देश मा कोरोना से 24 घंटा का भीतर 73 मौत
देश मा कोरोना कू कहर कम नि होणु च. पिछला 24 घंटा का भीतर देश मा 73 लोखुं की मौत ह्व़े गी. येका साथ ही मौत कू आंकड़ा बड़ीकी पोंछी 1007. संक्रमितों कू आंकड़ा 31 हजार पार.
दिनभरै खास खबर, एक नजर मा. मशहूर बॉलीवुड अभिनेता इरफ़ान खान कु निधन
बॉलीवुड का मशहूर अभिनेता इरफान खान न आज 54 सालक उम्र मा ले अंतिम सांस. वू कैंसर का बीमारी से परेशान छा. प्रधानमन्त्री मोदी समेत देश का कई लोखुं नम आंखो से उन्ते श्रद्धांजली दे.
ऋषिकेश गंगा किनारे इरफ़ान ते मिलदु छो सुकून
इरफान खान कई बार अपनी फिल्मों खुंण उत्तराखंड एन. द्वी साल पेहली करीब करीब सिंगल फिल्मे शूटिंग ते वू ऋषिकेश पोंछी छा. शूटिंग बटी समय निकालिकी वू कई बार मुंड पर टोपी और गौला पर मफलर बांधी घुमन्दा छा. इरफान घंटों-घंटों तलक गंगा का घाटों पर शाम का वक्त बैठा करदा छा.
राशन का बजाय दुल्हन लेकी पोंछी घोर
लॉकडाउन का दौरान गाजियाबाद मा एक अजीब वाकया ह्व़े. घोर बटी सब्जी और राशन ते निकली एक नौना अपणु ते दुल्हन लेकी पोंछी. जेका बाद नौना की मा न द्वीयों ते घोर मा नि घुस्ण दे. फिर पुलिस क हस्तकक्षेप का बाद द्वीयों एक किराया का कमरा पर ले शरण.
शुभ मुहूर्त पर खुलिन केदारनाथ धाम का कपाट
लॉकडाउन का नियमों का बीच आज सुबेर 6.10 पर खुलिन केदारनाथ धाम का कपाट. इं बार धाम का रावल भीमशंकर लिंग उखीमठ मा 14 दिन का क्वांरटाइन पर छिन. जेका बाद उन्कू प्रतिनिधि का तौर पर पुजारी शिवशंकर न खोली मंदिर का कपाट.
प्रधानमंत्री मोदी का नाम पर ह्व़े केदारनाथ मा पेहली पूजा
केदारनाथ धाम का कपाट खुन्ना बाद सबसे पेहली प्रधानमंत्री नरेंद्र मोदी का नाम पर मंदिर मा रूद्राभिषेक पूजा संपन्न ह्व़े. बते दयां कि कोरोना बचाव खुंण इं बार श्रद्धालुओ ते मंदिर मा प्रवेश कन्ने अनुमति नि च. इं बार चारो धामों मा पूजा अर्चना ते कपाट खुन्ना छिन.
त्रिवेन्द्र कैबिनेट बैठक मा कोरोना वॉरियर्स पर फोकस
उत्तराखंड कैबिनेट बैठक मा लिए गिन अहम फैसला. कोविड-19 बटी कोरोना वारियर्स मा रोगप्रतिरोधक क्षमता वृद्धि ते 2 करोड़ 48 लाख रुपये मंजूरी. राज्य मा टेली मेडिसिन और दून हास्पिटल मा ई हॉस्पिटल ते हरी झंडी. साथ ही 30 अप्रैल बटी श्रीनगर मेडिकल कालेज मा कोविड जांचक दे मंजूरी.
किसानों ते 25 प्रतिशत अतिरिक्त सब्सिडी
त्रिवेन्द्र सरकार न लॉक डाउन का बीच किसानों ते दे राहत. खरीफ फसल और बीज मा मिन्न वली सब्सिडी का अलावा अतिरिक्त 25% सब्सिडी पर लगी मुहर. साथ ही रुद्रपुर, हरिद्वार और पिथौरागढ़ मेडिकल कालेज मा 5-5 पदों की स्वीकृति.
कोरोना केस का बाद ऋषिकेश मा तीन गली सील
ऋषिकेश मा कोविड-19 का 4 केस ओंणा बाद स्वास्थ्य विभाग मा हडकंप च. टीम न ऋषिकेशे आवास विकास कॉलोनी की रोण वलि नर्स मा कोरोना संक्रमणए पुष्टि का बाद इलाका मा तीन गलियों ते करी सील.
कोरोना वॉरियर्स कू सम्मान करली उत्तराखंड पुलिस
वैश्विक महामारी कोविड-19 का खिलाफ जंग मा महत्वपूर्ण भूमिका निभोंण वला कोरोना वॉरियर्स ते सम्मान करली उत्तराखंड पुलिस. ईटीवी भारत ते मिली एक्सक्लूसिव जानकारी का मुताबिक 30 अप्रैल 2020 गुरुवार बटी हरदिन एक पुलिसकर्मी और एक जनता बटी चुणी बेस्ट कोरोना वॉरियर ते दिए जालू प्रशस्ति पत्र.
