कोरोनाः पिछला 24 घंटा मा 1136 लौखुं मौत
देश मा कोरोना कू कहर लगातार बढ़णुं च. पिछला 24 घंटा मा कोरोना का 92 हजार से ज्यादा केस समणिं ऐन. वखि, 1136 लौखुं मौत ह्वे गी. देश मा कोरोना संक्रमितों की संख्या 48 लाख 46 हजार का पार ह्वे गी. जबकि 79 हजार से ज्यादा लौखुं मौत ह्वे गी.
मॉनसून सत्रः 25 सांसद निकलिन कोरोना संक्रमित
आज बटि लोकसभा और राज्यसभा मा मॉनसून सत्रे शुरुआत ह्वे. संसद मा 25 सांसद कोरोना संक्रमित निकलनि. जेमा भाजपा सांसद मीनाक्षी लेखी, अनंत कुमार हेगड़े और प्रवेश साहिब समेत 17 सासंद लोकसभा का छा औऱ 9 सासंद राज्यसभा बटि निकलिन. सत्र का पेहला दिन सासंदों और संसद कर्मचारियों समेत 4 हजार से अधिक लौखुं की कोरोना जांच ह्वे.
मॉनसून सत्रः टीएमसी सांसद न वित्त मंत्री का पहनावा पर करी टिप्पणी
कोरोना महामारी का बीच शुरू ह्वे संसद सत्रे कार्यवाही भोल दोपहर 3 बजे तक स्थगित. पेहला दिन विपक्ष न प्रश्नकाल स्थगित कन्न पर हंगामा करी. वखि, जब तृणमूल कांग्रेस का सांसद सौगत रॉय न वित्त मंत्री निर्मला सीतारमणे पहनावा पर टिप्पणी करी त सदन मा हंगामा ह्वे गी. सत्ता पक्ष का सांसदों न टीएमसी सासंद ते माफी मांगने मांग करी. लेकिन सांसदन रॉय न आखिर तक माफी मंगण से इंकार करी.
हिंदी दिवस पर पीएम कू देशवासियों ते संदेश
हिंदी दिवस का मौका पर प्रधानमंत्री नरेंद्र मोदी और गृह मंत्री अमित शाह न देशवासियूं ते खास संदेश दे. प्रधानमंत्री मोदी न ट्वीट करीकी हिंदी का विकास मा योगदान देंण वला भाषाविदों कू अभिनंदन करी.
उत्तराखंड मा कोरोना कू कहर
प्रदेश मा कोरोना कू कहर लगातार बढ़णुं च. रविवार का दिन प्रदेश मा रिकॉर्ड 1637 नया केस समणिं ऐन. वखि 12 लौखुं मौत ह्वे गी. प्रदेश मा कोरोना संक्रमितों की संख्या 31 हजार 7सौ का पार ह्वे गी. जबकि 414 लोग मौर गिन.
एक बार फिर 500 करोड़ कू लोन लेंणें तैयारी मा त्रिवेंद्र सरकार
कोरोना काल मा उत्तराखंड सरकार वित्तीय कमी से परेशान च. ते वास्ता सरकार बाजार बटिं 500 करोड़ कू लोन लेंणे तैयारी मा च. हालांकि अभी मौजूदा जीएसटी प्रतिपूर्ति पर स्थिति स्पष्ट नि च. इंसे पेहली भी त्रिवेंद्र सरकार न पिछला मेहना बाजार बटि 500 करोड़ कू लोन उठै छो. इं हिसाब से प्रदेश सरकार अभी तक सिर्फ इं वित्तीय वर्ष मा 1600 करोड़ रुपया कू कर्ज ले चुकीं च.
कुमौं मा परीक्षा केंद्रों पर पौंछिन छात्र, कक्षा मा मास्क जरूरी
आज कुमौं विश्वविद्यालय मा एनुअल और सेमेस्टर परीक्षा शुरू ह्वे गी. जैमा बड़ी संख्या मा छात्र परीक्षा केंद्रों पर पौंछिन. हालांकि कोरोना संक्रमण का चलदा इं बार परीक्षा केंद्रों कु नजारा अलग ही दिखी. सोशल डिस्टेसिंग और सेनेटाइजेशन पर पुरु जोर दिखी. कक्षों मा छात्रों ते मास्क पेहणों जरूरी च. वखि, दूर जगहों बटिं पौंछिन छात्रों ते काफी परेशानी कु सामना भी कन्न पड़ी.
पुलिसकर्मियूं ते प्रमोशन कू तोहफा
उत्तराखंड का पुलिसकर्मियूं ते लंबा इंतजार का बाद प्रमोशन कू तोहफा मिन्न वलु च. करीब 300 पुलिस कर्मियूं कू प्रमोशन होलू. जेते राज्य सरकार न मंजूरी दियेली. नियमावली का तहत 300 से ज्यादा कांस्टेबल प्रमोशन मा हेड कांस्टेबल बंण जाला.
देवस्थानम् बोर्ड का खिलाफ तीर्थ पुरोहितों कू धरना शुरू
देवस्थानम् बोर्ड का खिलाफ एक बार फिर तीर्थ पुरोहितों न अपणां गौं मा धरना शुरू करेली. वखि, ऋषिकेश बटि वापस ओंणा बाद आचार्य संतोष त्रिवेदी न भी भोलेश्वर महादेव मंदिर मा अर्धनग्न अवस्था मा धरना शुरू करेली. केदारनाथ मंदिर प्रांगण मा तीर्थ पुरोहितों कू क्रमिक अनशन 46वां दिन भी जारी रे.
मुख्यमंत्री स्वरोजगार योजमाः आवेदकों कू 43 करोड़ कु लोन पास
लॉक डाउन का कारण अपणां घौर लौटिंन उत्तराखंड का प्रवासी युवा बेरोजगारों ते राज्य सरकार का ओर से मुख्यमंत्री स्वरोजगार योजना शुरू ह्वे छे. जेमा अभी तक 1142 आवेदकों ते 43 करोड़ रुपया कू लोन पास ह्वे गी.
