अपणुं उत्तराखंडः दिनभरै खास खबर, एक नजर मा

अपणुं उत्तराखंड मा देखा, दिनभरै खास खबर, एक नजर मा

दक्षिण एशियाई डिजिटल मीडिया सम्मेलन मां दिखे ईटीवी भारतै धूम, मिली Best Digital News Startup श्रेणी कु अवॉर्ड , ईटीवी भारतै मैनेजिंग डायरेक्टर बृहति चेरुकुरी न ग्रहण करी सम्मान.

देहरादून मां इंडिया ड्रोन फेस्टिवल 2.0 कु शुभारंभ ह्वे गी. ये फेस्टिवलौ उद्देश्य ड्रोन टेक्नोलॉजी का विकास और ये क्षेत्र मां लोगों थै जागरूक कन च, प्रदेश मां दूसरी दां ड्रोन फेस्टिवल होंणू च, जैमा 130 देशुं का प्रतिनिधि हिस्सा छन लेंणा.

प्रदेश मां राजनीतिक अस्थिरता की अफवाहुं पर इंदिरा हृदयेश न कसी तंज, बोली-यां से मुख्यमंत्री पर बढ़ी च दबाव, राजनीतिक अस्थिरता की खबरूं का बाद से मुख्यमंत्री कन्ना छन केवल घोषणा.

बीजेपी विधायक स्वामी यतीश्वरानंदन कैबिनेट मंत्री मदन कौशिक पर लगैन भू और शिक्षा माफिया दगडि सांठ-गांठ का आरोप, बोली अगर आरोप होला गलत त छोड़ देला राजनीति.

कुंभ मेला मां स्थायी निर्माण थै 1000 करोड़ै डिमांड

कुंभ मेला 2021 की व्यवस्थाउूं थै लेकी गढ़वाल आयुक्त रविनाथ रमन न सीसीआर मां मेला अधिकारिय्यूं दगडि बैठक करी. ज्या मां ऊंन तमाम अधिकारिय्यूं थै मेला मां होंण वाला स्थायी और अस्थायी कार्यूं थैं समय से पूरा कन्ना निर्देश देन. जैका बाद सभी विभागुन 900 से 1000 करोड़ै बजटै डिमांड रखी.

राज्य परिवहन प्राधिकरण (एसटीए) न मंगलवारौ सिटी बस, विक्रम ओर ऑटो का किराए की नई दरे लागू करीन. एसटीए के सचिव सनत कुमार सिंह न यां की जानकारी दिनी. आज से लोगुं थै सिटी बस, विक्रम और ऑटो मां सफर कनौ अतिरिक्त किराया दैंण पडलूं. नया किराया मां सिटी बसुं थै किलोमीटरा हिसाब से स्लैब बणैय गिन.

जस्टिस मलिमथ बंण सकदन मुख्य न्यायाधीश

कर्नाटक हाईकोर्ट का न्यायाधीश जस्टिस रवि मलिमथ उतराखंड हाईकोर्ट का मुख्य न्यायाधीश बंण सकदन. अबी रवि मलिमथ कर्नाटक न्यायिक एकेडमी का अध्यक्ष छन, मणौं जांणू च कि कर्नाटक न्यायिक एकेडमी ने ऊं थै अपणी सहमति दियेली. पिछली 12 फरवरी को कॉलजियमै बैठक मां यू फैसला लिये गी छौ.

चमोली का नंदा देवी राष्ट्रीय पार्क स्थित विश्व धरोहर फूलों की घाटी मां वन विभाग थै स्नो लेपर्ड होंणा संकेत मिलीन . पिछले 4 सालु मां पैली बार वनकर्मियुं थै गश्त का दौरान घाटी दुर्लभ स्नो लेपर्ड का निशान मिलीन. जै से वन विभाग काफी खुश च नजर औंणू.

कोटद्वार नगर निगम मेयर हेमलता नेगी पर बर्खास्तगी की तलवार लटकंणी च. उ पर चुनावी हलफनामा मां गलत जानकारी देंणौं आरोप लगणूं च. दगड़ा मां हेमलता नेगी पर नगर निगमै जमीन पर अतिक्रमण कन्नौ भी आरोप च. जैका कारण उ पर कार्रवाई कन्ने मांग तेज होंणी च.

हेमवती नंदन बहुगुणा गढ़वाल केंद्रीय विश्वविद्यालय का छात्रुंन अपंणी 13 सूत्रीय मांगु थै लेके आज प्रदर्शन करीय ये दौरान गुस्साए छात्रुन कुलपति कु पुतला भी फूंकी. छात्रों न चेतावनी दिनी अगर जल्द से जल्द उंकी मांग नी मनै गिन त उं उग्र आंदोलन कन, जैकी जिम्मेदारी विवि प्रशासनै होली.

उत्तराखंड मां मौसम मां लगातार बदलाव होंणू च. . मौसम विभागा पूर्वानुमाना मुताबिक आज प्रदेश का पांच जिलों मां हल्की बरखा ह्वे सकदी, यूं जिलों मां उत्तरकाशी, चमोली, रुद्रप्रयाग, पिथौरागढ़ व बागेश्वर शामिल छन. दगड़ा मां 3,500 मीटर से अधिक ऊंचाई वाला इलाकुं मां हल्की बर्फबारी का भी आसार छन.