अपणुं उत्तराखंडः दिनभरै खास खबर, एक नजर मा

अबतक द्वि लाख से ज्यादा यात्रियों ना करिन चारधामों का दर्शन, चारधाम यात्रियों थै मिलिलि बेहतर स्वास्थ्य सुविधा, चारधाम यात्रियों थै मिलिलि बेहतर स्वास्थ्य सुविधा, उत्तरकाशी मा डीजल-पेट्रोल खुण यात्रियों मा मारामारी, ग्रामीणों ना पाणी की किल्लत थै लेकि पेयजल निगम कू करि घेराव, रुद्रप्रयाग डीएम ऑफिस परिसर तक पौंचि जंगल की आग... पैढ़ा यनि दिनभरै की खास खबर बस एक क्लिक मा.

1. अबतक द्वि लाख से ज्यादा यात्रियों ना करिन चारधामों का दर्शन:चारधाम यात्रा खुण भारी संख्या मा पौंचणा छिन श्रद्धालु, विशेषकर केदारनाथ और बदरीनाथ धाम मा दर्शनों खुण रिकॉर्ड तोड़ संख्या मा पौंचणा छिन यात्री, बीता सोमवार का दिन करीब 47 हजार श्रद्धालुओं ना करिन बाबा केदार का दर्शन, वखि अबतक द्वि लाख से ज्यादा यात्रियों ना करिन चारधामों का दर्शन.

2. चारधाम यात्रियों थै मिलिलि बेहतर स्वास्थ्य सुविधा:उत्तराखंड आण वला चारधाम यात्रियों थै मिललि बेहतर स्वास्थ्य सुविधा, स्वास्थ्य मंत्री डॉ. धन सिंह रावत ना मुख्य यात्रा रूटों पर एडवांस लाइफ सपोर्ट एम्बुलेंस तैनाती का देनि निर्देश, वखि यात्रा मार्गों पर खोले गिन ब्लड बैंक और स्टोरेज यूनिट, फर्स्ट मेडिकल रिस्पॉन्स टीमों थै भी किये ग्या तैनात.

3. सीएम धामी का हेलीकॉप्टर की ह्वे इमरजेंसी लैंडिंग:मौसम खराब हुणा का चलदा सीएम पुष्कर सिंह धामी का हेलीकॉप्टर की पंतनगर एयर पोर्ट पर करै ग्या इमरजेंसी लैंडिंग, खटीमा बटि देहरादून जाणा छाई सीएम धामी, तूफान का कारण सीएम धामी का हेलीकॉप्टर की करै ग्या पंतनगर एयरपोर्ट मा इमरजेंसी लैंडिंग, करीब ढाई घंटा बाद मौसम साफ हुणा का बाद देहरादून रवाना ह्वेनि सीएम धामी.

4. उत्तरकाशी मा डीजल-पेट्रोल खुण यात्रियों मा मारामारी:चारधाम यात्रा मा व्यवस्था बनाण मा पुलिस प्रशासन का फूलिन हाथ पांव, यात्रा का मुख्य पड़ाव उत्तरकाशी मा डीजल और पेट्रोल की भारी किल्लत, गाड़ी का तेल भौरोणा खुण यात्रियों का बीच मारमारी और नोकझोंक, यात्रा कू सुगम संचालन खुण बणईं 40 अधिकारियों की जंबो टीम नदारद, गंगोत्री धाम यात्रा मार्ग पर लगणु च भारी जाम.

5. ग्रामीणों ना पाणी की किल्लत थै लेकि पेयजल निगम कू करि घेराव: पेयजल किल्लत थै लेकि देहरादून मांडुवाला नौगांव का ग्रामीणों ना पेयजल निगम कू करि घेराव, जल जीवन मिशन का तहत योजना कार्यों की धीमी रफ्तार पर जतै नाराजगी, प्रदर्शनकारी ग्रामीणों ना बोली- नौंगाव मा कई सालों से नि बदली पेयजल लाइन, जगा जगा पेयजल लाइन क्षतिग्रस्त हुण की वजह से ग्रामीणों थै नि मिनु च पाणी.

6. रुद्रप्रयाग डीएम ऑफिस परिसर तक पौंचि जंगल की आग:उत्तराखंड का पहाड़ी जिलों मा बरखा का बाद भी नि बुझी जंगलों की आग, रुद्रप्रयाग मा जिला कार्यालय और डीएम आवास परिसर का पास पौंचि जंगल की आग, घंटों की कड़ी मशक्कत का बाद जिला आपदा प्रबंधन की टीम ना बमुश्किल आग पर पाई काबू, वखि आग की चपेट मा आण से कई हेक्टेयर जंगल खाक.

7. हाई कोर्ट मा अविनाश शर्मा की गिरफ्तारी पर रोक मामला की सुनवै: बाजपुर थाना क्षेत्र मा ह्वे गोलीबारी का मामला मा बीजेपी नेता अविनाश शर्मा की गिरफ्तारी पर लगि रोक मामला की आज नैनीताल हाईकोर्ट मा ह्वे सुनवै, न्यायमूर्ति आलोक कुमार की खंडपीठ ना ये मामला की सुनवै का बाद जांच अधिकारी थै समस्त रिकॉर्ड का दगणि 17 मई का दिन कोर्ट मा व्यक्तिगत रूप से पेश हुणा कू दे आदेश.

8. युवाओं थै सीएम धामी ना दिलाई बीजेपी की सदस्यता:चंपावत उपचुनौ खुण नामाकंन कना का बाद अपणा गृहनगर क्षेत्र खटीमा पौंचिन सीएम पुष्कर सिंह धामी, वखि देहरादून रवाना हुण से पेलि मुख्यमंत्री ने पुष्कर सिंह धामी ना अपणा घौर मा टनकपुर और बनबसा का युवकों थै माला पहनेकि दलाई पार्टी की सदस्यता, सीएम धामी ना बोली- प्रधानमंत्री मोदी का कार्यों और बीजेपी की रीति नीति से प्रभावित ह्वेकि युवाओं ना पार्टी करि ज्वाइन.

9. बेलचा लेकि मलबा हटांदु ट्रैफिक पुलिस कू वीडियो वायरल:देहरादून मा स्मार्ट सिटी योजना का तहत जगा-जगा निर्माण कार्य हुणा छिन, जै वजह से शहर मुख्य चौक चौराहों पर मलबा का ढेर लग्या छिन, ये बीच सोशल मीडिया पर एक ट्रैफिक जवान कू वीडियो वायरल हुणु च, जैमा प्रिंस चौक मा तैनात एक ट्रैफिक कर्मी खुद बेलचा लेकि सड़क पर पुड़यां मलबा थै हटांद दिखेणु च.

10. 19 मई दिन खोले जाला भगवान मद्महेश्वर का कपाट:पंच केदारों मा द्वितीय केदार का ना से विख्यात भगवान मद्ममहेश्वर का 19 मई का दिन खोले जाला कपाट, 15 मई से भगवान मद्ममहेश्वर का शीतकालीन गद्दीस्थल ओंकारेश्वर मंदिर से शुरू होली कपाट खुलणा की प्रक्रिया, मंदिर समिति का तीन सदस्यीय दल ना ल्याई मदमहेश्वर धाम कू जायजा.