देश मा कोरोना कू आतंक
देश मा कोरोना कू आतंक लगातार बढ्नु च. अब तलक 106750 केस ऐ गिन. जेमा 3303 लोखुं मौत ह्व़े गी. जबकि 42298 लोग ठीक भी ह्व़े गिन.
डब्लूएचओ मा कार्यकारी बोर्ड का अध्यक्ष बणीन डॉ हर्षवर्धन
देश मा स्वास्थ्य मंत्री डॉ हर्षवर्धन डब्लूएचओ का कार्यकारी बोर्ड कू अध्यक्ष चुने गिन. भोल 22 मई का दिन डब्लूएचओ की बैठक होण च. जख डॉ हर्षवर्धन बतौर अध्यक्ष उपस्थित राला.
बस विवाद मा प्रियंका गाँधी और योगी सरकार अमणी समणी
प्रवासी मजदूरों ते बस मुहेया वलु विवाद थमण कू नाम नि लेणु च. आज यूपी का उप मुख्यमंत्री दिनेश शर्मा न बोली कि कांग्रेस की तरपा बटी भेजी गिन 1000 बस मा से 460 बस अनफिट छिन. त जवाब मा प्रियंका गाधीं न बोली कि कांग्रेस पार्टी सिर्फ मजदूरों की मदद कन्न चांदी, और यू वक्त राजनीती कू नि च.
उत्तराखंड मा लगातार बढ़ना छिन कोरोना का मामला
देवभूमि उत्तराखंड मा कोरोना का मामला लगातार बढ़ना छिन. प्रदेश मा आज कोरोना का 9 नया केस समणी एन. जेका बाद प्रदेश मा कोरोना का कुल केस ह्व़े गिन 120.
उत्तराखंड प्रवासियों पर सख्त ह्व़े हाई कोर्ट
अपणु घोर लोटण वला उत्तराखंड प्रवासियों का मामला मा नैनीताल हाई कोर्ट न सख्त रुख अपने. कोर्ट न राज्य सरकार ते रेड जोन बटी आण वला प्रवासियों ते सीमा पर ही क्वारंटाइन कन्नो आदेश दे, जब तक उन्की रिपोर्ट नि ऐ जांदी.
कोरोना केस का बाद 31 मई तलक गैरसैण बाजार बंद
चमोली जिला का गैरसैण का एक गौ मा कोरोना का एक केस ओंणा बाद व्यापार संघ न बडू फैसला ले. एतियात का तौर पर मेडिकल दुकान ते छोड़ीकी सब दुकान 31 मई तक राली बंद.
सड़क हादसा मा एक नौने मौत
गदरपुर का सूरजपुर गौ का पास आज एक सडक हादसा मा एक नौने मौत ह्व़े गी. पुलिस का अनुसार, मौत कू कारण तेज रफ्तार छे. उधर, मोन्न वला का घोर मा पसर्युं मातम.
डम्पर न बाइक ते मारी टक्कर, मेहला की मौका पर मौत
वीरेंद्रनगर बटी सितारगंज आंण दां एक डम्पर न एक बाइक ते पिछने बटी टक्कर मारे ली. जेमा बाइक का पिछने बैठी मेहला मूड़ी गिर गी और डम्पर न वेते कुचली दे. हादसा मा मेहला की मौका पर ही दर्दनाक मौत ह्व़े गी. बते जाणु च कि मोन्न वली मेहला वे बाइक चालके भाभी छे.
जल्द शुरू होलू देहरादून रेलवे स्टेशन कू पुनर्विकास कार्य
लॉक डाउन का कारण बिजा दिन बटी देहरादून रेलवे स्टेशन कू पुनर्विकास कार्य बंद छो. लेकिन अब एमडीडीए न रेलवे स्टेशन मा पुनर्विकास कार्य से जुड़ा सभी काम जल्द शुरू कन्ने तैयारी शुरू करे ली.
ग्राम प्रधान खुद कन्ना छिन प्रवासियों की देखभाल
टिहरी जिला का प्रतापनगर विधानसभा क्षेत्र मा ग्राम प्रधान कोरोना महामारी का दौर मा भलु काम कन्ना छिन. क्वारंटाइन सेंटर मा रोण वला प्रवासियों की देखभाल ग्राम प्रधान बिना सरकारी मदद से खुद ही कन्ना छिन.
