जयपुर. राजधानी जैपर रै मांय दिल्ली सू आयोड़ी एनएसजी कमांडो री टीम मोती डूंगरी गणेश मिन्दिर मांय आतंकवादी निरोधक कामकाज नै लैर एक अभ्यास रो दौर करयो. इण सारु आमतौर पर पुलिस अर परसासन नै पैली सू बतायो जावै है. पण अबकी बर इण सारु सगळी जाणकारी नै लुखार राख्यो गियो हो.
पढ़ें- जयपुर में बढ़ रहा है डेंगू का प्रकोप, एसएमएस अस्पताल में 5 मरीजों की गई जान
रात तकरीबन पौणी दस बज्या पुलिस नै निगराणी रा केन्द्र पै कानाबाती सू समचार मिल्या हा कि मिन्दिर मांय चार गोदमगारा बड़ गिया है अर बाकै कनै हतियार भी है. जीण पाछै आ खबर मिली कि आयोड़ा मिनखा नै भी बदमास पकड़ राख्यो है. इकै पाछै पुलिस मांय सुंसाटो माच गियो अर एटीएस समेत आपातकाल नियंत्रण को दल अर दूजा संसाधना समेत बाकी रा दल मौका माळै पूग्या.
इरै लारै पुलिस रा अधिकारी आपरा बचाव रा जाप्ता नै लैर मौका पै आया. जीरै मांय बाकै कनै गोळियां सू बचबाळा गाबा भी हा. इकै पाछै जवाहरलाल नेहरु मारग समेत मिन्दिर सू जुड्योड़ा दूजा गैला नै बंद कर दियो गिया. फेर दिल्ली सू आयोड़ो एनएसजी रो दल मिन्दिर मांय बड़्यो. रात नै दस बज्यो सरु होयोड़ो काम मोड़ा रात नै दो बज्या तक पूरो करयो गियो. इण सारु मरीजां नै लैर जाबाळी गाड़ी. दमकल अर दूजा संसधान मौका पै रिया.
एनएसजी रा कमांडो आपरी समझदारी अर संसाधना रा दम पै गोदमगारा नै पकड़यो. सागै ही पकड्या गिया मिनखा नै भी महफूज राख छुड़ायो. इकै पाछै मिन्दिर कै आरै-सारै भी हेराृ-ढूंढी करी गई. मान्यो जावै कि व्योवस्ता नै चोखा राखबा का लिहाज सू ओ अभ्यास करयो जावै है. इण सारु सगळा विभाग रै मौका पै पूगबा अर काम सरु करबा का काज नै परख्यो गियो.