- हिमाचल सरकार रे पांज बजे रे मेडिकल बुलेटिन रे मुताबिक प्रदेश च कोरोना मरीजा री कुल संख्या बदी ने 233 होई. 5 लोका री मौत. 161 एक्टिव केस, 63 होए ठीक वीडियो रिपोर्ट.
- हमीरपुर रे आरसीएच भोटा च एक ओर कोरोना संक्रमित मरीज होया ठीक, इलाज ते बाद भेजया गया घर
- प्रधानमंत्री गरीब कल्याण पैकेज ते हिमाचल जो लगभग 288 करोड़ रुपए होए ट्रांसफ़र, केन्द्रीय वित्त राज्य मंत्री अनुराग ठाकुर ने दी जानकारी.
- उद्योग मंत्री विक्रम सिंह ने बोलया कि कोरोना संकट रे बीच हिमाचल च इंडिस्ट्रियल सेक्टर ने पकड़ी रफ्तार, 75 प्रतिशत इंडस्ट्रियां च कामकाज शुरू. 50 हजार लोग कामा पर आए
- 30 जून तक कर्फ्यू लगाने री अफवाहां पर शिक्षा मंत्री ने बोलया कि सरकार ने हर जिले रे डीसी जो कर्फ्यू बदाणे री छूट दीति री, पर सरकार ने पूरे हिमाचल च 30 जून तक कर्फ्यू लगाणे रा कोई ऑर्डर नी दीति रा
- खरीद घोटाले च ऑडियो वायरल होने ते बाद गिरफ्तार होए स्वास्थ्य निदेशक डॉ अजय गुप्ता जो कोर्ट ने भेजया पांज दिनां रे पुलिस रिमांडा पर
- मंडी च कोरोना वायरस रे कारण महिला री मौता ते बाद अंतिम संस्कार करने पहुंचे पुलिस और प्रशासन जो झेलणा पेया लोकां रा गुस्सा. पत्थरां ने कितया रस्ता बंद. पुलिस ने कितया मामला दर्ज
- कुल्लू प्राइवेस बस ऑपरेटर संघ ने कीति मांग, बोलया सरकारी बसां रे ड्राइवरां कंडक्टरां री तर्ज पर प्राइवेट बसां रे ड्राइवरा कंडक्टरा रा होए बीमा
- कुल्लू च सोमवारा जो करंट लगणे ते जले आदमी री देर रात मौत, बिजली री तारां जो ठीक करदे टैम लगया था करंट, करंट लगणे ते 95 प्रसेंट जली गया था मजदूर
- जिला कांगड़ा रे सारेयां ब्लॉकां च शुरू होए मनरेगा रे काम, कई लोकां जो मिलया रोजगार, मजदूरां जो होई 2 करोड़ 26 लाख री पेमेंट
- शिमला रे नेरवा च 12 सालां री बच्चियां ने होया बलात्कार, जंगल च डंगरा चराणे गई थी बच्ची, दो आदमियां ने कितया बलात्कार
खबरां पहाड़ा री: कोरोना मरीजा री कुल संख्या बदी ने होई 233, 5 लोका री मौत
हिमाचल सरकार रे पांज बजे रे मेडिकल बुलेटिन रे मुताबिक प्रदेश च कोरोना मरीजा री कुल संख्या बदी ने 233 होई. प्रधानमंत्री गरीब कल्याण पैकेज ते हिमाचल जो लगभग 288 करोड़ रुपए होए ट्रांसफर. देखां पहाड़ां री बड्डी खबरां..
डिजाइन फोटो.