अपणुं उत्तराखंड: दिनभरै खास खबर, एक नजर मा

भारतीय सैन्य अकादमी देहरादून मा आज 377 जेंटलमैन कैडेट्स ना पासिंग आउट परेड मा ले हिस्सा, मुख्यमंत्री पुष्कर सिंह धामी ना हरिद्वार मा आयोजित प्रधानमंत्री आवास योजना कार्यक्रम मा बतौर मुख्य अतिथि करि शिरकत, देश मा राष्ट्रीय शिक्षा नीति लागू हुणा का बाद उत्तराखंड मा भि नई शिक्षा नीति लागू कना की तैयारी तेज, धर्मनगरी हरिद्वार मा विश्व हिंदू परिषद की केंद्रीय मार्गदर्शक की बैठक शुरू, भारतीय किसान यूनियन अंबावत ना निर्जला एकादशी का दिन हरिद्वार मा करि महाअधिवेशन, काशीपुर पुलिस ना द्वि दिन पेलि पंजाब नेशनल बैंक मा ह्वे लूट की घटना कू करि खुलासा... पैढ़ा यनि दिनभरै खास खबर बस एक क्लिक मा.

1. भारतीय सैन्य थै मिलिन 377 नया जांबाज अफसर:भारतीय सैन्य अकादमी देहरादून मा आज 377 जेंटलमैन कैडेट्स ना पासिंग आउट परेड मा ले हिस्सा, भारतीय सेना थै मिलिन 377 नया जांबाज अफसर, इबर दा IMA से पाउटआउट हुण वला सैन्य अफसरों मा उत्तराखंड थै मिलि दूसरू स्थान, 33 जेंटलमैन कैडेट पास आउट हुणा का बाद बणिन सैन्य अफसर.

2. लेफ्टिनेंट जनरल भिंडर ना ल्याई पीओपी की सलामी:भारतीय सैन्य अकादमी की ऐतिहासिक चैटवुड बिल्डिंग परिपर मा आज आयोजित किये ग्या आईएमए की पासिंग आउट परेड, लेफ्टिनेंट जनरल अमरदीप सिंह भिंडर ना मुख्य अतिथि का रूप मा ल्याई परेड की सलाम, पासिंग आउट परेड में रिव्यू ऑफिसर की तरफ से अवॉर्ड पाण वला जेंटलमैन कैडेट्स मा बिहार का मौसम वत्स, उत्तराखंड का नीरज सिंह पपोला और हिमाचल प्रदेश का केतन पटियलट कू नौ शामिल.

3. सीएम धामी ना प्रधानमंत्री आवास योजना कार्यक्रम मा करि शिरकत:मुख्यमंत्री पुष्कर सिंह धामी ना हरिद्वार मा आयोजित प्रधानमंत्री आवास योजना कार्यक्रम मा बतौर मुख्य अतिथि करि शिरकत, ये मौका पर सीएम धामी ना विभिन्न योजनाओं कू करि शिलान्यास, कार्यक्रम मा कैबिनेट मंत्री प्रेमचंद अग्रवाल, हरिद्वार सांसद रमेश पोखरियाल निशंक समेत कई विधायक रैनि मौजूद.

4. उत्तराखंड मा जल्द लागू ह्वेलि नई राष्ट्रीय शिक्षा नीति:देश मा राष्ट्रीय शिक्षा नीति लागू हुणा का बाद उत्तराखंड मा भि नई शिक्षा नीति लागू कना की तैयारी तेज, स्कूल और कॉलेज मा वैदिक गणित और वेद उपनिषद पाठक्रम लागू कना की तैयारी कनु च उत्तराखंड शिक्षा विभाग, यन मा उत्तराखंड नई राष्ट्रीय शिक्षा नीति लागू कन वला पेलू प्रदेश भी बण सकदु.

5. हरिद्वार मा विहिप केंद्रीय मार्गदर्शक की बैठक शुरू:धर्मनगरी हरिद्वार मा विश्व हिंदू परिषद की केंद्रीय मार्गदर्शक की बैठक शुरू, हरिद्वार निष्काम धाम सेवा ट्रस्ट मा चनि च विहिप की, द्वि चरणों मा हुण वलि केंद्रीय मार्गदर्शक बैठक मा देशभर से शामिल हुणा छिन संत, बैठक मा मथुरा ज्ञानवापी, कश्मीरी पंडितों की टारगेट किलिंग जना मामलों पर हुणी च चर्चा.

6. यूपी मा बवाल का बाद उत्तराखंड मा भि अलर्ट:पैगंबर मोहम्मद पर कथित टिप्पणी का बाद देशभर का कई राज्यों मा मुस्लिम समुदाय का लौखु मा दिखेणु च आक्रोश, यूपी का कई जिलों मा बवाल का चलदा मस्जिदों का भैर बढ़यै ग्या सुरक्षा, वखि उत्तराखंड मा भि जुमे की नमाज थै लेकि पुलिस ना जारी करि अलर्ट, डीजीपी ना सभी जिला प्रभारियों थै अलर्ट रैणा का देनि निर्देश.

7. हरिद्वार मा भाकियू अंबावत कू महाअधिवेशन:भारतीय किसान यूनियन अंबावत ना निर्जला एकादशी का दिन हरिद्वार मा करि महाअधिवेशन, यूनियन का राष्ट्रीय अध्यक्ष चौधरी ऋषि पाल अंबावत का नेतृत्व मा गंगा तट पर हजारों की संख्या मा जुटिन किसान, ये मौका पर चौधरी ऋषिपाल ना किसानों से एकजुट ह्वेकि लड़ै लड़ना कू करि आह्वान.

8. उधमसिंह नगर मा हुणु च अवैध खनन:सीएम धामी का गृह जनपद मा खनन पट्टा की आड़ मा जमकर हुणु च अवैध खनन, बाजपुर, किच्छा और सितारगंज मा बेखौफ ह्वेकि खनन माफिया दिणा छिन अवैध खनन थै अंजाम, सरकार थै रोजाना हुणु च लाखों रुपया राजस्व कू नुकसान, दिनदिहाड़े नदियों मा यख चनु च अवैध खनन.

9. बैंक लूट कू पुलिस ना करि खुलासा:काशीपुर पुलिस ना द्वि दिन पेलि पंजाब नेशनल बैंक मा ह्वे लूट की घटना कू करि खुलासा, पुलिस ना लूट की घटना मा संलिप्त तीन आरोपियों थै करि गिरफ्तार, आरोपियों का पास से लूट की रकम भी बरामद, पुलिस ना आरोपियों का कब्जा से एक पिस्टल, द्वि तंमचा और कारतूस समेत घटना मा प्रयुक्त बाइक भी करि बरामद.

10. कांवड़ यात्रा की तैयारी तेज:उत्तराखंड मा चारधाम यात्रा का दौरान अब कांवड़ यात्रा थै लेकि भी तैयारियां ह्वेनि तेज, पर्यटन मंत्री सतपाल महाराज ना कांवड़ यात्रा थै लेकि अधिकारियों संग दगणि करि बैठक, सतपाल महाराज न बोली- कांवड़ यात्रा का दौरान कांवड़ियों पर हेलीकॉप्ट से किये जालि पुष्प वर्षा.