देश मा कोरोना कू कहर
देश मा कोरोना कू कहर लगातार बढ्नु च. कोरोना मरीजों की रिकवरी रेट ह्व़े 47 फीसदी. पिछला 24 घंटा मा रिकॉर्ड 265 लोखुं मौत. संक्रमितों कू आंकड़ा 1 लाख 73 हजार का पार
मोदी 2.0 ते एक साल पुरु
प्रधानमंत्री नरेंद्र मोदी कू दुसरू कार्यकाल ते एक साल पुरु ह्व़े गी. इं मौका पर पीएम न देशवासियों ते एक चिठ्ठी लिखी, जेमा उन कोरोना का कारण अर्थव्यवस्था पर असरो जिक्र भी करी. हालांकि यु भरोसा भी दिले कि देश कोरोना संकट बटी निकल जालू.
अपणुं उत्तराखंड दिनभरै खास खबर. उत्तराखंड मा कोरोना कू कहर
उत्तराखंड मा आज शाम 4 बजि तक कोरोना का 11 नया केस एन. देहरादून मा कोरोना संक्रमितों कू आंकड़ा 171 ह्व़े गी. प्रदेश मा कुल संख्या 727 पोंछी. हालांकि अब तक 102 मरीज ठीक ह्व़े गिन.
करोड़ों रुपया जीएसटी चोरी कू मामला, 34 फर्मों का खिलाफ मुकदमा
उत्तराखंड का जसपुर, हल्द्वानी और काशीपुर का अलग-अलग फर्मों मा करोड़ों रुपया की जीएसटी चोरी कू मामला समणी ऐ. जेमा राज्य कर विभाग का कमिश्नर का तरपा बटी 34 फर्मों का खिलाफ मुकदमा दर्ज.
उत्तराखंड मा 1 जून बटी खुल्ला दफ्तर
उत्तराखंड मा 1 जून बटी सभी सरकारी दफ्तर खोली जाला. प्रदेश सरकार का आदेश का अनुसार, सुबेर 10 बजि बटी शाम 5 बजे खुला राला दफ्तर. सचिवालय और विधानसभा सुबेर 9:30 बटी शाम 6:30 तक राला खुला.
बाजारों ते छूट, सोशल डिस्टेंसिंग कू उल्लंघन
उत्तराखंड मा बाजारों ते छूट का 12 घंटा बाद ही नियमों कू उल्लंघन शुरू ह्व़े गी. रुद्रपुर का बाजारों मा लोखुं भीड़ उमड़ी. आलम यू च कि क्या व्यापारी और क्या लोग बाग़ हर ओर दिखी सोशल डिस्टेंसिंग कू उल्लंघन.
बाजारों मा छूट से चिंतित दून व्यापारी संघ
उत्तराखंड मा कोरोना का केस लगातार बढ़ना छिन. देहरादून मा भी कोरोना का केस कम नि होणा छिन. उधर, सरकार का ओर से बाजार खोन्नो टेम बढोणा बाद दून व्यापारी संघ चिंतित च. आज संघ न सीएम ते बाजार खोन्नो टेम मा कटौती कन्नो चिट्टी भेजी.
विधायक न कोरोना लड़े मा अपणु एक साल कू वेतन करी दान
कोरोना का खिलाफ लड़े मा गंगोलीहाट विधायक मीना गंगोला न मिसाल पेश करी. उन अपणु एक सालो वेतन (अप्रैल 2020 बटी मार्च 2021 तक) मुख्यमंत्री राहत कोष मा जमा कन्नो फैसला ले.
उत्तराखंड प्रदूषण कंट्रोल बोर्ड न सरकार ते दे 50 करोड़ कू चेक
कोरोना का खिलाफ लड़े मा उत्तराखंड प्रदूषण कंट्रोल बोर्ड न प्रदेश मा सबसे बड़ी राशि दान करी. बोर्ड न राज्य सरकार ते 50 करोड़ कू चेक सौंपी.
प्रदेश का कई जगहों मा बरखा, गर्मी बटी राहत
प्रदेश का हिस्सों मा ब्याली बटी रुक-रुक कर बरखा होणी च. जेका बाद लोखुं ते गर्मी बटी राहत मिली. आज चमोली और पौड़ी का कोटद्वार समेत कुमों का कई हिस्सों मा बरखा ह्व़े. यू बरखा आम और लीची की फसलों ते काफी फायदेमंद च. जेका कारण किसानों का चेहरा मा भी मुस्कान ऐ गी.
