दिल्ली विधानसभा चुनावे वोटिंग संपन्न, अब फैसला कू इंतजार
दिल्ली विधानसभा चुनाव खुंण 70 विधानसभा सीटों ते वोटिंग संपन्न, आम से लेकर खास लोखूंन करि अपणुं मत का प्रयोग, सुबेर 8 बजे बटिं शाम 6 तक ह्वे मतदान, इ बार बेहद कम ह्वे वोटिंग. अब दिल्ली का लोखूं ते 11 फरवरी कू इंतजार, इसी दिन मतगणना और रिजल्ट भी.
अपणुं उत्तराखंड मा देखा, दिनभरै खास खबर
अलका लांबान आप कार्यकर्ता ते थप्पड़ मन्ने करि कोशिश
कांग्रेस उम्मीदवार अलका लांबान आप कार्यकर्ता ते थप्पड़ मन्ने करि कोशिश, जैका बाद आप सांसद संजय सिंहन बोली कि पार्टी चुनाव आयोग से करली शिकायत, अलका पैली आम आदमी पार्टी की ही सदस्य थी, अलका कू आरोप कि आम आदमी पार्टी का एक सदस्यन ऊं पर अभद्र टिप्पणी करि छे, उधर, सीएम अरविंद केजरीवाल का हनुमान मंदिर जांण पर बीजेपी सांसद मनोज तिवारिन ऊं पर धर्म का नाम पर राजनीति कन्नो लगे आरोप.
प्रमोशन मा आरक्षण खुंण सुप्रीम कोर्टन उत्तराखंड सरकार ते दे राहत
प्रमोशन मा आरक्षण पर सुप्रीम कोर्टन उत्तराखंड सरकार ते दे राहत, बोली- ये मा राज्य सरकार अपणुं विवेक से ले सकदी फैसला, कोर्टम न्यायालय मा रखि छे तर्क कि संविधान का अनुच्छेद 16(4-ए) का तहत प्रदेश सरकार आरक्षण देंण और न देंण पर च स्वतंत्र, कोई भी कोर्ट वेते प्रमोशन मा आरक्षण लागू कन्नो नि दे सकदी आदेश.
बाल-बाल बचिन भाजपा प्रदेश अध्यक्ष बंशीधर भगत
उत्तरकाशी जांदा वक्त भाजपा प्रदेश अध्यक्ष बंशीधर भगत बाल-बाल बचिन, सुबेर 10 बजे बर्फबारी का कारण ऊंकी कारक संतुलन बिगड़ी गे, कार मुख्य मार्ग बटिं भटक कर खाई मा गिन्न वलि छे, बड़ी मुश्किल से कार चालकन पेड़ से टकराकर रोकी कार, जेका बाद सुरक्षाकर्मी और स्थानीय विधायक गोपाल रावतन अपणी कार से अध्यक्ष बंशीधर भगत ते सुरक्षित उत्तरकाशी पौंछे, वेका बाद ऊंन उत्तरकाशी मा पूर्व निर्धारित कार्यक्रम मा शिरकत करि.
बागेश्वर मा भूकंप, डोली धरती
उत्तराखंड का गढ़वाल और कुमाऊं के कई इलाकूं मा आज सुबेर महसूस किए गिन भूकंप का झटका, भूकंप कू केंद्र बागेश्वर जिला का गोगिना में छौ, वखि बागेश्वर मा भूकंपा झटका से एक मकान क्षतिग्रस्त ह्वे गि, फिलहाल जनहानि की नि मिली क्वि सूचना, 4.7 रिएक्टर पैमाना मा मापी गे भूंकंपे तीव्रता.
देहरादून रेलवे स्टेशन बटिं आवाजाही शुरू
तीन माह का लंबा इंतजार का बाद शनिवार बटिं देहरादून रेलवे स्टेशन बटिं शुरू ह्वे गे ट्रेने आवाजाही, शुक्रवार ते एडीआरएम का नेतृत्व मा मुरादाबाद बटिं निरीक्षण न्नों पौंछि इंजीनियरे टीम, टीमन स्टेशन और ट्रैक ते पूरी तरह ठीक बते, आपते मालूम होलू कि इं बार देहरादून रेलवे स्टेशन पर पांच और तीन नंबर पर द्वी नया प्लेटफार्म भी बणें गिन. रेलवे स्टेशन पर पुल निर्माण, शेड बदलाव, पाणि खुंण नयू वाटर सिस्टम और साज-सज्जा कू भी काफी काम व्हे.
सीएम त्रिवेंद्रन हेली सर्विस ते दे हरी झंडी
चमोली जिला का गौचर और उत्तरकाशी जिला का चिन्यालीसौंण खुंण शनिवार बटिं हेली सर्विस शुरू करि गे, मुख्यमंत्री त्रिवेंद्र सिंह रावतन सहस्त्रधारा हेलीपैड बटिं हैरिटेड एविएशन कंपनी का माध्यम से संचालित हेली सेवा ते हरी झंडी दिखेके करि शुभारंभ, इं दौरान सीएम रावतन बोली कि प्रदेश का अन्य जनपदों ते भी हेली सर्विस से जोड़ी जालू, ये वास्ता सरकार लगातार प्रयासरत च, सरकारक इ पहल से पर्यटक ते मिलेलू बढ़ावा, साथ ही पर्यटकों और स्थानीय लोखूं ते सस्ती दरों पर हेली सर्विस भी उपलब्ध होली.
बर्फबारी मा फंसिन यात्रियूं ते पौंछे गे बड़कोट
उत्तरकाशी जनपद मा बर्फबारी से दुश्वारियां कम नि होंणि च, शुक्रवार रात जनपद का ऊंचे वला इलाकूं मा एक बार फिर बर्फबारी होंण से राड़ी टॉप मा यात्री फंसगिन, दरअसल, एक वाहन मा सवार नौ आदिम बर्फबारी का कारण रास्ता मा ही फंस गिन, जेका बाद ऊंते काफी दिक्कतों कू सामना कन्न पड़ी, ऊंते एसडीआरएफ की टीमन रेस्क्यू कर बड़कोट तक पौंछे.
चार दिवसीय नेशनल स्कीइंग एंड स्नोबोर्ड चैंपियनशिप कू आगाज
औली मा चार दिवसीय नेशनल स्कीइंग एंड स्नोबोर्ड चैंपियनशिप कू आगाज ह्वे गि, चैंपियनशिप कू शुभारंभ मुख्यमंत्री त्रिवेंद्र सिंह रावत और पर्यटन मंत्री सतपाल महाराजन करि. चैंपियनशिप मा भाग लन्नो शुक्रवारे दिन तक देशभर का 10 टीम औली पौंछि गिन, इ चैंपियनशिप मा 293 खिलाड़ि प्रतिभाग कल्ला.
राजधानी मा पारा गिरी, बढ़ी ठंड
राजधानी देहरादून और आसपास का इलाकूं मा शीतलहर कू भारी प्रकोप, शुक्रवार रात राजधान मा न्यूनतम तापमान 4.5 डिग्री रे, यू पिछला पांच सालों मा फरवरी कू सबसे कम तापमान भी च, येसे पेली साल द्वी हजार 15 मा पारा 4.1 डिग्री पौंछ गि छौ, मौसम विभाग का अनुसार, तापमान मा करीब आधा डिग्री और कमी रेंणे आशंका.
