जयपुर. दिल्ली के सारै बहादुरगढ़ रै मांय बिहस्पतवार तड़का एक हादसो पेस आयो. जदै कास्तकारा रा आदोलन सू पाछै घर जावती बैळ्या टैम्पू नै उड़ीकती 5 लुगाया माळै डंपर चढ़ गियो. इण हादसा रै मांय तीन री मौका पै ही मौत व्हैयी गी. जदकि दो बुढ़ी लुगाया नै घणी चोट आई है. बानै सपाखाना लैर जावणो पड़्यो. हादसा रो जिम्मेवार चालक मौका सू भाग छूट्यो.
पढ़ें- किसान आंदोलन में शामिल महिलाओं को ट्रक ने कुचला, तीन की मौत
हादसा पाछै मौका पै कासा लोग जमा व्हैयी गिया. जदकि चालक नै लोग तलास करता दिख्या. हादसो संवारै साढ़ी छह बज्या पेस आयो हो. जदै ऐ पांचू लुगाया पाछै जाबा सारु पंजाब खातर टेसन वास्तै निकळी ही.ऐ सगळी जणी फुटपाथ माळै ही गाड़ी नै उड़ीक री ही. इण टैम पै झज्जर सू आवतो डंपर आ माळै चढ़ गियो. हादसा मांय मारी जाबाळी लुगाया री प्हिचाण छिंदर कौर (60), अमरजीत कौर (58) और गुरमेल कौर (60) रै रुप सू व्हैयी है. जदकि दो लुगाया मेहर सिंहअर गुरमेल (60) नै घणी चोट आई है. हादसा मांय चोट लाग्या पाछै एक जणी री हालत कासा बिगड़ गी है. जीनै बहादुरगढ़ सू रोहतक PGI भेज्यो गियो है.
जाणकारी रा हिसाब सू पांच्यू जणी पंजाब की रैबाळी ही अर टिकरी बॉर्डर पै चालता किसान आंदोलन रै मांय ऐ सगळी आई ही. आ लोगां रो बासो झज्जर रोड परल पुळिया माळै बणायो गियो हो. हादसा मांय मौका पै मौजूद कास्तकार बतायो कि ऐ लुगाया बारी-बारी सू इण आंदोलन रै मांय भाग लैबा नै आया करै है. बतायो जावै है कि एक दन एक जत्था री बारी व्हैया करै. इरै पाछै दूजा दन दूजो जत्थो आया करै. हादसा रा दन भी आपरी बारी पूरी व्हैया पाछै ऐ लुगाया आपरा घरां जावती ही.