भारत मा कोरोना कू कहर
भारत मा लगातार कोरोना मरीजुं की संख्या बढ़दी जांणी च. भारत मां अब तक कोरोना संक्रमितु की संख्या 3 लाख 8 हजार का पौंछि गी. जब कि देश मा कोरोना से मन्न वालौ की संख्या 8,884 ह्वे गी. केंद्रीय स्वास्थ्य विभाग का मुताबिक, देश मा कोरोना संक्रमितों की रिकवरी दर मा सुधार च.
उत्तराखंड मा भी कोरोना कू प्रकोप
उत्तराखंड मा भी कोरोना कु कहर लगातार बढ़दू जांणू च. श्याम पांच बजी तक प्रदेश मा कोरोना संक्रमितुं की संख्या 1759 पौंछि गी. प्रदेश मां अब तक कुल 1023 मरीज स्वस्थ ह्वे की घौर चल गेनी. जबकि मौत कू आंकड़ा 21 ह्वे गी.
नेपाल न नयू नक्शा करि पास, कालापानी और लिपुलेख ते बते अपणु हिस्सा
आज नेपाल संसद मा नयू नक्शा कू संशोधित बिल पास ह्वे गी. बिल का मुताबिक, लिपुलेख, कालापानी और लिंपियाधुरा ते बते अपणु देश कू हिस्सा.
आज देश ते मिलिन 333 सैन्य अफसर
आज देहरादून आईएमए का पासिंग आउट परेड मा 423 जेंटलमैन कैडेट बणिन सेना मा अफसर. इंमा भारत का 333 और मित्र राष्ट्रों का 90 सैन्य अफसर शामिल छा. परेड का दौरान मौजूद लौखुं सोशल डिस्टेंसिंग और मास्क कू इस्तेमाल करी. अफसरों का घौर वलुं न लाइव स्ट्रीमिंग का जरिया अपणुं घौर बटि देखी पीओपी.
भारत-चीन विवाद पर सेनाध्यक्ष कू बड़ू बयान
आईएमए पासिंग आउट परेड मा पौंछ्या सेनाध्यक्षण एमएम नरवणे न भारत-चीन विवाद पर दे बड़ू बयान. बोली- सीमा पर काबू मा छिन हालात. नेपाल पर बोली कि भारत दगड़ी नेपाल का रिश्ता मजबूत.
मनीषा न ईटीवी भारत के बोली धन्यवाद
पौड़ी जिला का रिखणीखाले नौनी मनीषा अपणु घौर कुटदर पौंछ गी. वेन एक वीडियो जारी कर ईटीवी भारत ते धन्यवाद बोली. बते द्यां कि कुछ दिन पेहली मनीषा न अपणी पीड़ा ईटीवी भारत दगड़ी साझा करि छे. वेन बोली छो कि वू लॉकडाउन का कारण रिखणीखाल मा फंसी च और खराब आर्थिक हालात का चलदा बोर्ड परीक्षा ते कुटदर नि ऐ सकदी. ईटीवी भारते खबर कू संज्ञान लेकी शिक्षा मंत्री अरविंद पांडेय न वेते मदद कू आश्वासन दे छो.
फेस मास्क नि पहण पर ह्वे सकदी 6 माह सजा औऱ 5 हजार जुर्माना
केरल और ओडिशा का बाद उत्तराखंड मा भी महामारी अधिनियम अध्यादेश-1897 मा संशोधन. राज्यपाल बेबीरानी मौर्ये मंजूरी का बाद यन कन्न वलू तीसरू राज्य बणि उत्तराखंड. अब राज्य मा फेस मास्क और क्वारंटाइन का उल्लंघन पर ह्वे सकदी 6 माह सजा और 5 हजार रुपया कू जुर्माना.
क्वारंटाइन सेंटर मा आत्महत्या प्रकरण पर नोडल अधिकारी और डॉक्टर निलंबित
देहरादून का क्वारंटाइन सेंटर मा एक नौने आत्महत्या प्रकरण पर सीएम त्रिवेंद्र सिंह रावत न सख्त रुख अपणे. मामला मा सीएम का आदेश पर नोडल अधिकारी और संबंधित डॉक्टर ते करि सस्पेंड. यन मामला फिर न हो जिला का अधिकारियों ते दे निर्देश.
स्वास्थ्य महानिदेशालय का दफ्तर मा लगी आग
आज दोपहर मा देहरादून सचिवालय स्थित स्वास्थ्य महानिदेशालय का दफ्तर मा आग लग गी. जैका बाद हड़कंप मच गी. आनन-फानन मा मौका पर पौंछ्या दमकल टीम न आग पर काबू पे. हालांकि शाम 6 बजे तक आग का कारणों कू पता नि लगी.
लोकगायक हीरा सिंह राणा कू निधन
उत्तराखंड का मशहूर लोकगायक हीरा सिंह राणा न आज अंतिम सांस ले. बते जांणू च कि ऊंते हार्ट अटैक ऐ छौ. वू अपणा आखिरी वक्त पर दिल्ली मा छा. वखि ऊंकी मौत ह्वे. उधर, सीएम त्रिवेंद्र सिंह रावत समेत कई लोक गायकों न ऊंकी मौत पर शोक व्यक्त करी.
अजगर न हिरण ते निगली, वीडियो वायरल
हरिद्वार का पथरी थाना क्षेत्र का पास एक जंगल मा एक अजगर न एक हिरण ते निगल ली. एक नौन न अपणा फोन पर बणे वीडियो. करीब 20 मिनट तक अजगर न हिरण ते अपणा मुंह पर दबे छो. आस-पास का लौखुं मा खौफ.
