1. छावला गैंगरेप मामला मा सीएम धामी कू बयान:छावला गैंगरेप मामला मा सुप्रीम कोर्ट का फैसला खिलाफ पीड़ता का परिजनों ना कोर्ट मा पुनर्विचार याचिका दाखिल कना की करि बात, कोर्ट ना ये मामला मा तीन आरोपियों थै करि बरी. वखि अब ये मामला मा सीएम धामी कू बयान ऐ समणि, ऊन बोली- पीड़िता थै न्याय दिलाणा खुण किये जालु हरसंभव प्रयास, ये मामला थै लेकि सुप्रीम कोर्ट की एडवोकेट चारू खन्ना और केंद्रीय कानून मंत्री किरेन रिजिजू दगणि खुद सीएम धामी ना करि बात.
2. राज्य कर्मचारियों थै धामी सरकार ना द्याई डीए कू तोहफा:उत्तराखंड का तीन लाख राज्य कर्मचारियों और पेंशनरों थै धामी सरकार ना द्याई तोहफा, सीएम धामी ना महंगाई भत्ता की फाइल पर लगाई मुहर, सचिव वित्त दिलीप जावलकर ना फाइल पर अनुमोदन मिना की करि पुष्टि, मनै जाणु च कि राज्य स्थापना का मौका पर धामी सरकार डीए कू जीओ कै सकदि जारी.
अपणुं उत्तराखंडः दिनभरै खास खबर, एक नजर मा 3. कार्तिक पूर्णिमा पर हरिद्वार मा उमड़ी आस्था कू सैलाब:कार्तिक पूर्णिमा का अवसर पर आज लाखों श्रद्धालुओं ना हरिद्वार पौंचि गंगा स्नान करि. आज सुबेर बटि ही हरकी पैड़ी पर श्रद्धालुओं की नहेणा खुण भीड़ जुटण शुरू ह्वेगे छाई, यन मा कार्तिक पूर्णिमा का स्नान का मद्देनजर पुलिस-प्रशासन ना भी सुरक्षा का किया छाई पुख्ता इंतजाम, वखि सुरक्षा का लिहाज से मेला क्षेत्र थै 9 जोन और 13 सेक्टर मा बंटयु छाई.
4. उत्तराखंड मा बिना मान्यता वला मदरसों पर होली कार्रवाई:उत्तराखंड सरकार भी यूपी की तर्ज पर अब बिना मान्यता का संचालित हुणा मदरसों का खिलाफ कार्रवाई कन जाणि च, प्रदेश का परिवहन एवं समाज कल्याण मंत्री चंदन राम दास ना बोली- बिना मान्यता का चन वलों मदरसों थै जल्द सरकार करिलि बंद, प्रदेश मा संचालित 419 मदरसों मा से 192 मदरसों थै मिनि च सरकारी मदद.
5. हल्द्वानी वासियों थै कूड़ा की समस्या से मिललि निजात:हल्द्वानी वासियों थै जल्द कूड़ा निस्तारण की समस्या से मिललि निजात, गौलपार स्थित ट्रंचिंग ग्राउंड मा पुड़या एक लाख मीट्रिक टन कूड़ा कू आगामी छह महीना का भीतर किये जालु निस्तारण, यन मा आज ट्रंचिंग ग्राउंड पौंचिकि कुमाऊं कमिश्नर दीपक रावत ना प्रोसेसिंग प्लांट कू करि निरीक्षण, निजी कंपनी की मदद से किये जालु एक लाख मीट्रिक टन कूड़ा कू निस्तारण.
6. दून अस्पताल में गोल्डन कार्ड धारकों थै मिललि प्राइवेट वार्ड सुविधा:दून मेडिकल कॉलेज अस्पताल मा अब सीजीएचएस और आयुष्मान गोल्डन कार्ड का लाभार्थियों थै मिललि डीलक्स और सेमी डीलक्स का दगणि प्राइवेट वार्ड की सुविधा, ये श्रेणी मा आण वला लाभार्थियों थै अब ग्रेड-पे का हिसाब से अलॉट किये जाला वार्ड, दून अस्पताल मा 40 से 50 प्राइवेट रूम की किये जाणि च व्यवस्था, जख मरीजों थै मिललि तमाम सुविधाएं.
7. डीएवी कॉलेज मा अनशन पर बैठयां छात्र की बिगड़ी तबीयत:देहरादून डीएवी पीजी कॉलेज मा छात्रसंघ चुनाव की मांग थै लेकि 2 नवंबर से अनिश्चितकालीन धरना जारी, तीन दिन पूर्व अपणी मांगों थै लेकि धरना पर बैठयां छात्रों ना शुरु करि भूख हड़ताल, वखि अनशन पर बैठण से एक छात्र की हालत बिगड़ पर वैथे दून अस्पताल मा इलाजा खुण करये ग्या भर्ती. अभी भी अपणी मांगों थै लेकि छात्रों कू अनशन जारी.
8. पुलिस टीम पर फायरिंग कन वलु एक और आरोपी गिरफ्तार:उधम सिंहनगर का पुलभट्टा थाना क्षेत्र मा बीती 3 नवंबर का दिन पुलिस टीम पर फायरिंग कन वला एक और आरोपी थै पुलिस ना करि गिरफ्तार, आरोपी का पास से पुलिस थै एक तमंचा और चार जिंदा कारतूस भी ह्वेनि बरामद, वखि ये मामला मा पुलिस पेलि द्वि बदमाशों थै गिरफ्तार कयालि छाई, जबकि, द्वि अन्य आरोपी अभी भी फरार चना छिन.
9. सुरकंडा देवी मंदिर रोपवे द्वि दिनों तक रालु बंद:प्रसिद्ध सिद्धपीठ मां सुरकंडा देवी मंदिर दर्शनों खुण जाण वला श्रद्धालुओं खुण एक आवश्यक सूचना च, जू श्रद्धालु रोपवे का माध्यम से मंदिर दर्शनों खुण जाणा की योजना बनाणा छिन, दरअसल, मंथली मेंटनेंस का चलदा सुरकंडा देवी मंदिर रोपवे आगामी 9 और 10 नवंबर का दिन बंद रालु. यन मा द्वि दिन अब मंदिर आण वला श्रद्धालु रोपवे कू इस्तेमाल नि कैर सकदिन.
10. भनकुंड पहुंची भगवान तुंगनाथ की चल विग्रह डोली:आज चंद्र ग्रहण कू सूतक हुणा का कारण तृतीय केदार भगवान तुंगनाथ की चल विग्रह डोली अपणा निर्धारित समै से पेलि ही चोपता से रवाना ह्वेगे छाई, यन मा दोपहर तीन बजि बाबा तुंगनाथ की डोली अपणा अंतिम रात्रि प्रवासा खुण भनकुंड पौंचि, वखि अब भौल सुबेर 10 बजि बाबा तुंगनाथ की चल विग्रह डोली अपणा शीतकालीन गद्दीस्थल मक्कूमठ खुण रवाना ह्वेलि, अब शीतकाल मा मक्कूमठ मा ही भगवान तुंगनाथ की पूजा अर्चना किये जालि.
