अपणुं उत्तराखंडः दिनभरै खास खबर, एक नजर मा

दिनभरै खास खबर, एक नजर मा

• बढ़नी च कोरोना की रफ्तार
  उत्तराखंड मा कोरोना की रफ्तार बढ़ी तेजी बिटी बढ़नी च. बीता 24 घंटा क भितर प्रदेश मा 2127 नया कोरोना मरीज मिली छन. जैका बाद एक्टिव केसों की संख्या बढ़ी पन 6603 ह्वै ग्याई च जबकि, कोरोना संक्रमित एक मरीज की मौत भी ह्वाई च. कुल 416 मरीज ठीक भी ह्वाई छन. सबसे ज्यादा 991 मरीज देहरादून जिला मा मीली छन वैका बाद 451 नैनीताल मा अर 259 संक्रमित हरिद्वार मा मिली छन.
  
• डीडीहाट बिटीं लड़ सकदा हरदा
  वखी खबर च कि पूर्व मुख्यमंत्री हरीश रावत पिथौरागढ़ जिले क डीडीहाट विधानसभा सीट बिटीं चुनाव लड़ सकदा छन. डीडीहाट मा कांग्रेस नेताओं क बैठक मा ई बात कु लेकी फैसला लेई ग्याई. डीडीहाट सीट बिटी सबी कांग्रेस दावेदारों न हरीश रावत कु डीडीहाट बिटीं चुनाव लड़ान कु प्रस्ताव पास कैरी कन आलाकमान कु भेजी च. बतै द्यां कि पिछला 25 साल बिटीं कांग्रेस डीडीहाट सीट मा जीत नी सकी च.
  
  
• बीजेपी क इंतजार मा कांग्रेस
  उत्तराखंड चुनाव कु लेकी प्रत्याशी घोषित कन कु मामला मा अबतक आम आदमी पार्टी सबसे अगणे च. पार्टी न द्वी लिस्ट जारी कर द्याई च. वखी कांग्रेस अर बीजेपी अबी चुप बैठ्या छन पर कांग्रेस चुनाव संचालन समिति क अध्यक्ष अर पूर्व सीएम हरीश रावत क दावा च कि कांग्रेस पार्टी आण वालु सात दिन क भितर प्रत्याशियों की पैली लिस्टी जारी करली, पर दूसरा लिस्ट ऊ तबी घोषित करला जब बीजेपी अपणा पत्ता खोलली.
  
• बीजेपी मा महिलाओं कु मिलली वरीयता
  वखी दूसरी ओर प्रदेश मा बीजेपी भी प्रत्याशी चयन मा जुटीं च. सीएम पुष्कर सिंह धाम न बोली च कि टिकट फाइनल करण की प्रक्रिया चलणी च. राज्य चुनाव समिति की बैठक होली अर वैका बाद केंद्रीय संसदीय बोर्ड योग्यता, कार्य, परिस्थितियों क आधार पर उम्मीदवार कु चयन करला. वखी, अल्मोड़ा पौंचिन बीजेपी चुनाव प्रभारी लॉकेट चटर्जी ने टिकट दावेदारी मा महिलाओं कु तवज्जो देणि की बाच बोली. ऊ न बोली कि हफ्ता भर मा टिकटों की घोषणा कर दी जाली.
  
• मजबूत विकल्प च आप- गोपाल राय
  आम आदमी पार्टी क नेता अर दिल्ली क कैबिनेट मंत्री गोपाल राय मंगलवार कु उधमसिंह नगर जिले क काशीपुर पौंचिन. यख ऊन उत्तराखंड विधानसभा चुनाव कु लेकी प्रेस कांफ्रेंस कौरी अर बोली कि उत्तराखंड मा आम आदमी पार्टी की जबरदस्त लहर दिख्याणी च. 21 साल बिटीं बीजेपी अर कांग्रेस यख की जनता की मजबूरी छै, पर अब प्रदेश की जनता क समणि आम आदमी पार्टी एक मजबूत विकल्प का रूप में मौजूद च.
  
• सिसोदिया क उत्तराखंड दौरा
  यैका दगड़ी उत्तराखंड विधानसभा चुनाव मा आम आदमी पार्टी क चुनावी कैंपेन कु बढ़ौण खातिर दिल्ली क उपमुख्यमंत्री मनीष सिसोदिया दो दिनी दौरा पर उत्तराखंड आणा छन. सिसोदिया भ्वाल यानि 12 और परस्यूं 13 जनवरी कु उत्तराखंड रहला. ई दौरान ऊ गढ़वाल से कुमाऊं तक डोर टू डोर कैंपेनिंग भी करला.
  
• संतों तैं मीली 'दुर्योधन' कु साथ
  हरिद्वार धर्म संसद हेट स्पीच मामला मा संतों तैं अभिनेता पुनीत इस्सर क साथ मीली ग्याई च. पुनीत इस्सर न सोशल मीडिया पर एक वीडियो मैसेज क जरिया सरकार से मांग कौरी कि संतों क खिलाफ दर्ज मुकदमा अर एसआईटी जांच कु वापस लिये जा. ऊ न बोली कि धर्म संसद मा बोली ग्यैन बातों तैं गलत ढंग से पेश किये ग्यै च. बतैं द्यां कि पुनीत इस्सर टीवी जगत क मशूहर कलाकार छन, ऊ न प्रसिद्ध टीवी सीरीज महाभारत मा दुर्योधन कु किरदार निभै छै.
  
• खनन अर ओवरलोडिंग क खेल जारी
  उत्तराखंड में आचार संहिता लगण कु बाद बी यख अवैध खनन क खेल धड़ल्ला से जारी च. हिमाचल स आणु वाल खनन सामाग्री क वाहनों मा ओवरलोडिंग चलणि च. दरअसल, हिमाचल क पांवटा साहिब बिटीं आण वालु वाहन उत्तराखंड क सीमा कुलहान चौकी से लेकी देहरादून तक ज्यू बी खनन सामग्री लेकी आंद छन, ऊं मा ज्यादातर वाहन ओवरलोडेड व्हांदन. हैरानी की बात ई च कि हिमाचल बॉडर से लेकी देहरादून पहुंचणा तक उत्तराखंड पुलिस की 5 चौकी अर द्वी थाना पड़दां छन लेकिन वख न त चेकिंग व्हादीं न ओवरलोडिंग वाहनों की जांच. वखी देहरादून एसएसपी जमेन्जय खंडूड़ी न बोली कि खनन विभाग क दगड़ी रेवेन्यू विभाग समय-समय पर अवैध खनन से भर्यां वाहनों पर कार्रवाई करदां वैका बाद भी क्वी शिकायत मिलदी च त एक्शन लिये जालु.
  
• पुलिस फ्रंटलाइन वर्करों तैं बूस्टर डोज
  चुनाव कु लेकी काउंटडाउन और बढ़ता कोविड मामला कु देखी कन पुलिस महकमा तैं तैयार करणु कु काम शुरू ह्वै ग्याई च. फ्रंटलाइन मा तैनात पुलिसकर्मियों तैं बूस्टर डोज लगाई जाण क अभियान शुरू ह्वै ग्याई च. मंगलवार कु डीजीपी अशोक कुमार न भी कोविड बूस्टर डोज लगैई.
  
• 50 से ज्यादा महिलाओं दगड़ी ठगी अर दुष्कर्म
  हल्द्वानी क मुखानी थाना पुलिस न द्वी ठगी अर यौन शोषण मामलों का आरोपी तैं गिरफ्तार कौरी पर पूछताछ मा पता चौली कि आरोपी न 50 से ज्यादा महिलाओं क दगड़ी ठगी क बाद ऊं का शारीरिक शोषण भी कौरी. आरोपी पैली महिलाओं क साथ सोशल मीडिया पर दोस्ती क बहाना से ठगी करदू छै वैका बाद मौका मिलन पर ऊं का साथ यौन शोषण भी करदू छै. फिलहाल पुलिस ने द्वी दर्ज मामलों मा ही आरोपी के खिलाफ केस दर्ज किया है. आरोपी क नाम चारू चंद्र जोशी च जू मूल रूप से बागेश्वर जिले कु रहण वाल च.