बिलासपुर च पलटी बस, 55 लोक जख्मी...दिखा हिमाचल री खबरां पहाड़ी च

बिलासपुर रे गंभर पुला पर एक बस पलटी गई, बसा च सवार 55 लोक जख्मी होई गए. बसा च केरला रे कालेजा से बच्चे दिल्ली ते वॉल्वो बस करी ने मनाली घूमणे जादे थे.

• हिमाचल च नई ट्रांसफर पॉलिसी रे तहत डेप्युटेशन पर गए मास्टर रा ब्यौरा भी शामिल होणा. शिक्षा विभाग ने सरकारा जो देणी रिपोर्ट
• कुल्लू च नियमां रे खिलाफ चला दे होटलां पर पर्यटन विभाग री कार्रवाई, 2 दर्जन होटल मालिका पर लगया 87 हजार जुर्माना
• नए साल रे जश्न जो लेई ने राजधनी शिमला तैयार, नए साला रे मौके पर पर्यटन निगम रे होटल और प्राइवेट होटलां च टूरिस्टां रे मनोरंजना खातर होणे कई कार्यक्रम.
• शक्तिपीठ चितपूर्णी च नए साल पर शुरू होए मेले. दो दिन तक चलणे आले मेले च 1 लाख श्रद्धालुआं रे पहुंचने री उम्मीद.
• सोलन च रजाई बनाने आली फैक्ट्रिया च लगी आग, शॉट सर्किट दसया जादा आग लगणे रा कारण फैक्ट्री मालिक जो 40 हजार रा नुकसान.
• जिला कुल्लू च स्वच्छ भारत मिशन-ग्रामीण रे तहत ठोस-तरल कचरा प्रबंधन रे खातर पंचायता च चलणा. स्वच्छता अभियान, पहले चरण च 40 पंचायतां जो कितया जाणा ठोस कचरा मुक्त