अपणुं उत्तराखंडः दिनभरै 10 खास खबर, एक नजर मां

दिनभरै खास खबर, एक नजर मां

राज्यसभा मा नागरिक संशोधन बिल पर बहस जारी
राज्यसभा मा पेश हुयां नागरिक संशोधन बिल (CAB) पर बहस जारी, विपक्षी दलोंन ये बिल थै देश थै बंटण वलु दै करार, बोली- संविधानक आत्मा पर चोट कनु वलु च नागरिक संसोधन बिल.

पूर्वोत्तर राज्यों मा CAB थै लेकि आक्रोश
पूर्वोत्तर राज्यों मा नागरिकता संशोधन बिल थै लेकि दिखे उबाल, जनतान बिल कु खिलाफ करि व्यापक विरोध प्रदर्शन, असम का कुछ इलाकों मा हिंसा की खबर, जैका बाद संवेदनशील इलाकों में भारी पुलिस बल तैनात.

पीएम मोदी थै गुजरात दंगों मा मिली क्लीन चिट
2002 का गोधरा दंगों मा पीएम मोदी थै मिली क्लीन चिट, गुजरात का गृहमंत्री प्रदीप सिंह जडेजान विधानसभा मा दै जानकारी, नानावती आयोगक रिपोर्टन पीएम मोदी थै दे राहत.

CAB पर कांग्रेसन करि प्रदर्शन
देहरादून म भि कांग्रेस न करि नागरिक संशोधन बिलकु विरोध, नगरका एश्ले हॉल चौक पर केंद्र सरकार कु फूंकी पुतला, बिल थै नागरिक संसोधन बिल थै बताई लोकतंत्र पर प्रहार.

महाविद्यालय मा आपसम भिड़िन कर्मचारी
डीडीओ कोड की बहाली थै लेकि ऋषिकुल महाविद्यालय मा कर्मचारियुं कू विरोध जारी, प्रदर्शनक दौरान आपसम भिड़िन कर्मचारी, तालाबंदी करि महाविद्यालय मा तोड़फोड़, वरिष्ठ कर्मचारियों ना शांत करै मामला.

छात्रवृत्ति घोटाला थै लेकि भीम आर्मिन जतै नाराजगी
छात्रवृत्ति घोटाला मा लिप्त शिक्षण संस्थानों का संचालकों थै मिली जमानत पर भीम आर्मीन जतै विरोध, शिक्षण संस्थानों से रिकवरी न किये जाण पर जतै नाराजगी.

200 फीट गहरी खाई मा गिरी कार, द्वि की मौत
टिहरी का नरेंद्र नगर मा ह्वे भीषण हादसा, अनियंत्रित हुण से 200 फीट गहरी खाई मा गिरी कार, दो लोगों की मौका पर दर्दनाक मौत.

अचानक चलदी कार मा लगि आग
एनएच-58 पर चलदी कारम लगि कार, ज्वालापुर कोतवाली क्षेत्रा कु मामला, कार सवार लुखुन बमुश्किल बचे अपणी जान, घटना का बाद हाईवे मा लगि लंबू जाम

महिलाओंन पुलिसकर्मियों पर लगाई बदसलूकी कु आरोप
उधम सिंह नगर का दिनेशपुर थाना महिलाओं न जमकर करि हंगामा, पुलिस कर्मियों पर लगाई बदसलूकी कु आरोपी, कैबिनेट मंत्री अरविंद पांडे से भी करि शिकायत.

बर्फबारी थै लेकि मौसम विभागन दै चेतावनी
उत्तराखंडम आगामी द्वि दिनों मा मौसम विभागन जताई बारिश, ओलावृष्टि और बर्फबारी की संभावना, भौल उत्तरकाशी, रुद्रप्रयाग, चमोली, बागेश्वर और पिथौरागढ़ जिला मा ऊंचाई वला इलाकों मा बर्फबारिक दै चेतावनी.