देश मा कोरोना कू कहर जारी, अब तक 507 लोखुं की मौत
देश मा कोरोना कू कहर जारी च. आज दिल्ली मा डेढ़ माह के मासूमे मौत. वखि, भोपाल मा नौ माह बच्ची कोरोना संक्रमित. देश मा कोरोना पीड़ितों की संख्या पोंछी 15712, कुल 2231 मरीज हव्या ठीक त 507 लोखुं की मौत.
उत्तराखंड मा कोरोना मरीजों की संख्या पोंछी 42
उत्तराखंड मा भी कोरोना कू कहर जारी च. प्रदेश मा कोरोना मरीजों की संख्या 42 पोंछी. आज शनिवार का दिन रुड़की बटी द्वी कोरोना मरीज ऐ समणी. हालांकि इं बीच प्रदेश मा कोरोना संक्रमित 9 लोग हव्या ठीक.
लॉकडाउन का दौरान मजदूरों ते आवाजाही मा नि मिलेली छूट
देश का गृह मंत्रालय न आज सख्त आदेश दे. बोली कि कोरोना संक्रमण का मद्देनजर लॉक डाउन का दौरान मजदूरों ते भी आवाजाही की नि मिलेली मंजूरी. तब तलक राज्य सरकार ही उ मजदूरों कु खानों ख्याल रखली.
20 अप्रैल का बाद सिर्फ जरुरी सामानों की हो सकली ऑनलाइन बिक्री
केंद्र सरकार न यू भी स्पष्ट करी कि गैर जरुरी सामानों की बिक्री अब लॉकडाउन खत्म होण बाद ही मिलेली मजूरी. इंसे पेहली सरकार न ई-कॉमर्स कंपनियों ते 20 अप्रैल का बाद गैर जरुरी सामानों की बिक्री कन्नो आदेश दे छो. जे आदेश ते अब सरकार न वापस ले ली.
कोरोना का 80 फीसदी मामला देहरादून, हरिद्वार और नैनीताल मा
उत्तराखंड मा सरकार की चुनोती कम होणो नाम नि होणी च. सबसे बड़ी चिंता का कारण देहरादून, हरिद्वार और नैनीताल जिला छिन. किले कि यख ही छिन प्रदेश का 80 प्रतिशत कोरोना पॉजिटिव केस. त अब सरकार न देहरादून का बाद हरिद्वार और नैनीताल जिला ते भी रेड जोन घोषित करेली.
केदारनाथ पोंछिन रावल, स्वास्थ्य परीक्षण का बाद एकांतवास ते रवाना
केदारनाथ का रावल 1008 जगतगुरू भीमाशंकर लिंग पोंछिन केदारनाथ का शीतकालीन गद्दीस्थल उखीमठ. वू बिजा दिन बटी महाराष्ट्रका नादेंड मा अपना सेवकों का साथ एकांतवास मा छा. आज उन्कू स्वास्थ्य परिक्षण ह्व़े, जेका बाद वू एकांतवास ते निकली गिन. फ़िलहाल वू एकांतवास मा ही राला.
नैनीताल का प्रसिद्ध भवाली चाय बागान मा सन्नाटा
कोरोना वायरस का कारण देश भर मा कोहराम मच्यु च. जेका जद मा नैनीताल का प्रसिद्ध भवाली चाय बागान भी ऐ गी. आजकल पर्यटक सीजन का दौरान यख चाय का बागान देखणों हजारों पर्यटक ओंदा छिन. लेकिन लॉक डाउन का कारण यख भी सन्नाटा पसर्यु च.
सफाई कर्मचारियों ते मास्क न मिन्न पर होली कारवे
देहरादून मा एक बार फिर ईटीवी भारते खबर कु असर ह्व़े. हमन दिखे छो कि बिना मास्क का सफाई कर्मचारी काम कन्नो मजबूर छिन. त अब मेयर न खबर कु संज्ञान ले और सफाई कर्मचारियों ते पर्याप्त मास्क उपलब्ध कन्नो आदेश दे. क्वी भी चूक पर नगर निगम का सुपरवाइजर पर होली कारवे.
निहंग सिखों पर आपत्तिजनक टिप्पणी, आरोपी का खिलाफ कारवे मांग
पंजाब का पटियाला मा पुलिस पर ह्व़े हमला का बाद एक आदिम न सोशल मीडिया पर सिखों का खिलाफ आपत्तिजनक टिप्पणी करी. जैसे नाराज हव्या गदरपुर का सिख समाज. उन थाना पोंचिकी आरोपी का खिलाफ कारवे की मांग करी.
सात साले नौनी अपनी कविता का जरिया देणी च खास सन्देश
कोरोना वायरस का कारण देश भर का लोग लॉकडाउन का कारण अपणु घोर मा कैद छिन. इं बीच श्रीनगर गढ़वाले एक नौनी आध्या भट्ट न एक क्रिएटिव काम करी. यू नौनी अपनी कविता का जरिया लोखुं ते कोरोना का खिलाफ जागरुक कन्नी च.
