भारत मा कोरोना कू कहर
भारत मा लगातार कोरोना मरीजुं की संख्या बढ़दी जांणी च. भारत मां अब तक कोरोना संक्रमितु की संख्या द्ववी लाख 97 हजार पांच सौ पैंतीस पौंछि गी. जब कि देश मा कोरोना से मन्न वालौ की संख्या 8,498 ह्वे गी. केंद्रीय स्वास्थ्य विभाग का मुताबिक, देश मा कोरोना संक्रमितों की रिकवरी दर 49.21 प्रतिशत च,
महाराष्ट्र सरकार मा एक और कैबिनेट मंत्री कोरोना पॉजिटिव
महाराष्ट्रै उद्धव ठाकरे सरकारौ एक और मंत्री कोरोना ह्वे ही. एनसीपी का कोटा से मंत्री बण्या धनंजय मुंडे मा कोरोना का लक्षण मिलिन, दगड़ा मा उका पर्सनल स्टाफ का 6 लोखु मां भी कोरोना की पुष्टि ह्वे. महाराष्ट्र सरकार मा अबतक तीन मंत्री कोरोन पॉजिटिव ह्वे गिन.
सुप्रीम कोर्ट ने लगाई दिल्ली को फटकार
सुप्रीम कोर्ट न कोविड-19 का उपचार और अस्पतालु मा कोरोना संक्रमित शवुं दगडि होंण वाला गलत व्यवहार का मामला मा आज सुणवैं करी. ज्या मां कोर्ट न शवु दगड़ि होंण वाला व्यवहार थै अनुचित बथै. सुप्रीम कोर्ट न फटकार लगै कि दिल्ली थै बोली कि कोरोना संक्रमित मरीजुं दगड़ि जानवरुं से बदतर सलूक होंणू च.
राज्य सभा चुनाव थै लेकी आरोप प्रत्यारोप कु दौर
राज्यसभा चुनाव थै लेकी राजस्थान मा आरोप-प्रत्यारोप कु दौर लगातार जारी च. . मुख्यमंत्री अशोक गहलोत न जख बीजेपी पर विधायकुं की खरीद-फरोख्तौ आरोप लगै, वखी विपक्षी पार्टी भाजपा भी यां कुं पुरजोर विरोध कन्नी च. जैका बाद अब राजस्थान का मुख्यमंत्री अशोक गहलोत और सचिन पायलट न बोली कि वु राजस्थान मा फासीवादी ताकतुं थै कबी सफल नी होंण देला.
नेपाल पुलिसै फायरिंग मा एक भारतीयै मौत
बिहार का सीतामढ़ी का सोनबरसा बॉर्डर का समणि नेपाल पुलिस न फायरिंग करी, ज्या मां एक भारतीय नागरिकै मौत ह्वे गी, जबकि ई फायरिंग मा तीन लोग घायल ह्वे गिन. एसएसबी का डीजी न बथै कि या घटना नेपाल मा घटी, उ दगड़ि लगातार बातचीत जारी च. डीजी न बथै अभी एक शख्स अभी नेपाल पुलिसै हिरासत म च
उत्तराखंड मा भी कोरोना कू प्रकोप
उत्तराखंड मा भी कोरोना कु कहर लगातार बढ़दू जांणू च. श्याम पांच बजी तक प्रदेश मा कोरोना संक्रमितुं की संख्या 1700 का पास पौंछि गी. प्रदेश मां अब तक कुल 895 मरीज स्वस्थ ह्वे की घौर चल गेनी,प्रदेश मा लगातार कोरोना का मामला बढण से सरकार और स्वास्थ्य विभाग चिंतित च.
एम्स मा कोरोना संक्रमित द्वी लोखुं की मौत
ऋषिकेश का अखिल भारतीय आयुर्विज्ञान संस्थान मा में अन्य गंभीर बीमारिय्यूं से पीड़ित द्वी कोरोना पॉजिटिव मरीजुं की मौत ह्वे गी. वखी आज मुंबई से ऋषिकेश पौंछ्य़ा एक मरीजै भी रिपोर्ट कोरोना पॉजिटिव ए. एम्स ऋषिकेश का अफेयर्स डीन प्रो यूबी मिश्रा न यांकी पुष्टि करी.
क्वारंटाइन सेंटर मां युवक न करी आत्म हत्या
रायपुर का क्वारंटाइन सेंटर मा एक युवक न आत्महत्या करेली, घटना कू सूचना का बाद पुलिस-प्रशासन केा हाथ-खुटा फूल गेनी. बथये जांणू ज कि देर रात गुल्लरघाटी क्वारंटाइन सेंटर मा ये युवक न फांसी लगै. सुबेर क्वारंटाइन सेंटर का अन्य लोखुं न घटना का जानकारी पुलिस थै दिनी. जैका बाद पुलिस प्रशासनै टीम मौका पर पौंछि.
उद्योगुं की बिजली थै फिक्स चार्ज मा मिली 33 फीसदी छूट
प्रदेश सरकार न पूर्ण लॉकडाउन का कारण बंद औद्योगिक और वाणिज्यिक प्रतिष्ठान श्रेणी का उपभोक्ताउं थै विद्युत फिक्स्ड चार्ज मा 33% छूट देंणों एलान करी. या से सभी उपभोक्ताउं थै होंण वाली परेशानियूं मा कुछ कमी आली. इ श्रेणी का सभी उपभोक्ताओं से फिक्स्ड चार्ज की या छूट जुलाई 2020 से अक्टूबर 2020 की अवधि में किस्तुं मा वसूले जाली.
देवस्थानम बोर्ड पर हाईकोर्ट मा सुणवै टली
बदरीनाथ-केदारनाथ मंदिर समेत प्रदेश का 501 अन्य मंदिरुं थै देवस्थानम बोर्ड मा शामिल कन्न मामला मा नैनीताल हाई कोर्ट म सुणवै टल गी. अब ये मामला मा 3 हफ्ता बाद सुणवै होली. राज्यसभा सांसद सुब्रह्मण्यम स्वामी की याचिका का खिलाफ देहरादून की रूलर लिटिगेशन संस्था न कोर्ट मा इंटरवेंशन एप्लीकेशन दायर करी छै,जैकी बाद यू फैसला लिये गी.
