सांसद अधीर रंजन का विवादित बोल, हंगामा
लोकसभा मा सांसद अधीर रंजन का विवादित बोल, बीजेपी ते बते रावणें संतान, जमकर ह्वे हंगामा, स्पीकर ओम बिरलान अधीर रंजन की टिप्पणी ते कार्यवाही बटे हटे.
अजय भट्टन संसद मा उठे जवान राजेंद्र सिंह कू मुद्दा
संसद का कार्यवाही का दौरान नैनीताल-उधमसिंह नगर बटिं बीजेपी सासंद अजय भट्टन उठे जवान राजेंद्र सिंहे मुद्दा, सरकार से राजेंद्र सिंहे जानकारी उपलब्ध करोंणे करि मांग, आपते मालूम होलू कि जवान राजेंद्र सिंह बीता 8 जनवरी बटिं जम्मू कश्मीर का गुलमर्ग बटिं ह्वयां छन लापता. तब तक ऊंकी नि मिली क्वी खबर.
शाहीन बाग मा प्रदर्शन जारी
दिल्ली का शाहीन बाग मा सीएए का खिलाफ प्रदर्शन ते ह्वे 52 दिन, इलाकूं मा बढ़े गे सुरक्षा-व्यवस्था.
केरल मा राज्य आपदा घोषित
केरल मा कोरोना वायरस कू कहर, प्रदेश सरकारन घोषित करि 'राज्य आपदा', केरल का स्वास्थ्य मंत्री KK शैलजान दे जानकारी.
कोरोना वायरस से अब तक 425 लोखूं मौत
चीन मा कोरोना वायरस कू कहर जारी, सोमवार का दिन व्हे 64 लोखूं मौत, मौत कू आंकड़ा पहुंची 425.
फेड कप टेनिस प्रतियोगिता टली
चीन मा कोरोना वायरस कू प्रकोप जारी, जैका बाद तीन सप्ताह खुंण टली फेड कप टेनिस प्रतियोगिता, डोंगुआन में भोल बटिं शुरू होंण छे प्रतियोगिता.
आम आदमी पार्टिन जारी करि घोषणा पत्र
दिल्ली विधानसभा चुनाव खुंण आम आदमी पार्टिन जारी करि अपणुं घोषणापत्र, दुनिया कू सबसे बडू मेट्रो नेटवर्क कू वादा, यमुना नदि का किनारा बणोंला पर्यटक स्थल.
यमुना नदि मा सफै की गारंटी
आम आदमी पार्टिन यमुना नदी ते साफ कन्नों ले संकल्प, द्वी करोड़ से ज्यादा पेड़ लगोंणे वादा, सीएम अरविंद केजरीवालन बीजेपी ते देयी सीएम कैंडिडेट उतन्ने चुनौती.
आंगनबाड़ी वर्करों का समर्थन मा उतरिन हरदा
बिजां दिनों बटिं आंदोलनरत आंगनबाड़ी वर्करों का समर्थन मा उतरिन पूर्व मुख्यमंत्री और कांग्रेस का वरिष्ठ नेता हरीश रावत, सीएम त्रिवेंद्र सिंह रावत से करि मुलाकात, आंगनबाड़ी वर्करों की समस्या खुंण करि चर्चा.
संदिग्धे गिरफ्तारी का बाद रुड़की पुलिस पर उठिन सवाल
खालिस्तान लिबरेशन गैंग का सदस्य आशीष गगुनी की गिरफ्तारी का बाद रुड़की पुलिस पर उठिन आरोपी ते शह देंणों आरोप, पुलिस मुख्यालय बटिं शुरू ह्वे गोपनीय जांच, आरोप सही साबित होंण पर आरोपी पुलिसकर्मियूं का खिलाफ ह्वे सकदि कठोर कार्रवाई.
बीएसएनएल कर्मचारियूं की अनिश्चितकालीन हड़ताल शुरू
बीएसएनएल का कर्मचारियूं शुरू करि अनिश्चितकालीन हड़ताल, कर्मचारियूं ते 10 मैंहना बटिं नि मिली तन्खा, बिना तन्खा हटे गिन 50 फीसदी कर्मचारी.
नवनियुक्त बीजेपी जिलाध्यक्ष पौंछिन प्रतापनगर
टिहरी का नवनियुक्त बीजेपी जिलाध्यक्ष विनोद रतूड़ी पौंछिन प्रतापनगर, पार्टी कार्यकर्तोंन करि जोरदार स्वागत.
एम्स मा खोली जालू रिसर्च सेंटर
ऋषिकेश एम्स मा आयुष विभागन मांइड बॉडी मेडिसिन विषय पर शुरू करि कार्यशाला, रिसर्च बढोंढों ते खोली जालू सेंटर.
तहसील दिवस पर नि पौंछिन अधिकारी, ग्रामीण नाराज
तहसील दिवस पर अधिकारियों का नि पौंछ्ड़ से फरियादियूं मा भारी नाराजगी, तहसील परिसर मा करि नारेबाजी, तहसीलदारन प्रदर्शनकारियूं ते लगे फटकार.
सड़क निर्माण मा धांधली कू आरोप
पिथौरागढ़ जिला मा सड़क निर्माण मा धांधली का आरोप, नाराज ग्रामीणूंन डीएम ऑफिस मा करि प्रदर्शन, अधिकारियूं से करि मामला मा जांच करोंणे मांग.
अतिक्रमणकारियूं पर के गे कार्रवाई
उधम सिंह नगर मा एनएच 74 का इंद्रा चौक का पास से जिला प्रशासन का टीमन करि अतिक्रमणकारियों का खिलाफ कार्रवै, एक दर्जन दुकानों बटिं हटे अतिक्रमण.
मिनि स्टेडियम कू शिलान्यास
कैबिनेट मंत्री अरविंद पांडेयन कालाढूंगी मा करि मिनी स्टेडियम कू शिलान्यास, 97 लाख 13 हजार रुपया मा बणंलू स्टेडियम.
पलायन कू मजबूर ह्वयां ग्रामीण
अल्मोड़ा मा मूलभूत सुविधों का अभाव से पलायन खुंण मजबूर ह्वयां ग्रामीण, जिलाधिकारी नितिन भदौरिया से करि मुलाकात, जिला मा मूलभूत समस्यों ते खत्म कन्ने मांग.
यंग तर्क अवॉर्ड सेरेमनी मा पोंछिन तिग्मांशू धूलिया
पहाड़ों की रानी मसूरी मा यंग तर्क अवार्ड सेरेमनी कू आयोजन, नेशनल अवॉर्ड विनर फिल्म डायरेक्टर तिग्मांशु धूलिया और पर्यावरण विद् पद्मभूषण अनिल प्रकाश जोशिन करि कार्यक्रम मा शिरकत, 38 लोखूं ते यंग तर्क अवार्ड से करि सम्मानित.
