प्रधानमंत्री मोदी ने एक्टिव फाइडिंग केस अभियान चलाणे पर कीति जयराम ठाकुर री तारीफ

खबरां पहाड़ां री: प्रधानमंत्री मोदी ने एक्टिव फाइडिंग केस अभियान चलाणे पर कीति जयराम ठाकुर री तारीफ, दूजे राज्यां जो भी दित्ते एक्टिव फाइडिंग केस चलाणे रे निर्देश. विपक्ष री तरफ ते लगातर सरकार रे खिलाफ बयान आने ते बाद मुख्यमंत्री जयराम ठाकुर ने बोलया कि कुछ लोकां जो बिना मतलबा ते बोलणे री आदत हुंदी. बस मशवरेयां देई आदे. ऐड़ा लगी करां भई दुनिया भरा रा सारा ज्ञान इना ले ई आ.

• शिक्षा मंत्री सुरेश भारद्वाज ने शिमला रे चिड़गांव च दुग्यानी गांवा रा कितया मौका, लोकां जो हर संभव मदद देने रा दितया आश्वासन, दसी देई कि पिछले कल दुग्यानी गांवा च आग लगणे ते 8 मकान जली गई थे.
• कलकते च फसे हिमाचल रे 80 बंदे, फेसबुका पर वीडियो पाई ने दसया अपना माड़ा हाल, मुख्यमंत्री ते कीति विनती बोलया बपास लयाणे रा इंतजाम करो सीएम साहब.
• सुंदरनगर ते कश्मीर अपना घरा भेजे गए कश्मीरा रे 100 लोग, बोलया इत्था रे लोकां कने सरकार रे शुक्रगुजार.
• जिला सोलन ने जीती कोरोना रे खिलाफ जंग, कोरोना मुक्त होया सोलन, डीसी ने कीति अपील बोलया कि आली वी चतना रेहणे री जरूरत.
• मशोबरा च एक बोलेरो कैंपर दुर्घटनाग्रसत, ड्राइवरा री मौत, 1 घायल, सीएचसी मशोबरा च भर्ती.
• राज्यस्थान रे मजदूरां खातर मसीहा बनया मंडी जिला प्रशासन, लोकें मंडीया च रही करदे राजस्थान रे मजदूरा जो पैसे कट्ठे करी ने भेजया घर.
• शिमला व्यापारमंडल ने डीसी जो दितया पर्चा, बोलया कि दूजे जिलयां साईं शिमले च भी दीति जाए दुकाना खोलणे री छूट.
• कुल्लू रे बंजार और आनी च पुलिस ने 6548 अफीम रे बूटे किते नष्ट, मामला दर्ज करी ने पुलिस ने शुरू कीति जांच.
• हिमाचल रे कई हिस्सयां च आज होई सकदी बरखा. 9 जिलेयां च मौसम विभाग ने जारी कितया अलर्ट.