अयोध्या राम मंदिर मां सुप्रीम फैसला
अयोध्या राम मंदिर पर आज सुप्रीम कोर्टन बड़ू फैसला सुनै, रामलाल जरूर होला विराजमान, कोर्टन सरकार तै दी आदेश, अगल तीन मैना मां बन चैंलू एक ट्रस्ट, ऊ ट्रस्ट ही करली राम मंदिर कू निर्माण
राज्य भर मां मनै स्थापना दिवस
राज्य स्थापना दिवसा मौका पर उत्तराखंड मां सभी स्कूल, कॉलेज और आंगनवाड़ी केंद्र रैन बंद, प्रदेश का सभी जिलों मा स्थापना दिवस कार्यक्रमों कु हवे आयोजन
रक्षा मंत्री राजनाथ सिंह पौंछिन देहरादून
राजधानी देहरादून मां पैला द स्थापना दिवस कू मौका पर भारत भारती उत्सव कार्यक्रम कु हुवे आयोजन, दून पहुंची कि रक्षा मंत्री राजनाथ सिंहन कैरी कार्यक्रम कु उद्घाटन, अपणा संबोधन म, देवभूमि थे बतै विद्याधाम
राजनाथ सिंहन बोली- अयोध्या कू फैसला सर्वमान्य
अयोध्या रामजन्मभूमि पर सुप्रीम कोर्ट कु फैसला थे रक्षामंत्री राजनाथ सिंहन बतै ऐतिहासिक, रक्षामंत्री न बोलीं कोर्ट कु फैसला सर्वमान्य
राज्यपालन पुलिसकर्मियों तै करि सम्मानित
देहरादून पुलिस लाइन मां राज्य स्थापना दिवस कु मौका फर रैतिक परेड कू हुवे आयोजन, मुख्य अतिथि का तौर पर राज्यपाल बेबी रानी मौर्य परेड थे दे सलामी. अच्छू काम कन्न वाला पुलिसवालौं तै करि सम्मानित
गर्भवती महिला तै छुट्टी दैंणा नाम पर दैंण पड़ी रिश्वत
काशीपुरा राजकीय अस्पताल मां रिश्वखोरी कू बड़ू मामला ऐ समणीं, अस्पताल बटिं छुट्टी दैंणां नाम पर गर्भवती महिला बटिं मंगिन 6 हजार रुपया, सीएमस डॉ. वीके टम्टान बठै जांच
तीन महीना तक बंद रालू दून रेलवे स्टेशन
भौल बटिं तीन महीना तक देहरादून रेलवे स्टेशन बटिं नी होलु ट्रेनों कु संचालन, रिजर्वेशन सुविधा रैलि जारी, रिनोवेशन कु वास्ता प्लेटफार्म तीन महीना चल रालु बंद
उत्तराखंडै बेटी सुनीता तै मिलेलू राष्ट्रपति सम्मान
उत्तराखंडे बेटी सुनीता रौत न बढ़ाई प्रदेश कु मान, दिसंबर मां मिलेलू फ्लोरेंस नाइटेंगल पुरस्कार, सुनीता थे स्वास्थ्य क्षेत्र मां उल्लेखनीय कार्य कना वास्ते राष्ट्रपति कोविंद करला सम्मानित
उत्तराखंड मां मौसमन बदलि करवट
उत्तराखंड कु मौसम फिर ले सकदु करवट, मौसम विभागन दे चेतावनी, पहाड़ी क्षेत्र मां बर्फबारी और मैदानी इलाकू मा बरखा कि जते संभावना
