आखिरी दिन बीजेपी का सबि स्टार प्रचारक उत्तराखंड पौंछ्या छाई, पीएम मोदी, गृहमंत्री अमित शाह, रक्षामंत्री राजनाथ सिंह और सीएम योगी ना आज प्रदेश मा ताबड़तोड़ रैली कैरि की जनता से बीजेपी का पक्ष मा मतदान कना की अपील करि.
अपणुं उत्तराखंडः दिनभरै खास खबर, एक नजर मा 3. रुद्रपुर मा पीएम मोदी ना करि जनसभा: रुद्रपुर जनसभा मा बोलिन पीएम मोदी, उधमसिंहनगर मा ऊथै दिखेंदि मिनी इंडिया की झलक, एक भारत, श्रेष्ठ भारत की उधम सिंह नगर मा दिखेंदि जीवंत तस्वीर. पीएम मोदी जनसभा मा उमड़ी भीड़ थै देखिकि बोलिन- यन लगणु च जन सभी मिथै बीजेपी की जीत का बाद सीएम धामी का शपथ ग्रहण मा आणा कू न्योता दिणा खुण अयां छिन.
4. राजनाथ सिंह ना बोली- पांच सालों मा उत्तराखंड कु ह्वे विकास: उत्तराखंड मा चुनाव प्रचार का दिन रक्षामंत्री राजनाथ सिंह ना तीन विधानसभाओं मा करिन ताबड़तोड़ जनसभा, अपणा संबोधन मा राजनाथ सिंह ना बोलि- राज्य की बीजेपी सरकार ना बीता पांच सालों मा रचिन विकास का नया कीर्तिमान, हम तीन क्या 30 मुख्यमंत्री भि बणौला, कांग्रेस की ल्दौड़ा मा पीड़ा किलै हुणी च.
5. सीएम योगी ना राहुल गांधी पर साधी निशाना: बीजेपी का स्टार प्रचारक सीएम योगी ना प्रचार का अंतिम दिन उत्तराखंड मा करिन जनसभा, कांग्रेस का पूर्व अध्यक्ष राहुल गांधी का हिंदू वला बयान पर करि पलटवार, योगी ना बोलि- जौंका पूर्वज अपथै एक्सीडेंटल हिंदू बतांदा छाई, ऊथै हिंदू की परिभाषा हम थै बतौणा कि कुई जरुरत नि च, यि बात कुई राहुल गांधी थै नि बताणु.
6. अमित शाह ना मुस्लिम यूनिवर्सिटी थै लेकि हरदा पर करि वार:उत्तराखंड पौंचि गृहमंत्री अमित शाह ना मुस्लिम यूनिवर्सिटी का मामला पर कांग्रेस और हरीश रावत पर साधी निशाना, शाह ना बोलि- मां सरस्वती का घौर मा धर्म कू क्या च काम, तुष्टीकरण की राजनीति कनि च कांग्रेस. यू ही कारण च कि अब उत्तराखंड मा भि रोहिंग्या मुसलमान दिखणा शुरू ह्वे गिन. अब कांग्रेस पहाड़ मा रोहिंग्या मुसलमानों थै बसणा कि कोशिश मा च.
7. प्रियंका गांधी ना बीजेपी सरकार पर बोली हमला:उत्तराखंड मा प्रचार कू अंतिम दिन कांग्रेस ना भि झोंकी ताकत, स्टार प्रचारक प्रियंका गांधी ना प्रदेश मा करिन ताबड़तोड़ रैली. कोरोना काल का दौरान अव्यवस्थाओं थै लेकि केंद्र और राज्य की बीजेपी सरकार पर साधी निशाना, प्रियंका न बोलि- महानगरों से उत्तराखंड बौड़िन प्रवासियों थै रोजगार का साधन मुहैय्या कराण मा सरकार फेल. बीजेपी न युवाओं से छीनी रोजगार.
8. सीएम धामी का सिविल कोड बयान पर छिड़ी बहस:विधानसभा चुनौ से पेलि सीएम धामी का सिविल कोड वला बयान छिड़ी संग्राम, कांग्रेस और भाजपा का बीच आरोप-प्रत्यारोप की राजनीति शुरू, जख कांग्रेस ना सीएम धामी का सिविल कोड वला बयान थै बताई चुनावी स्टंट, वखि बीजेपी ना सीएम धामी का बयान थै बताई ठीक, बोली- बीजेपी सरकार बणद सार ही प्रदेश मा लागू होलु सिविल कोड.
9. उत्तराखंड का दूरस्थ क्षेत्रों खुण पोलिंग पार्टी रवाना:उत्तराखंड मा आज बटि थम ग्या चुनावी प्रचार कू शोर, 14 फरवरी का दिन उत्तराखंड की पांचवीं विधानसभा खुण डलला जाला वोट, देहरादून की 10 विधानसभाओं खुण आज बटि पोलिंग पार्टियों की रवानगी शुरू, 10 विधानसभाओं खुण इबर दा 1886 पोलिंग पार्टियां थै कि किये ग्या नियुक्त.
10. फर्जी इनकम टैक्स रेड का सबि आरोपी गिरफ्तार: तीर्थनगरी मा फर्जी इनकम टैक्स रेड मामला सबि आरोपियों थै पुलिस न करि गरिफ्तार, दिल्ली बटि मास्टरमाइंड समेत तीन आरोपियों थै पुलिस ना कोर्ट मा पेश करि भेजि जेल. आरोपियों का पास से पुलिस थै 22 लाख से ज्यादा की नकदी और जेवरात भी ह्वेनि बरामद. वारदात मा इस्तेमाल कार थै भि पुलिस ना करि सीज.
