कोरोना का मामला बड़ीकी 78 हजार पार
देश मा कोरोना का केस लगातार बढ़ना छिन. कोरोना संक्रमित लोखुं संख्या 78 हजार का पार पोंछी. वखि, मोन्न वलु की संख्या 2549 ह्व़े गी. जबकि अब तलक 26235 मरीज ठीक ह्व़े गिन.
दिनभरै खास खबर, एक नजर मा. वित्त मंत्री न आज गरीबों ते खोली बजट
वित्त मंत्री निर्मला सीतारमण न आज दुसरू आर्थिक पैकेज कू ऐलान करी. 25 लाख नया किसान क्रेडिट कार्ड जारी, राज्यों ते आपदा फंड का इस्तेमाल कन्नो मंजूरी. शहरी गरीबों ते 11 हजार करोड़ रुपये मदद . इंका अलावा शहरी गरीबों ते शेल्टर होम मा दिए जाणु च तीन टाइमो खाणु.
रेलवे न 30 जून तक कैंसिल करिन यात्री टिकट
रेलवे न आगामी 30 जून तक यात्री ट्रेन पर लगे रोक. सभी पुरनी बुकिंग कैंसिल करिकी सब्यौं ते करी रिफंड. हालांकि श्रमिक और विशेष ट्रेन पर क्वी फर्क नि पड़लु.
आज उत्तराखंड मा कोरोना का 3 नया केस
उत्तराखंड मा कोरोना संक्रमण का मामला लगातार बढ़ना छिन. आज देहरादून मा कोरोना का तीन नया केस समडी एन. इंका साथ ही प्रदेश मा कोरोना का कुल मामला 75 ह्व़े गिन.
हरक सिंह रावते ईटीवी भारत दगड़ी खास बातचीत
वन मंत्री हरक सिंह रावत न करी ईटीवी भारत दगड़ी खास बातचीत. वन मंत्री न बोली कि सरकार लगातार अपनी तरपा बटी लोखुं मदद कन्नी च. उन बोली कि अब तक प्रदेश का रजिस्टर्ड 2 लाख मजदूरों का खाता मा सरकार ट्रांसफर कर चुकी च 2 हजार रुपया.
लोखुं करी बीजेपी विधायके शिकायत
रुड़की का प्रीत विहार कॉलोनी का लोखुं बीजेपी विधायक देशराज कर्णवाल का खिलाफ एसडीएम से शिकायत करी. उन्कू आरोप च कि लॉकडाउन का दौरान विधायके सामाजिक गतिविधि से कोरोना कू गंभीर खतरा च.
1341 लोखुं ते लेकी हरिद्वार पोंछी स्पेशल ट्रेन
आज बेंगलुरु बटी एक स्पेशल ट्रेन उत्तराखंड का लोखुं ते लेकी हरिद्वार रेलवे स्टेशन पोंछी. इं ट्रेन मा 1341 प्रवासी छा. स्टेशन पर पोंछीकि सब्यौं लगे त्रिवेंद्र सरकार जिंदाबाद का नारा.
167 प्रवासी लापता, डीएम का आदेश पर मुकदमा
12 मई का दिन सूरत बटी स्पेशल ट्रेन मा सवार प्रवासियों मा से 167 लोग हरिद्वार बटी गायब. डीएम का आदेश पर सब्यौं का खिलाफ मुकदमा दर्ज. जांच शुरू.
राजस्थान बटी एक नौना साईकिल मा पोंछी नैनीताल
लॉकडाउन मा परेशान लोग बाग़ क्वी मदद न मिन्न से खुद अपना बन्दोबस्त से अपणु घोर पोंछणा छिन. इं कड़ी मा एक नौना भागीरथ अपनी साईकिला मदद से राजस्थान बटी 800 किलोमीटर दूर अपणु घोर नैनीताल पोंछी.
भोल खुल्ला बदरीनाथ धाम का कपाट
15 मई यानी भोल बदरी विशाल का कपाट ब्रह्ममुहूर्त मा सुबेर 4:30 बजी विधि-विधान का साथ खोली जाला. इं दौरान सिर्फ 28 लोखुं ते ही धाम मा होणे अनुमति होली. इं लोखुं मा रावल और देवस्थानम बोर्ड का सदस्य शामिल छिन. बदरीनाथ धाम मा तैयारी पूरी च. धाम ते गेंदा का फूलों से सजे गे.
