भारत-अमेरिका का बीच 3 अरब डॉलर कू रक्षा सौदा पर बनी सहमति
द्विपक्षीय वार्ता का बाद प्रधानमंत्री नरेंद्र मोदी और अमेरिकी राष्ट्रपति डोनाल्ड ट्रंप का बीच 3 अरब डॉलर कू रक्षा सौदा पर बनी सहमति. द्वियूंन अपणा साझा बयान भी जारी करि. ट्रंप न बोलि कि रक्षा क्षेत्र मा ह्वे डील से द्वी देशों मा दोस्ती ह्वे और भी गहरी. द्वी देशों मा ऊर्जा का क्षेत्र मा सहयोग कू लेकर भी चर्चा भी ह्वे.
मेलानिया कू दिल्ली मा सरकारी स्कूल कू दौरा
अमेरिका की प्रथम मेहला और डोनाल्ड ट्रंपे ब्वारी मेलानिया ट्रंप कू नई दिल्ली मा नानकपुरा का सर्वोदय को एड सीनीयर सेकेंडरी स्कूल कू दौरा. मेलानिया न सरकारी स्कूल मा बच्चों से करि मुलाकात. छात्रों से ह्वें रू-ब-रू. कई कार्यक्रमों मा करि शिरकत.
बेडू पाको का धुन पर ह्वे मेलानिया कू स्वागत
अमेरिका का राष्ट्रपति डोनाल्ड ट्रंपे ब्वारी मेलानिया पौंछी छे नई दिल्ली का सरकारी स्कूल मा. इं दौरान ऊंकों स्वागत बच्चोंन गढ़वाली गीत बेडू पाको बारा मासा का धुन से करि. बते द्यां कि गढ़वाल का प्रसिद्ध लोकगायक नरेंद्र सिंह नेगी कू प्रसिद्ध गीत च बेडू पाको बारा मासा. बेडू पाको का धुन का बीच बच्चोंन मेलानिया कू स्वागत करि और ऊंते तिलक भी लगे.
दिल्ली हिंसा मा अब तक दस आदिमों की मौत
नागरिकता संशोधन कानून (CAA) खुंण उत्तर पूर्वी दिल्ली मा हिंसा जारी, जाफराबाद और मौजपुर समेत कई इलाकूं मा लगातार दूसरा दिन हिंसा का बाद बवाल. आज भगनपुरा मा ह्वे पथराव. दिल्ली हिंसा मा अब तक दस आदिमों की मौत.
सुब्रमण्यम स्वामिन अपणा ही सरकार का खिलाफ खोली मोर्चा
भाजपा का वरिष्ठ नेता और राज्यसभा सांसद सुब्रमण्यम स्वामिन अपणी ही सरकार मोदी सरकार का खिलाफ खोली मोर्चा. बोली- देशा मा गिन्नी च विकास दर. आंण वला वक्त मा देश ते भारी खतरा. डोनाल्ड ट्रंप का दौरा बाद प्रधानमंत्री मोदी ते लेंण चेंदू बडू फैसला.
भाजपा कार्यालय मा एक बार फिर लगलू जनता दरबार
लंबा समय बाद एक बार फिर प्रदेशे बीजेपी सरकार अपणा कार्यालय मा लगाली जनता दरबार. सरकारे कवायद शुरू. सीएम त्रिवेंद्र सिंह रावतन अपणां मंत्री और विधायकों ते दे निर्देश. आपते मालूम होलू कि सत्ता पर काबिज होंणा बाद त्रिवेंद्र सरकारन शुरू करि छे जनता दरबार. पर कुछ समय बाद ही यू कार्यक्रम ह्वे गी छो ठप.
देवस्थानम् बोर्ड का बाद सुधर जाली व्यवस्था
चार-धाम देवस्थानम बोर्ड खुंण मुख्यमंत्री त्रिवेंद्र सिंह रावत कू बडू बयान. चौतरफा विवाद का बीच सीएम रावतन बोली कि देवस्थानम् बोर्ड ओंणा बाद चार धाम यात्रा की व्यवस्था मा ओलू सुधार. वखि बीजेपी सांसद सुब्रमण्यम स्वामी का देवस्थानम् बोर्ड खुंण हाई कोर्ट मा डाली याचिका पर सीएम न बोली कि अभी तक कोर्ट बटिं नि ए क्वि स्टे.
पूर्व कमिश्नर का नौना न पेहली मारी मां फिर करि खुदकुशी
आज राजधानी देहरादून मा डबल मर्डर से मचि सनसनी. नशा का लत पूरा कन्नो पूर्व कमिश्नर का एक नौन न पेहली अपणि मां ते गोली मारकर उतारी मौत का घाट. फिर खुद ते गोली मारकर करि खुदकुशी. वारदात का बाद इलाका मा हड़कंप. पुलिस टीमे जांच शुरू.
अब ऑनलाइन होली वन दरोगे परीक्षा
वन दरोगा भर्ती पेपर लीक मामला का बाद अधिनस्थ सेवा चयन आयोग ह्वे सतर्क. अब छह मेहना का अंतराल का बाद ऑनलाइन परीक्षे तैयारी मा आयोग. आयोग ते यकीन च कि ऑनलाइन पेपर से पेपर और ओमआर शीटे लीक होंण संभावना ह्वे जाली समाप्त. बते द्यां कि वन दरोगा भर्ती परीक्षा कू पेपर ह्वे छो लीक. जेका कारण कई युवा सड़क पर उतरिन और सरकार का खिलाफ प्रदर्शन भी करि छो. हालांकि ये मामला मा एसआईटी जांच जारी च.
राजधानी मा स्वाइन फ्लू की दस्तक, आठ मरीज मिलिन
कोरना वायरस का बाद उत्तराखंड मा स्वाइन फ्लू की दस्तक. उत्तराखंड स्वास्थ्य विभागन जारी करि अलर्ट. स्वास्थ्य विभाग ह्वे चौकन्ना. अब तक राजधानी देहरादून मा आठ आदिमों ते ह्वे स्वाइन फ्लू.
यात्रा पड़ावों पर तीर्थयात्रियूं की करे जाली अतिरिक्त व्यवस्था
केदारनाथ धाम मा यात्रियूं की बढ़ती संख्या का मद्देनजर रुद्रप्रयाग जिला प्रशासन कू बडू कदम. अब बणें जाली टैंट कॉलोनी. जेमा द्वी हजार से ज्यादा तीर्थयात्रीयूं की करे जाली अतिरिक्त व्यवस्था. इंका अलावा यात्रा पड़ावों पर तीर्थयात्रियूं की करे जाली अतिरिक्त व्यवस्था. जिला प्रशासन का अनुसार, इं साल गौरीकुंड बटिं केदारनाथ धाम का बीच 11 हजार तीर्थयात्रियूं की रौंणे व्यवस्था करे जाली.
