अपणुं उत्तराखंडः दिनभरै खास खबर, एक नजर मा

अपणुं उत्तराखंड मा देखा, दिनभरै खास खबर, एक नजर मा

शाहीन बाग का प्रदर्शनकारियूं कू मार्च ह्वे वापस

शाहीन बाग का प्रदर्शनकारियूंन वापस ले अपणुं मार्च, द्विपहर द्वी बजि शाहीन बाग बटिं गृह मंत्री अमित शाह का घौर ते निकला छा प्रदर्शनकारी, पर बीचम पुलिस अधिकारियूं का साथ बातचीत का बाद वापस लौटिन प्रदर्शनकारी.

मंत्रियूं साथ दिल्ली रवाना ह्वयां सीएम

प्रदेश मा राजनीतिक अस्थिरता का बीच चर्चा जोरों पर, अपणां मंत्री और विधायकूं का साथ सीएम त्रिवेंद्र सिंह रावत दिल्ली रवाना, वखि उत्तराखंड भाजपा की सफै- सीएम त्रिवेंद्र ते दिल्ली मा शक्ति प्रदर्शने की नि च जरूरत.

केंद्रीय मंत्री निशंकन दे संकेत

हरिद्वार में एक कार्यक्रम मा पौंछा केंद्रीय मानव संसाधन विकास मंत्री रमेश पोखरियाल निशंक, उत्तराखंड मा नेतृत्व परिवर्तन पर तोड़ी चुप्पी. बोली- मिन हर बार मानी पार्टी कू फैसला, अग्ने भी मणलू.

तीसरी बार केजरीवाल सरकार

दिल्ली मा तीसरी बार बणें केजरीवाल सरकार, दिल्ली का रामलीला मैदान मा अरविंद केजरीवालन अपणां नया मंत्रियूं का साथ ले पद और गोपनीयते शपथ.

गोपाल रायन आजादी का शहीदूं का नाम पर ले शपथ

दिल्ली का रामलीला मैदान मा दिखी गजब नजारा, केजरीवाल कैबिनेट का मंत्री गोपाल रायन ईश्वर का बजाय, आजादी का वीर शहीदूं का नाम लेई मंत्रिपदे शपथ.

पंडित दीन दयाले प्रतिमा कू अनावरण

अपणुं संसदीय क्षेत्र वाराणसी मा प्रधानमंत्री मोदिन 63 फीट ऊंची दीन दयाले प्रतिमा कू करि अनावरण, इन मौका पर पीएमन बोली कि राष्ट्र सत्ता से नि, संस्कृति और संस्कारों से होंदू सृजित.

गुजरात दौरा पर आरएसएस प्रमुख मोहन भागवत

अहमदाबाद दौरा पर आरएसएस प्रमुख मोहन भागवत, बोली, लगातार बढ़ढूं च भौतिक सुख, फिर भी आंदोलन कन्न लग्यां छन लोग.

देश विरोधी नारा का आरोप मा कश्मीरी छात्रूं की धुनै

कर्नाटक का हुबली मा तीन कश्मीरी छात्रों की धुनै कू वीडियो वायरल, इं छात्रूं पर पुलवामा हमला की बरसी का दिन देश विरोधी नारा लगौंणों आरोप.

जामिया हिंसा पर पुलिसे बर्बरता ए समणिं

जामिया हिंसा का दौरान दिल्ली पुलिसे बर्बरता कू वीडियो ए समणिं, कॉलेजे लाइब्रेरी मा पढ़्न वला छात्रूं पर लाठी मंणदा पुलिस वला अयां नजर.

कांग्रेसन त्रिवेंद्र सरकार ते लताड़ी

पीसीसी चीफ प्रीतम सिंह का नेतृत्व मा कांग्रेस कू त्रिवेंद्र सरकार पर हमला, मेंहंगै और किसानों का बकाया भुगतान पर राज्य सरकार ते लगे लताड़.

अंतररार्जीय बस अड्डा कू रास्ता साफ

हल्द्वानी मा बंण वला अंतररार्जीय बस अड्डा कू रास्ता ह्वे साफ, अड़चन बंण वला वन विभाग ते राज्य सरकारन हरिद्वार मा उपलब्ध करे वन भूमि.

15 करोड़ श्रद्धालुओं खुंण मेला क्षेत्र विस्तार ते ग्रीन सिग्नल

हरिद्वार महाकुंभ मा 15 करोड़ श्रद्धालुओं खुंण मेला क्षेत्र विस्तार पर ले गे फैसला, इसका साथ ही 9 अधिक सेक्टरूं कू भी होलू निर्माण.

कुंभे तैयारी पर सीएम कू बयान

हल्द्वानी पोंछ्या सीएम त्रिवेंद्र सिंह रावतन हरिद्वार महाकुंभ पर दे बयान, बोली कि वू हरिद्वार कुंभे तैयारियूं सि छन संतुष्ट.

बीजेपी कार्यकर्तों की सीएमे मुलाकात

एक दिवसीय दौरे पर उधम सिंह नगर पोंछ्या मुख्यमंत्री त्रिवेंद्र सिंह रावत, कार्यकर्तों संग संवाद कार्यक्रम मा ले हिस्सा.

नकल विहीन बोर्ड परीक्षा खुंण प्रशासने तैयारी पूरी

उत्तराखंड मा बोर्ड परीक्षों ते नकल विहीन बणोंणे प्रशासनन पुख्ता करि इंतेजाम, परीक्षा केंद्रूं पर विशेष निगरानी खुंण ह्वे टीमूं तैनाती.

जसप्रीत हत्याकांड खुलासा का करीब पुलिस

पांच दिन पेली मेहले अर्धनग्न लाश मिन्न मामला मा पुलिस का हाथ लगिन अहम सुराग, जल्द ह्वे सकदू बड़ा खुलासा.

छात्रवृत्ति घोटाला मा एसआईटी की बड़ी कार्रवै

बहुचर्चित छात्रवृत्ति घोटाला मामला मा एसआईटी की बड़ी कार्रवै, अल्पाइन कॉलेज ऑफ मैनेमेंट एंड टेक्नोलॉजी कू संचालक अनिल सैनी देहरादून बटिं गिरफ्तार, भेजी गे जेल.

खेत मा मिली नवजात

काशीपुर मा गेंहू का खेतूं मा पड़ी मिली नवजात, अस्पताल मा कैरि गै भर्ती, डॉक्टरूं की निगरानी मा शिशु पूरी तरह स्वस्थ, वखि पुलिसे जांच ह्वे शुरू.

चोरी का आरोप मा द्वा आदिम गिरफ्तार

जसपुर मा घौर का ताला तोड़ीकी चोरी की वारदात कन्न वला द्वी आरोपी गिरफ्तार, पुलिसन आरोपियूं ते कोर्ट मा पेश कन्ना बाद भेजी जेल.

दूल्हा-दुल्हन न खै पर्यावरणे कसम

रुड़की मा नवविवाहित जोड़ान खै पर्यावरणे कसम, विदाई से पेहला दूल्हा और दुल्हनन साथ मिलिकी करि पौधारोपण.