जयपुर. फर्राटा सू भागबाळी रेलगाड़ी बुलेट ट्रेन नै लैर अब तस्वीर साफ होबा लागी है. दिल्ली सू अहमदाबाद तांय चालबाळी गाड़ी रा राजस्थान मांय नौ जगह टेसन व्हैला. 875 किलोमीटर लंबा गैला मांय सू 657 किलोमीटर रा चीला राजस्थान रा सात जिला सू निकळसी. जारै मांय अलवर, जयपुर, अजमेर, भीलवाड़ा, चित्तौड़गढ़, उदयपुर अर डूंगरपुर रा नाम है. केंद्र सरकार री मंजूरी मिल्या अर स क्यू चोखा रैया सू रेलगाड़ी अहमदाबाद सू दिल्ली तांय 350 किलोमीटर हर घंटा री गति सू दौड़सी. दिल्ली अर अहमदाबाद री 886 किलोमीटर रो सफर 3 घंटा मांय पूरो व्हैला. बुलेट ट्रेन खातर डूंगरपुर टेसन 23 किलोमीटर दूर खेरवाड़ा मांय बणीजसी.
यह भी पढ़ें -आज जो शीर्ष सत्ता में बैठे हैं, वे झूठ फैला रहे हैं कि पटेल और नेहरू में नहीं बनती थी - डोटासरा
बुलेट ट्रेन री सबसू बत्ती गति 350 हर घंटा री रैवैला. जदकि इरी औसत गति ढाई सौ किलोमीटर घंटा री रैवेला. बुलेट ट्रेन जमीन सू 10 सू लैर 15 मीटर ऊंचा एलिवेटेड ट्रैक माळै दौड़सी. जीसू जमीन माळै कोई खतरो कोनी रैवेला. अर दूजा लोगां नै भी इसू परेशानी कोनी व्हैला.
यह भी पढ़ें - नाबालिग बच्चे के साथ कुकर्म का मामला: मां ने PM मोदी को लिखा पत्र, राजस्थान छोड़कर सुरक्षित स्थान पर जाना चाहती हूं
दिल्ली सू अहमदाबाद रा बीच 15 ठहराव
दिल्ली सू लैर अहमदाबाद रै बीच बुलेट रेल रा 15 ठहराव बताया जावै है. जीरै मांय डूंगरपुर रो भी नाम है. जीको जिला मुख्यालय सू 23 किलोमीटर खैरवाड़ा रो बणीजसी. इकै अलावा दिल्ली स्टेशन, मानेसर, बीडब्ल्यूएल/रेवाड़ी स्टेशन, बहरोड़, जयपुर, अजमेर, विजयनगर, भीलवाड़ा, चित्तौड़गढ़, उदयपुर, डूंगरपुर, हिम्मतनगर, गांधीनगर अर अहमदाबाद रा टेसन व्हैला.
यह भी पढ़ें - राजस्थान में शुरू होने लगा सर्दी का सितम, सीकर में न्यूनतम तापमान पहुंचा 10.4 डिग्री सेल्सियस
सबसू लंबा चीला राजस्थान मांय
बुलेट ट्रेन परियोजना री लंबी दूरी राजस्थान सू निकळसी. इरी दूरी 657.95 किलोमीटर होसी. राजस्थान री बुलेट ट्रेन 7 जिलां सू निकळसी. जारै मांय अलवर रो 34.71 किमी, जयपुर रो 194.58 किमी, अजमेर रो 107.97 किमी, भीलवाड़ा रो 85.57 किमी, चितौड़गढ़ रो 79.73 किमी, उदयपुर रो 123.29 किमी अर डूंगरपुर रो 32.10 किमी री दूरी पर ठहराव व्हैला. इकै अलावा दिल्ली मांय 4.06 किमी, हरियाणा रो 78.22 किमी, गुजरात री 127.88 किमी लंबी पटरिया बणीजसी.
राजस्थान रा कुल 335 गांवां पै पड़सी असर
बुलेट ट्रेन री पटरी बणबा सू राजस्थान रा 7 जिलां मांय कुल 335 गांवां माळै असर पड़सी...इरै मांय अलवर रा 19, जयपुर रा 113, अजमेर रा 47, भीलवाड़ा रा 34, चित्तौड़गढ़ रा 48, उदयपुर रा 58, डूंगरपुर रा 16 गांवां माळै असर पड़सी... आ सगळा गावां री जमीन माळै पटरी बणीजसी... योजना मांय डूंगरपुर जिला रा 16 (पालवड़ा, भुवाली, गरदुना, शिशोद, पाल बोखला, संचिया, कनबा, बरोठी, नवागांव, गेहूवाड़ा, बिछीवाड़ा, धामोद, हसियावास, हिंगोड़ी, खेरापाल, डेडली) गांवां पै असर पड़सी.
