अपणुं उत्तराखंडः दिनभरै खास खबर, एक नजर मा

दिनभरै खास खबर, एक नजर मा

• कोरोना केसों न बढ़ै स्वास्थ्य विभाग क चिंता
  उत्तराखंड मा तेजी से बढ़दा कोरोना केसों न सरकार अर स्वास्थ्य विभाग क चिंता बढ़ै दे च. बीता 24 घंटा मा प्रदेश मा 4402 नया कोरोना मरीज मिली छन. यन मा एक्टिव केसों की संख्या बौढ़ी कन 22,962 (बासठ) ह्वै ग्याई च, जबकि, बीता 24 घंटा मा 6 मरीजों की मौत भी ह्वाई च. वखी, 1965 (पैंसठ) मरीजों ठीक भी व्हाई छन. सबसे ज्यादा 1678 (अठहत्तर) केस देहरादून बिटी मिलिन, हरिद्वार मा 694 (चौरानबे) जबकि नैनीताल मा 592 (बानबे) केस समणि ऐनी.
  
• हरिद्वार नगर निगम मा 33 कर्मचारी पॉजिटिव
  उत्तराखंड मा कोरोना क कहर क बीच हरिद्वार नगर निगम मा भी 33 कर्मचारी कोरोना पॉजिटिव मिली छन. हाल ही मा हरिद्वार नगर निगम मा 86 (छियासी) कर्मचारियों क आरटी पीसीआर (RT PCR) जांच करै ग्यै छै, जै मा ई 33 कर्मचारी कोरोना पॉजिटिव पाई ग्येन. ई खबर क बाद निगम परिसर मा हड़कंप मची ग्याई. जल्दी मा निगम कार्यालय तैं सैनिटाइज कौरी गैई. वखी अब स्वास्थ्य विभाग संक्रमितों कु संपर्क मा आया लोगूं की जांच करणा च.
  
  
• चुनाव नी लड़ला त्रिवेंद्र
  उत्तराखंड क पूर्व मुख्यमंत्री त्रिवेंद्र सिंह रावत न विधानसभा चुनाव नी लड़ण क बड़ू फैसला कौरी च. ऊ न ये बारे मा एक पत्र लिखी कन भाजपा क राष्ट्रीय अध्यक्ष जेपी नड्डा तैं अपणु फैसला क जानकारी दे च. पत्र मा त्रिवेंद्र सिंह न लीखी कि, राज्य क नेतृत्व युवा हाथों मा च, ऐसा मा बदलता राजनीतिक परिस्थितियों का बीच ऊं तैं चुनाव नी लड़न. ऊं की इच्छा च कि वो एक कार्यकर्ता का रूप मा कार्य करता रहां.
  
• CDS बिपिन रावत क भाई कर्नल विजय रावत बीजेपी मा शामिल
  वखी, प्रदेश मा बदलता राजनीतिक परिस्थितियों का बीच देश क प्रथम सीडीएस जनरल दिवंगत बिपिन रावत क भाई कर्नल विजय रावत बीजेपी मा शामिल ह्वै गेन. ऊ न नई दिल्ली मा उत्तराखंड बीजेपी प्रदेश प्रभारी दुष्यंत गौतम, राज्यसभा सांसद अनिल बलूनी, प्रदेश अध्यक्ष मदन कौशिक अर सीएम पुष्कर सिंह धामी क समणि बीजेपी की सदस्यता ली. ई मौका पन सीएम न बोली कि विजय रावत क आण से पार्टी और मजबूती ह्वाली. वखी कर्नल विजय रावत न बोली कि, पैली ऊं का पिता बीजेपी मा छै अर अब ऊं तै ये मौका मिली च, जैका आभारी छन.
  
• गढ़वाल क बाद कुमाऊं मा भी हरक क विरोध
  भाजपा से निष्कासित हरक सिंह रावत क कांग्रेस मा वापसी क चर्चा कु बीच कांग्रेस नेताओं क विरोध बढ़न पर लग्यूं च. गढ़वाल क बाद कुमाऊं मा भी कांग्रेस नेताओं न हरक सिंह रावत क कांग्रेस वापसी कु खिलाफ मोर्चा खोल दे च. हल्द्वानी मा उत्तराखंड कांग्रेस सचिव गोपाल सिंह रावत न बोली कि, पार्टी मा आण से पैली हरक सिंह रावत उत्तराखंड क जनता, कांग्रेस अर पूर्व सीएम हरीश रावत तैं माफी मांगें. रावत न बोली कि कांग्रेस वै दिन नी भूली च जब 2016 मा हरक सिंह रावत न हरीश रावत सरकार गिराण कु षड्यंत्र रची छै.
  
• हाथ न पकड़ी किसानों कु साथ
  राज्य मा कांग्रेस किसानों का मुद्दा पर लगातार हमलावर बणि च. ये कड़ी मा बुधवार तैं कांग्रेस पार्टी न एक किताब क विमोचन कौरी, जैका नाम च 'आमदनी न हुई दोगुनी, दर्द सौ गुना' च. ई मौका पन हल्द्वानी मां कांग्रेस मा शामिल ह्वाई पूर्व मंत्री यशपाल आर्य न केंद्र सरकार कु किसानों से किया वादों कु लेकी जमकर निशाना साधी. ऊ न बोली कि केंद्र सरकार ने किसानों की आय दोगुनी करण का वादा कौरी छै, पर किसानों क दगड़ी बस छलावा ह्वाई च.
  
• यूकेडी प्रत्याशियों क दूसरा लिस्ट जारी
  उत्तराखंड विधानसभा चुनाव कु लेकी क्षेत्रीय पार्टी उत्तराखंड क्रांति दल न 14 प्रत्याशियों की दूसरी सूची जारी कर दे च. यमुनोत्री से रमेश चंद रमोला, गंगोत्री से जसवीर सिंह असवाल, नैनीताल से ओमप्रकाश, हरिद्वार से आदेश कुमार मारवाड़ी और सल्ट विधानसभा सीट से राकेश नाथ गोस्वामी तैं उम्मीदवार बणै ग्ये च. वखी ई दौरान पार्टी क युवा अर महिला प्रकोष्ठ न टिकट वितरण मा अनदेखी क आरोप लगै कन धरना प्रदर्शन भी कौरी. यूकेडी क केंद्रीय अध्यक्ष काशी सिंह ऐरी न बोली कि युवाओं अर महिलाओं की नाराजगी तैं जल्द दूर करै जालु.
  
• आचार संहिता उल्लंघन मामला मा 4 विधायकों कु नोटिस
  विधानसभा चुनाव प्रचार मा आचार संहिता उल्लंघन के मामले बढ़दा ही जाणा छन. उधम सिंह नगर जिला मा रुद्रपुर विधायक राजकुमार ठुकराल, सितारगंज विधायक सौरभ बहुगुणा, नानकमत्ता विधायक प्रेम सिंह राणा अर जसपुर क विधायक आदेश चौहान कु साथ ही आम आदमी पार्टी के किच्छा प्रत्याशी कुलविंदर सिंह और कांग्रेस के कार्यकारी अध्यक्ष तिलक राज बहेड़ सहित 8 नेताओं कु उल्लंघन क नोटिस भेजी ग्येन.
  
• नरसिंहानंद क जमानत याचिका खारिज
  हरिद्वार मा दिसंबर महीना मा ह्वाई धर्म संसद मा मुस्लिम महिलाओं पर अभद्र टिप्पणी करन क मामले मा जेल भेजी ग्येन यति नरसिंहानंद क जमानत याचिका सीजेएम हरिद्वार क अदालत मा खारिज ह्वै ग्याई च. अब यति नरसिंहानंद क वकील सत्र न्यायालय मा अपील करल. वखी हेट स्पीच मामला मा जितेंद्र नारायण तिवारी उर्फ वसीम रिजवी की भ्वाल गुरुवार कु सत्र न्यायालय मा सुनवाई च.
  
• चुनाव फ्लाइंग स्क्वायड टीम न पकड़ी ₹30 लाख
  उत्तराखंड विधानसभा चुनाव कु लेकी चेकिंग क दौरान चुनाव फ्लाइंग स्क्वायड टीम न देहरादून क नेहरू कॉलोनी फवारा चौक पर कार सवार युवकों बिटीं 30 लाख रुपया नकद बरामद कौरीन. रुपयों का बारे मा क्वी लेन-देन या बैंक स्टेटमेंट जैसू सबूत पेश नी करण क स्थिति मा फिलहाल धनराशि तैं फ्लाइंग स्क्वायड टीम न अपणा कब्जा मा लिये च. येका दगड़ी इनकम टैक्स टीम तैं भी सूचना दी ग्यै च. बतै द्यां कि चुनाव आचार संहिता क दौरान कखी भी कैश ले जाण कु लेकी बैंक लेन-देन या अन्य सही सबूत जरूरत पड़दी, नी त रुपयों तैं पुलिस जब्त करदी च.