किसानों ना हेलीपैड पर करि कब्जा, सीएम कू करि विरोध
कृषि कानूनों थै लेकि जख राजधानी दिल्ली मा किसान बॉर्डर घेरी की बैठया छिन, वखि अब हरियाणा मा भि खट्टर सरकार कू जबरदस्त विरोध हुणु च, कृषि कानूनों का खिलाफ आक्रोश कू आलम च कि हरियाणा मा किसानों ना मुख्यमंत्री मनोहर लाल खट्टर कू हेलीकॉप्टर भी नि उतरण दिया. वैसे पेलि किसानों ना हेलीपैड पर कब्जा करि और हेलिपैड पर लगि टाइल्स थैकि उखाड़ द्या. किसानों न बोली- जब तक कृषि कानून रद्द नि हुंदा, तब तक वु बीजेपी सरकार कू कुई कार्यक्रम नि हुण दयला.
उत्तराखंड मा भि बर्ड फ्लू कू अलर्ट
देश और प्रदेश मा जख अभि कोरोना कू खतरा बरकरार च वकि अब कोविड का दगणि बर्ड फ्लू कू खतरा भी उत्तराखंड मा मंडरौण लगगे, राजस्थान, केरल, मध्य प्रदेश और पड़ोसी राज्य हिमाचल मा बर्ड फ्लू कू अलर्ट हुणा बाद उत्तराखंड मा भी सरकारन अलर्ट जारी कर दे. हालांकि, अभी प्रदेश मा कखि भी बर्ड फ्लू की पुष्टि न हुईं च. वखि रुड़की और डोईवाला मा कौवों और मुर्गियों की मुना की सूचना च, जैका बाद ऊंकू सैंपल लेकि जांचा खुण भेजि ग्या.
पूर्व सीएम हरीश रावत ना बीजेपी सरकार पर बोली हमला
पूर्व सीएम हरीश रावत ना बीजेपी सरकार पर साधी निशाना, बोली- बीजेपी मिथे 2017 कू फ्लॉप हीरो बताणी च, लेकिन ये फ्लॉप हीरो ना राज्य कू विकास फ्लॉप नि हुण दे, बीजेपी शासन मा राज्य की जनता त्रस्त और विकास ठप च.
बीजेपी नेताओं ना बोली कांग्रेस कनि हमारी नकल
खुद थै दुनिया की सबसे बड़ी पार्टी बताण वलि बीजेपी राज्यों मा पन्ना प्रमुखों तक की नियुक्ति कना की तैयारी कनि च, वखि कांग्रेसन भी बूथ स्तर पर बीजेपीक नक्शे कदम पर चलकि की अपणु खाका तैयार करलि. जैका बाद राजनीतिक रूप से यह बहस छिड़ी च कि क्या कांग्रेस संगठन अपण ढांचा मा बीजेपी की नकल कनु च. बीजेपी नेताओं न बोली- कांग्रेस नकल कना बाद भी हमेशे पिछिने हमन कै भि यालि पन्ना प्रमुखों की नियुक्ति.
मनीष सिसोदिया न बोली- सेल्फी कैंपेन से उत्तराखंड सरकार ह्वे एक्सपोज
आम आदमी पार्टी नेता मनीष सिसोदिया कू बयान बोली पार्टी का सेल्फी विद स्कूल कैंपेन ना खोली उत्तराखंड सरकार की पोल, लोग स्कूलों दगणि सेल्फी लेकि बीजेपी सरकार थे दिखाणा छिन आइना, पहाड़ों मा स्कूलों की हालत खस्ताहाल छात्रों खुण निचा मूलभूत सुविधा उपलब्ध.
रोडवेज कर्मचारियों ना 13 जनवरी से चक्का जाम की करि घोषणा
वेतन समेत अपणी सात सूत्रीय मांगों थै लेकि उत्तराखंड रोडवेज के कर्मचारी आंदोलनरत छिन, अब कर्मचारियों ना 13 जनवरी बटि पूरा प्रदेश मा बसों कू चक्का जाम कनि की घोषणा कयाल. वखि रोडवेज कर्मचारियों की ये हड़ताल कू सीधू असर आम जनता पर पड़लु. कर्मचारियों न बोली मांगों थै लेकि कई बार प्रबंधन से किये ग्या बात, लेकिन ऊंकी मांगों पर नि किये ग्या विचार.
तीर्थनगरी ना प्रतिबंध का बावजूद होम डिलीवरी हुण च मांस
तीर्थनगरी ऋषिकेश मा मांस और दारू का सेवन का दगणि बिक्री पर भी प्रतिबंध च, बावजूद येका, यख घार घार मा मांस और चिकन की होम डिलीवरी हुणी च, आलम ईचकि मांस विक्रेताओं ना जगह-जगह अपणा प्रचार-प्रसार खुण पोस्टर बैनर भी लगया छिन.
रिटायर्ड फौजी का बेटा दगणि 7.64 लाख की ठगी
उधम सिंह नगर का जसपुर मा कबूतर बाजों ना एक रिटायर्ड फौजी का बेटा थे अपणु निशाना बणे, फौजी पुत्र थे विदेश मा नौकरी लगाण का नाम पर शातिरों ना ऊसे 7 लाख 64 हजार की ठग लेनि, जैका बाद पीड़ित ना ये मामला की पुलिस मा शिकायत करि, अब पुलिस ये मामला की जांच पड़ताल मा जुटि च.
अधर मा लटकी कोटद्वार डिपो कार्यशाला कू निर्माण
कोटद्वार मा रोडवेज बस डिपो की कार्यशाला कू मामला अधर मा लटकी गै, कार्यशाला खुण चयनित भूमि थै परिवहन सचिव न करि खारिज, जैका बाद अब स्थानीय प्रशासन रोडवेज कार्यशाला निर्माण खुण नई भूमि की तलाश मा जुट्यु च. जानकारी का मुताबिक, कोटद्वार डिपो मा 52 बसें निगम की च और डिपो ना 13 बसों दगणि अनुबंध करयुं च.
देवप्रयाग मार्ग पर खाई मा कार गिन से द्वि लौखु की मौत
श्रीनगर देवप्रयाग मार्ग पर एक कार अनियंत्रित ह्वेकि गहरी खाई मा जा गिरी, ये हादसा मा द्वी लौखु की मौत ह्वेगी, पुलिस का मुताबिक, घटना सुबेर सात बजि क च. द्विया मृतक शहाबुद्दीन और मुर्शीद, सहारनपुर यूपी का रैण वला छाई. मोबाइल और इलेक्ट्रॉनिक का कू समान बिचणु कू काम करदा छाई.
