अपणुं उत्तराखंडः दिनभरै खास खबर, एक नजर मा

दिनभरै खास खबर, एक नजर मा

• डराण लग्यूं च कोरोना
  उत्तराखंड मा बीता 24 घंटा क भितर प्रदेश मा 4818 नया कोरोना मरीज मिली छन. येका साथ ही उत्तराखंड मा कोरोना क एक्टिव मरीजों की संख्या बौढ़ी कन 24,255 ह्वै ग्याई च जबकि, 4 कोरोना मरीजों की मौत भी ह्वै च. वखी, 3422 मरीजों ठीक भी व्हाई छन. बीता 24 घंटा की बात करां त सबसे ज्यादा 1601 केस देहरादून जिले मा, हरिद्वार मा 706, नैनीताल में 692 (बानबे) अर उधम सिंह नगर मा 590 मरीज समणि ऐनी.
  
• भाजपा क 59 प्रत्याशियूं की लिस्ट जारी
  उत्तराखंड मा भारतीय जनता पार्टी न 59 सीटों पर प्रत्याशियों क नाम की घोषिणा कर दियाली. ये मा 6 सीटों पर महिला उम्मीदवारों कु टिकट दिए ग्यै च. वखी 10 सिटिंग विधायकों कु टिकट भी काटी ग्येन जै मा पूर्व मुख्यमंत्री बीसी खंडूड़ी क बेटी ऋतु खंडूड़ी, मुकेश कोली, महेश नेगी अर हरभजन सिंह चीमा का नाम शामिल च. वखी उत्तराखंड क सबसे विवादित विधायक कुंवर प्रणव सिंह चैंपियन का टिकट काटी कन ऊं की पत्नी कुंवरानी देवयानी तैं दिये ग्यै च.
  
• खटीमा बिटीं धामी त हरिद्वार बिटीं कौशिक
  बीजेपी की पैली सूची मा कई सिटिंग विधायकों पर विश्वास जतै ग्यै च. जै मा सबसे पैली मुख्यमंत्री पुष्कर सिंह धामी छन. ऊ अपरा सीट खटीमा से ही चुनाव लड़ला. वखी, प्रदेश अध्यक्ष मदन कौशिक कु भी ऊं की हरिद्वार सीट ही दिये ग्यै च. ऋषिकेश सीट बिटीं विधानसभा अध्यक्ष प्रेमचंद्र अग्रवाल ही उम्मीदवार ह्वाल.
  
• कांग्रेस भी जल्द जारी करली पैली लिस्ट
  बीजेपी की सूची क बाद हरिद्वार पौंचिन कांग्रेस क राष्ट्रीय प्रवक्ता गौरव वल्लभ ने बोली कि 24 घंटा क भितर कांग्रेस भी अपणा प्रत्याशियों की घोषणा कर देली. कांग्रेस ज्यू भी प्रत्याशी घोषित करली, वै मा 70 सीटों पन उत्तराखंड क नागरिकों तैं मौका दिये जालि, न की किसी जाति वर्ग तैं.
  
• पेयजल मंत्री न सूणी खरी खोटी
  चुनाव मा जनता का बीच वोट मंगण कु जयां डीडीहाट विधायक अर पेयजल मंत्री बिशन सिंह चुफाल तैं स्थानीय जनता क गुस्से क सामणा करन पड़ ग्यै. बीता दिनों चुफाल देवलथल क्षेत्र क बमडोली गांव मा चुनाव प्रचार करणा कु ग्यै छै, अर ग्रामीण जनता सी वोट मंगणा छै, तबी ग्रामीणों न ऊं तैं जमकर खरी-खोटी सुनै द्याई, साथ ही पिछले 25 सालों का हिसाब भी मांगी.
  
• प्रत्याशियों क बैंक अकाउंट पर पैनी नजर
  वखी, उत्तराखंड विधानसभा चुनाव मा उतरण वालु प्रत्याशियों क बैंक अकाउंट पर इनकम टैक्स विभाग पैनी नजर बणै कर रखणि च. प्रत्याशियों क बैंक खातों से संदिग्ध ट्रांजेक्शन जैसा मामलों पर इनकम टैक्स अधिकारियों की एक टीम जांच करणी च. विधानसभा चुनाव कु लेकी हर जिला मा कार्रवाई करणु कु लेकी 50 अधिकारियों अर निरीक्षकों क टीम तैनात की ग्याई च. आचार संहिता लागू होण क बाद से अबी तक उत्तराखंड मा 45 लाख रुपया जब्त की जा चुक्या छन.
  
• वसीम रिजवी क जमानत फिर खारिज ह्वै ग्याई
  हरिद्वार धर्म संसद विवादित बयान मामला मा जेल पौंची जितेंद्र नारायण त्यागी उर्फ वसीम रिजवी तैं अबी जेल मा ही रैण ह्वाल. जिला न्यायालय हरिद्वार क अदालत न वसीम रिजवी की जमानत याचिका तैं खारिज कर दे च. अब रिजवी क वकील सत्र हाईकोर्ट मा अपील करल. बतैं द्यां कि हरिद्वार धर्म संसद में भड़काऊ भाषण देण अर पैगंबर मोहम्मद साहब पर आपत्तिजनक टिप्पणी करन क मामले मा रिजवी क खिलाफ हरिद्वार शहर कोतवाली मा कुल 3 मुकदमा दर्ज छन.
  
• स्वामी चिन्मयानंद क गिरफ्तारी पर लगीं रोक
  उत्तराखंड हाईकोर्ट न पूर्व गृह राज्यमंत्री स्वामी चिन्मयानंद की गिरफ्तारी पर रोक व एफआईआर निरस्त करने संबंधी याचिका पर सुनवाई कौरी. कोर्ट न चिन्मयानंद की गिरफ्तारी पर रोक लगाण क साथ ही 31 जनवरी कु आईओ के समक्ष पेश ह्वाण अर जांच मा सहयोग कन कु बोली च. बतैं द्यां कि देहरादून क हरिपुरकलां रायवाला मा रहण वाली साध्वी तृप्ता सरस्वती न स्वामी चिन्मयानंद पर हरिद्वार लक्सर रोड पर आश्रम से जुड़ीं एक जमीन कु धोखाधड़ी से बिचण क आरोप लगै च.
  
• मुथूट फाइनेंस गोल्ड क ऑफिस मा डकैती क प्रयास
  देहरादून क शहर कोतवाली क्षेत्र मा स्थित मुथूट फाइनेंस गोल्ड क दफ्तर मा बुधवार देर रात बदमाशों न लूटपाट की कोशिश की पर लॉकर न खुलन कु चलता बदमाश कुछ नी चुरै पायां. सीसीटीवी मा कैद फुटेज मा दिख्याणु च कि नकाबपोश बदमाशों न पैली तो फाइनेंस कंपनी क नाइट गार्ड तैं बंधक बणैई, वैका बाद लूटपाट करण कु प्रयास कौरी. पुलिस न मुकदमा दर्ज कन क बाद बदमाशों कु पकड़न तैं टीम बणै छन.
  
• केदारघाटी क ऊंचाई वालु इलाकों मा खूब बर्फबारी
  केदारघाटी क ऊंचाई वाला इलाकों मा बर्फबारी अर निचले क्षेत्रों मा बारिश ह्वाण से पूरी केदारघाटी शीतलहर की चपेट मा ऐ ग्याई च. केदारघाटी क हिमालयी भू-भाग सहित केदारनाथ, मद्महेश्वर, पंवालीकांठा, मनणामाई तीर्थ, पाण्डव सेरा, नंदीकुंड, विसुणी ताल, तुंगनाथ सहित ऊंचाई वाला इलाके बर्फबारी से पूरी तरह ढक ग्या छन. केदारधाम मा लगातार बर्फबारी से पुनर्निर्माण कार्य प्रभावित छन जबकि विभिन्न स्थानों पर बारिश ह्वाण से तापमान मा भारी गिरावट का चलते लोग घरों मा कैद छन.