1. चंपावत उपचुनौ खुण मतदान प्रक्रिया संपन्न:उत्तराखंड मा चंपावत विधानसभा उपचुनौ खुण मतदान प्रक्रिया संपन्न, शाम पांच बजि तक 64 फीसदी ह्वाई मतदान, ये चुनौ मा बीजेपी से सीएम पुष्कर सिंह धामी और कांग्रेस प्रत्याशी निर्मला गहतोड़ी का बीच कड़ू मकाबला, सीएम धामी खुण यू चुनौ जितण च बहुत जरूरी, आज सुबेर मंदिर मा पूजा अर्चना करि सीएम धामी ना ईश्वर से मांगी जीत कू आशीर्वाद.
2. राज्यसभा खुण कल्पना सैनी ना दाखिल करि नामांकन:उत्तराखंड बटि राज्यसभा सीटा खुण बीजेपी उम्मीदवार कल्पना सैनी ना विधानसभा मा नामांकन करि दाखिल, ये मौका सीएम पुष्कर सिंह धामी, प्रदेश अध्यक्ष मदन कौशिक और हरिद्वार सांसद रमेश पोखरियाल निशंक सहित कई दिग्गज नेता रेनि मौजूद, नामांकन से पेलि प्रदेश कार्यालय मा बुले ग्ये छाई सबि विधायकों की बैठक.
अपणुं उत्तराखंड: दिनभरै खास खबर, एक नजर मा 3. प्रधानमंत्री गरीब कल्याण योजना लाभार्थियों ना कार्यक्रम मा करि प्रतिभाग:प्रधानमंत्री गरीब कल्याण योजना का लाभार्थियों थै पीएम नरेंद्र मोदी ना करि संबोधित, कार्यक्रम मा उधमसिंह नगर का 300 लाभार्थियों ना वर्चअली करि प्रतिभाग, ये मौका पर सीएम पुष्कर सिंह धामी, केंद्रीय रक्षा राज्य मंत्री अजय भट्ट, कैबिनेट मंत्री सौरभ बहुगुणा सहित तमाम गणमान्य लोग रेनि मौजूद.
4. सोमवती अमावस्या पर हरकी पैड़ी मा उमड़िन श्रद्दालु:सोमवती अमावस्था पर हरकी पैड़ी मा नहेणा खुण लाखों की संख्या मा उमड़िन श्रद्धालु, वखि श्रद्धालुओं की आवाजाही से गंगा घाटों मा फैली गंदगी, यन मा खानपुर विधायक उमेश कुमार ना हरकी पैड़ी मा झाड़ू लेकि करि सफै, श्रद्दालुओं से स्वच्छता बणै रखणा की करि अपील.
5. विधायक पुरोला ना एसडीएम विवाद पर दे सफै:विधायक पुरोला दुर्गेश्वर ना एसडीएम विवाद पर दे सफै, विधायक ना बोली एसडीएम सोहन सिंह सैनी का खिलाफ लंबा समय से मिनि छाई शिकायत, विधायक चुने जाण का बाद ऊना एसडीएम का खिलाफ दे छाई तहरीर, वखि एसडीएम का खिलाफ कार्रवाई पर दुर्गेश्वर लाला ना सीएम पुष्कर सिंह धामी कू जतै आभार.
6. हरीश रावत ना धामी सरकार पर साधी निशाना:गैरसैंण मा बजट सत्र ना कराण पर कांग्रेस का वरिष्ठ नेता हरीश रावत ना धामी सरकार पर साधी निशाना, सरकार की मंशा पर हरीश रावत ना खड़ा करिन सवाल, गैरसैंण मा बजट सत्र आहूत न कन थै बताई महापाप, बोली- उपचुनौ मा प्रदेश की जनता धामी सरकार थै सिखाली सबक.
7. तंबाकू निषेध दिवस पर 5 लाख लौखु ना ल्याई शपथ:तंबाकू निषेध दिवस पर स्वास्थ्य मंत्री डॉ धन सिंह रावत ना 5 लाख लौखु थै दिलाई शपथ, स्वास्थ्य मंत्री ना बोली- 2025 तक प्रदेश का 15 फीसदी लौखु थै छुड़वे जालि तंबाकू की लत, स्वास्थ्य विभाग विभिन्न संस्थाओं की मदद से चलाणु च जागरूकता अभियान.
8. लक्सर मा तीन लकड़ी तस्कर गिरफ्तार:लक्सर पुलिस ना शीमल और सेमल की लकड़ी तस्करी कन वला तीन आरोपियों थै करि गिरफ्तार, वखि मौका से एक आरोपी भगणा मा ह्वे कामयाब, पुलिस ना आरोपियों का खिलाफ संबंधित धाराओं मा दर्ज करि मुकदमा, तीनी आरोपियों थै कोर्ट मा पेश करि भेजी जेल.
9. केदारनाथ यात्रा मा 103 घोड़ा खच्चरों की मौत:चारधाम यात्रा का दौरान 90 से ज्यादा श्रद्दालुओं ना गंवाई जान, वखि केदारनाथ यात्रा का दौरान घोड़ा खच्चरों की मौत कू बीजेपी सांसद मेनका गांधी ना ल्याई संज्ञान, केदारनाथ यात्रा मा 103 घोड़ा खच्चरों की मौत, द्वि घोड़ा खच्चर संचालकों का खिलाफ पशु क्रूरता अधिनियम का तहत दर्ज किये ग्या मुकदमा.
