अपणुं उत्तराखंडः दिनभरै 10 खबर, एक नजर मां

एक नजर मां देखा, प्रदेशभरै 10 बड़ी खबर

नई दिल्ली
पीएम मोदी पहुंचिन ब्राजील, 11वां ब्रिक्स शिखर सम्मेलन मा करला शिरकत
11वां ब्रिक्स शिखर सम्मेलन मा शामिल हुणां कु ब्राजील पहुंचया छिन पीएम मोदी, ये सम्मेलन मां पीएम मोदी डिजिटल एकॉनोमी, विज्ञान और प्रौद्योगिकी समेत आतंकवाद विरोधी विषयों पर करला चर्चा.

नई दिल्ली
आरटीआई दायरा मा होलु CJI कार्यालय
सीजेआई रंजन गोगोई कु नेतृत्व वली पांच न्यायाधीशों की संविधान पीठन CJI कार्यालय थे सूचना कु अधिकार यानि RTI का दायरा मा बताई. सुप्रीम कोर्टन यु आदेश दिल्ली हाईकार्ट का फैसला थे चुनौती दिण वली याचिका फर सुणै.

देहरादून
उत्तराखंड कैबिनेट बैठकम कई मुद्दों पर ह्वे चर्चा
आज सचिवालय मा मुख्यमंत्री त्रिवेंद्र सिंह रावत की अध्यक्षता मा कैबिनेट बैठक कु आयोजन कियेगे. जैमा करीब 30 मुद्दों पर ह्वे चर्चा. प्रदेश का जैविक उत्पादों की होली ब्रांडिंग

देहरादून
जैविक कृषि विधेयक थै मिली कैबिनेट की मंजूरी
त्रिवेंद्र सरकार कि कैबिनेट बैठकम जैविक कृषि विधेयक थै मिली मंजूरी, आगामी विधानसभा सत्र मा विधेयक पर लगलि मुहर, उत्तराखंड का उत्पादों थै मिलिली नै पहचान.

डोइवाला
सीएम योगी न डॉ. स्वामी राम थै दै श्रद्धांजलि
हिमालयन इंस्टीट्यूट ऑफ हॉस्पिटल ट्रस्ट का संस्थापक डॉ. स्वामी राम की 24वीं पुण्यतिथि कार्यक्रम मा शामिल हुणा पहुंचिन यूपी सीएम योगी आदित्यनाथ, स्वामी राम थे श्रद्धा सुमन करिन अर्पित. ये मौका फर भारत माता मंदिर संस्थापक ब्रह्मलीन स्वामी सत्यमित्रानंद से दिये ग्या 2019 स्वामी राम मानवता पुरस्कार.

देहरादून
अधिकारियों थै भिजन नोटिस
राज्य मा सरकारी आवासों फर कब्जा जमै बैठयां नौकरशाहों से अब सरकार बाजार रेट से किरै करालि वसूल, राज्य संपत्ति विभागन 9 आईएएस अधिकारियों समेत करीब 50 अफसरों थे जारी करिन नोटिस.

उधमसिंह नगर
देहज का लालच मा पत्नी की हत्या
बाजपुर किलाखेड़ा मा देहज का लालच मा पतिन कारि पत्नी की बेहरमी से हत्या, मुरादाबाद मा वारदात थै अंजाम दिणा बाद शव लेकर पहुंचुया छा बाजपुर, शिकायत का बाद पुलिस कनि च मामला जांच

देहरादून
चारधाम: शीतकाल मां भी श्रद्धालु कै सकला अपणा अराध्यु क दर्शन
चारधामों का कपाट बंद हुणा बाद भी शीतकाल मा श्रद्धालु अपणा अराध्यु क दर्शन कै सकदिन, अब गंगोत्री, यमुनोत्री, केदारनाथ और बदरीनाथक देवडोली का प्रवास स्थान पर श्रद्धालु दर्शन कै सकला.

नैनीताल
ब्रह्मांड का रहस्यों से उठलु पर्दा
ब्रह्मांड मा छुपया रहस्यों थै जणां वास्ते ब्रिक्स देशों में शामिल 5 में से 3 देश कना छिन स्पेशल रिसर्च, जैमा भारत, दक्षिण अफ्रीका व रूस का वैज्ञानिक ब्लैकहोल और सुपरनोवा तारों फर कना छिन विशेष अध्ययन, नैनीताल मा स्थापित करि च 72 ऑप्टिकल दूरबीन

देहरादून
बाल दिवस: 50 विद्यालय थै मिललु सम्मान
14 नवंबर यानि बाल दिवस कु मौका पर शिक्षा विभाग 50 स्कूलों थै दीनदयाल उपाध्याय पुस्कार से करलु सम्मानित, टॉप कन वला 10 छात्रों थै भि दिये जालु सम्मान