1. केदारनाथ मंदिर खुना और बंद कना का समय मा बदलाव:मॉनसून सीजन मा तीर्थयात्रियों की घटती संख्या का मद्देनजर बदरी केदार मंदिर समिति ना ल्याई बड़ू निर्णय, केदारनाथ मंदिर का द्वार खुना और बंद कना कू समय मा करि बदलाव, अब सुबेर 4 बजि का जगा 5 बजि खुलला मंदिर का कपाट और राति नौ बजि तक श्रद्धालु कैर सकदिन बाबा केदार का दर्शन.
2. आईएएस रामविलास यादव से विजिलेंस की पूछताछ जारी:आय से अधिक संपत्ति मामला मा कानून का शिकंजा मा फंसया उत्तराखंड का रिटायर्ड आईएएस अफसर रामविलास यादव से पुलिस रिमांड मा पूछताछ जारी. विजिलेंस का देहरादून मुख्यालय मा आईएएस यादव से पूछे जाणा छिन सवाल, सचिव लखनऊ विकास प्राधिकरण और मंडी परिषद में एडिशनल डायरेक्टर भि रैनी आईएएस रामविलास यादव.
अपणुं उत्तराखंडः दिनभरै खास खबर, एक नजर मा 3. आईएफएस अफसरों थै मिल सकदि नई जिम्मेदारी:उत्तराखंड मा आईएफएस अफसरों थै नई जिम्मेदारी दिणा की कवायद तेज, चीफ वाइल्ड लाइफ वार्डन और पीसीसीएफ वाइल्डलाइफ जना महत्वपूर्ण पद समीर सिन्हा कू नौ फाइनल, जल्द ह्वे सकदि नियुक्ति, वन मंत्री सुबोध उनियाल ना देनि संकेत.
4. देहरादून मा ईडी की टीम की छापेमारी:राजधानी देहरादून मा ईडी की टीम ना वीवो कंपनी का ऑफिस मा करि छापेमारी, मनी लॉन्ड्रिंग से जुड़या मामला मा वीवो कंपनी का देशभर मा खुलयां 44 आफिसों मा चनि च छापेमारी, ईडी की टीम ना कब्जा मा लेनि कई महत्वपूर्ण दस्तावेज.
5. युवक की गंगा मा डूबण से मौत:लक्ष्मण झूला थाना क्षेत्र मा फूलचट्टी का पास गंगा मा नहेण का दौरान युवक की डूबण से मौत, राजस्थान बटि दोस्तों दगणि घुमणा खुण ऋषिकेश पौंचि छाई युवक, एसडीआरएफ की रेस्क्यू टीम थै नदी से द्वि किलोमीटर दूर टापू से बरामद ह्वाई युवक कू शव. मकैनिकल इंफेंट्री कू जवान छाई मृतक.
6. एआरटीओ की गाड़ी कू ह्वाई एक्सीडेंट:लक्सर लंढौरा मार्ग पर आज सुबेर चार बजि चेकिंग पर निकल्या एआरटीओ की गाड़ी की डंपर से ह्वाई भिड़ंत, ये हादसा मा एआरटीओ समेत गाड़ी मा बैठ्या चार कर्मचारी भि ह्वेनि घायल, सबि घायलों कू रुड़की सिविल अस्पताल मा चनु च इलाज. डॉक्टरों ना बोली- घायलों की हालत अब खतरा से भैर.
7. देर रात गहरी खाई मा गिरी यात्री वाहन:ऋषिकेश-बदरीनाथ हाईवे पर शिवपुरी का पास देर रात गहरी खाई मा गिरी यात्री वाहन, ये हादसा मा एक यात्री की मौका पर ही दर्दनाक मौत वखि तीन लोग गंभीर रूप से घायल, पुलिस और एसडीआरएफ की टीम ना सबि घायलों थै करि रेस्क्यू, दिल्ली का रैण वला बतै जाणा छिन सबि घायल.
8. डोईवाला मा बणि कृत्रिम झील:डोईवाला विधानसभा क्षेत्र मा कृत्रिम झील बनण से आसपास का इलाको मा दहशत, सूचना मिलण पर अधिकारियों ना ल्याई मौका कू जायजा, पहाड़ी से नदी मलबा गिना का कारण सूर्यधार झील से करीब द्वि किलोमीटर अगनै बणि च झील, ग्रामीणों ना सड़क निर्माण कंपनी पर लगैन गंभीर आरोप.
9. नैनीताल हाईकोर्ट ना उमेश कुमार से मांगी जवाब:नैनीताल हाईकोर्ट ना आज खानपुर विधायक उमेश कुमार शर्मा का चुनौ का खिलाफ दायर याचिका की सुनै करि, जैका बाद अब हाईकोर्ट की एकल पीठ ना ये मामला मा उमेश कुमार शर्मा थै तीन सप्ताह का भितर जवाब पेश कना कू आदेश द्याई, वखि अब ये मामला की अगली सुनवै 26 जुलाई का दिन होली.
10. वन विभाग का कर्मचारियों ना गुलदार थै पकड़ी:हरिद्वार का रिहायशी इलाकों मा गुलदार की धमक से लौखु मा दहशत, आज वन विभाग का कर्मचारियों ना गुलदार थै पकड़ी, जैका बाद राजाजी पार्क का रेस्क्यू सेंटर भेजे ग्या गुलदार, हरकी पैड़ी का समीप हनुमान मंदिर का पास से वन विभाग की टीम ना गुलदार से करि रेस्क्यू.
