पिछला 24 घंटा मा कोरोना का 4200 से ज्यादा केस
देश मा कोरोना वायरस का कारण हालत और ख़राब होण लग्यां छिन. दिन ब दिन कोरोना का मरीजों की संख्या बढनी च. पिछला 24 घंटा मा 4200 से ज्यादा केस ऐ गिन और करीब 100 मरीजों की मौत ह्व़े गी. देश मा कोरोना का अब तलक 67152 केस छिन. 2206 लोग मोर गिन और 20917 लोग ठीक भी ह्व़े गिन.
पीएम न बोली- कोरोना ते गांवों बटी दूर कन्न बड़ी चुनौती
आज प्रधानमन्त्री नरेंद्र मोदी और सभी राज्यों का सीएम का बीच वीडियो कांफ्रेंसिंग का जरिया बातचीत ह्व़े. जेमा देशे अर्थव्यवस्था मा सुधार खुंण चर्चा ह्व़े. पीएम न राज्यों ते सम्बोधित करदी दा बोली कि हम प्रवासी लोखुं की परेशानी समझदा छिन. लेकिन कोरोना ते गांवों बटी दूर कन्न जरुरी भी च और बड़ी चुनौती भी.
भोल बटी यात्री ट्रेन शुरू
भारतीय रेल न आज शाम 6 बजि से शुरू करी बुकिंग. 12 मई बटी चन्न लग जाली यात्री ट्रेन. हालांकि अभी सिर्फ 15 रूट पर ही चलेली ट्रेन. कुल मिलकर राउंड अप मा 30 ट्रेन चल्ली.
गृह मंत्रालय कू आदेश, मेडिकल स्टाफ ते नि होण चेंदी दिक्कत
केंद्र सरकार न सभी राज्यों ते आदेश दें च कि लॉक डाउन का दौरान क्वे भी राज्य मा मेडिकल स्टाफ ते क्वी प्रकारे दिक्कत नि होण चेंदी. किलेकी यन होण से कोविड-19 का खिलाफ जारी जंग और अन्य स्वास्थ्य सेवों पर भी असर पोड़ सकदु.
बाजपुर मा ट्रक ड्राइवर ते कोरोना, मचि हड़कम्प
उधम सिंह नगर जिला का बाजपुर मा एक ट्रक ड्राइवर मा कोरोना की पुष्टि ह्व़े. दरअसल, यू ट्रक चालक पंजाब कू रोण वलु च और बिता 7 मई का दिन वेकु सैंपल लेई छो. रिपोर्ट पॉजिटिव ओना बाद वेते बाजपुर बटी हल्द्वानी कोविड अस्पताल में भर्ती करी. अब उत्तराखंड मा कोरोना मरीजों की संख्या ह्व़े गी 69. जबकि, 46 मरीज ठीक होकर अपणु घोर लौट गिन.