अपणुं उत्तराखंडः दिनभरै खास खबर, एक नजर मा

दिनभरै खास खबर, एक नजर मा

भारत मा लगातार बढ़ण लग्यु चा कोराना वायरस कू संक्रमण, महाराष्ट्र और पश्चिम बंगाल मा कोरोना का नया केस एनि समणि, कोरोना पॉजिटिव लोगों की संख्या पहुंची 151, जैमा 126 भारतीय और 25 विदेशी छिन शामिल, एहतियात का तौर रद्द किए गिन कई ट्रेन. अभीतक भारत मा तीन लोगों की मौत.

राज्य सरकार का तीन साल पूरु हुण पर सीएम त्रिवेंद्र सिंह जनता से हुइन मुखातिब, विकास पुस्तिका कू भी करि विमोचन, गैरसैंण थै ग्रीष्मकालीन राजधानी और चारधाम देवस्थानम बोर्ड गठन थै बताई सरकार की उपलब्धि.

अपण संबोधनम सीएम त्रिवेंद्रन बोली कि भ्रष्टाचार पर लगाम लगाण पर राज्य सरकारन पेश करि नजीर, एनएच-74 घोटाला का आरोपियों थै भेजी जेल, 1905 शिकायत प्रकोष्ठ कू भी करि गठन.

वखि कांग्रेसन त्रिवेंद्र सरकार का तीन साल का कार्यकाल थै बताई विफल, कांग्रेस प्रदेश अध्यक्ष प्रीतम सिंहन त्रिवेंद्र सरकार पर बोली जमकर हमला, प्रीतम सिंहन बोली कि विधानसभा चुनाव मा कियां वादा भी नि ह्विन पूरा.

उत्तराखंड मा दुशासन की सरकार: स्वामी शिवानंद

गंगा की अविरलता और निर्मलता का बाना अनशन मा बैठयां मातृसदन का प्रमुख स्वामी शिवानंदन त्रिवेंद्र सरकार पर थै बताई दुशासन की सरकार, राज्य सरकारक तीन साल थै बताई निराशजनक, बोली- त्रिवेंद्र सिंहा का कार्यकाल मा ही ज्ञान स्वरूप सांनद की ह्वे छाई मौत.

जनरल ओबीसी कर्मचारियों की अनिश्चितकालीन हड़ताल का समणि छुकी उत्तराखंड सरकार, प्रमोशन मा आरक्षण से करि खत्म, साथ ही राज्य सरकारन पदोन्नति मा लगी रोक थै भी हटाई, जैका बाद जनरल ओबीसी कर्मचारियों ना अपणि हड़ताल करि स्थगित, अब सरकारी कर्मचारियों थै कि योग्यतक आधार पर ही प्रमोशन दिये जालु.

पीएम मोदिक ड्रीम प्रोजेक्ट ऋषिकेश-कर्णप्रयाग रेल लाइन पर तेज से चनु च काम, योग नगरी मा बढ़ वला नै रेलवे स्टेशन कू उत्तर रेलवे का मुख्य सुरक्षा आयुक्त शैलेंद्र पाठकन करि निरीक्षण, बोली- जल्द रेलवे स्टेशन मा शुरू ह्वे जालि ट्रेनों की आवाजाही.

देहरादून डीएम थै कोर्ट मा पेश हुणा कू आदेश

देहरादून मा नियम विरुद्ध संचालित हुण वला स्लाटर हाउस का मामला मा नैनीताल हाईकोर्ट ना अपनाई सख्त रुख, 23 मार्च का दिन डीएम थै व्यक्तिगत रूप थै कोर्ट मा पेश हुणा कू दै आदेश.

कोरोना वायरस का खतरा का मद्देनजर भगवान शिव का सिद्ध पीठ नीलकंठ महादेव मंदिर थै 31 मार्च तक किये ग्या बंद, वखि त्रिवेणी घाट पर प्रतिदिन हुण वलि गंगा आरती भी अनिश्चितकाला खुण स्थगित, एहतियात का तौर पर लिये ग्या फैसला.

ऋषिकेश एम्स मा सजायाफ्ता कैदी ना इलाज का दौरान तोड़ी दम, द्वि दिन पेलि सुद्दोवाला जेल में केदियों बीच ह्वे छाई खूनी संघर्ष, मृतक ज्ञानचंद दुष्कर्म और पोक्सो एक्ट में ह्वे छै जेल.